English | عربی | Kurdî دواهەواڵ
ڕاستەوخۆ  
 
عەبادی: دەست لەكارەكانی كابینەكەی عادل عەبدولمەهدی وەرنادەم و ئاسانكاریشی بۆ دەكەین
2018-10-24 [06:27 AM]

ZNA - هەولێر


سه‌رۆك وه‌زیرانی كاربه‌ڕێكه‌ری عێراق، حه‌یده‌ر عه‌بادی، ده‌ڵێت: من دەست لەكارەكانی سه‌رۆك وه‌زیرانی راسپێردراو عادل عەبدولمەهدی وەرنادەم لە پێكهێنانی حكوومه‌تی نوێ وهه‌موو ئاسانكارییه‌كیشمان بۆ سه‌ركه‌وتنی له‌ ئه‌ركه‌كه‌ی پێشكه‌ش كردووه‌.

عه‌بادی له‌ كۆنگره‌ی هه‌فتانه‌یدا ئێواره‌ی سێشه‌ممه‌ 23/10/2018، گوتی: "له‌ عێراق ململانێ له‌سه‌ر ده‌سه‌ڵات نییه‌ و ده‌ستاوده‌ستی ئاشتیانه‌ی ده‌سه‌ڵات له‌نێوان تیمی حكوومه‌تێك و حكوومه‌تێكی نوێدا ده‌كرێت، ئێمه‌ له‌سه‌رمانه وڵاتان هانبده‌ین وه‌به‌رهێنان له‌ عێراق بكه‌ن و ئه‌وانیش چاویان له‌ ئاسایش و ئارامی وڵاته‌كه‌مانه".

عه‌بادی گووتی: "خۆمان به‌ پۆستی باڵای جێبه‌جێكردنی وڵاته‌وه‌ هه‌ڵنه‌واسیووه‌، ناشمانه‌وێت ئه‌وه‌ی به‌ده‌ستمان ھێناوه‌ و ئازیزه‌ له‌لامان و عێراقییه‌كان خوێن و قوربانیان بۆداوه‌ له‌ ده‌ست بده‌ین".

هه‌روه‌ها گووتی: "بارودۆخی دارایی وڵات به‌هۆی به‌رزبوونه‌وه‌ی نرخی نه‌وت باشه‌ و دوای كۆنترۆڵكردنه‌وه‌ی شاره‌كان، خه‌رجییه‌ ئه‌منی و سه‌ربازییه‌كانیش كه‌میكردووه‌ و ژینگه‌یه‌كی له‌بار بۆ ئاشته‌وایی و په‌یوه‌ندی نێوان هاووڵاتیان و هێزه‌ ئه‌منییه‌كان ره‌خساوه‌".

عه‌بادی ئاماژه‌ی به‌وه‌كرد، پێویسته‌ بوودجه‌ی ساڵی 2019 بچێته‌ په‌رله‌مان، چونكه‌ ئێمه‌ نامانه‌وێت حكوومه‌تی نوێ له‌كه‌دار ببێت و سوورین له‌سه‌ر به‌رزكردنه‌وه‌ی بۆ ئه‌نجوومه‌نی نوێنه‌ران بۆ ئه‌وه‌ی دوانه‌كه‌وێت و به‌رژه‌وه‌ندی هاووڵاتیان ره‌چاو بكرێت".

 





ئەم هەواڵە 4672جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad