English | عربی | Kurdî دواهەواڵ
ڕاستەوخۆ  
 
ئەمەریکا... کەسێک به‌ یانه‌سیبێك زیاتر لە ملیار و نیوێك دۆلار قازانج ده‌كات
2018-10-24 [03:41 AM]

ZNA - هه‌ولێر


 

کەسێک لە ئەمەریکا 1.537 ملیار دۆلاری بردووەتەوە لە پاش کڕینی بلیتێکی لۆتەری مێگا ملیۆنز Mega Millions، بەمەش دەبێتە براوەی گەورەترین بڕە پارە لە مێژووی یاری لۆتەریدا، ئەوەی لە عێراق بە یانەسیب و لە ئێران بە بەخت ئازمایی ناودەبرێت.

 

کاربەدەستانی لۆتەری مێگا ملیۆنز ڕایانگەیاند کەسەکە لە ویلایەتی ساوث کارۆلاینایە، واتە یەکێک لەو هەشت ویلایەتەی کە بەپـێی یاسا براوەکانی یاری لۆتەری دەتوانن خۆیان ئاشکرا نەکەن.

 

لە ئێستا ئەو کەسە لە بەردەم دوو بژاردەدایە، ئەویش یان ئەوەتا 1.537 ملیار دۆلارەکەی بۆ دابەشبکەن و لە ماوەی 30 ساڵدا هەمووی بدەنێ و یانیش 877.8 ملیۆن دۆلار بە یەک جار وەربگرێت.

 

هەرچەندە ئەمە یەکەم جارە لۆتەری لە ئەمەریکا بگاتە ئەم بڕە پارەیە، بەڵام پێشتر زۆر جار گەیشتووەتە سەدان ملیۆن دۆلار.

 

بەشێک لە پارەکە وەک باج دەدرێت بە حکومەتی فیدراڵ و حکومەتی ویلاتەکە لەو پارەیە خوێندنگە و شوێنە گشتیەکانی پێ نۆژەن دەکرێتەوە.

 

ئەم یاری لۆتەریـیانە لە واشنتنی پایتەخت و 44 ویلایەتی دیکە دەکرێن. شەوی ئەمڕۆ چوارشەممەش ژمارەی براوەی لۆتەریـیەکی دیکە ڕادەگەیەنرێت کە بە پاوەربۆڵ Powerball ناودەبرێت. ئەویش گەیشتووەتە بڕە پارەیەکی زۆر کە 620 ملیۆن دۆلارە.

 

بلیتەکانی هەردوو یاریـیەکە بە 2 دۆلارە.

 

voa





ئەم هەواڵە 7222جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad