English | عربی | Kurdî دواهەواڵ
ڕاستەوخۆ  
 
جیم ماتس: کوشتنی خاشقچی سەقامگیری ناوچەکە بنکۆڵ دەکات
2018-10-27 [02:09 AM]

ZNA - هه‌ولێر


ئه‌مڕۆ شه‌ممه‌ وەزیری بەرگری ئەمریکا جیم ماتس رایگەیاند، کوشتنی جەمال خاشقچی لەو دامەزراوە سیاسییەدا هەمووانی نیگەران کردووە، گوتیشی، ئەم کوشتنە سەقامگیری ڕۆژهەڵاتی ناوەڕاست بنکۆڵ دەکات و واشنتۆنیش هەنگاوی زیاتر دژی به‌رپسیاران دەنێت.

له‌میانی لێدوانەکێكیدا لە کۆننفرانسی ساڵانەی دایلۆگی پرسی ئاسایش لەمەنامە جیم ماتیس وتیشی، وەزیری دەرەوەی ولایەتە یەکگرتووەکان مایک پەمپیۆ هەندێک فیزای سعودییەکانی پوچەڵکردۆتەوە.

باسی له‌وه‌ش كرد، ولایەتە یەکگرتووەکان هەڵوێستەگەلێکی زیاتر دژی ئەنجامدەران و بەرپرسانی ئەو تاوانە وەردەگرێت، گوتیشی "کەمتەرخەمی و شکستی هەر دەوڵەتێک بە پابەندبوون بە پێوەرە نێودەوڵەتییەکان و دادوەری یاسا دەبنە هۆی مەترسی بۆ سەقامگیریی ناوچەیی لەکاتێکدا ئەم ناوچەیە زۆر پێویستی بەو سەقامگیرییە هەیە، وەکچۆن سەرۆک تڕامپ ئاماژەی پێدا ئێمە دەچینە بنج و بناوانی ئەو مەسەلەیە."

ماتیس گوتیشی پێویستە هاوبەشی نێوان عەرەبستانی سعودییەو ولایەتە یەکگرتوەکان لەئاستێکدا بێت پڕ لە شەفافییەت و متمانە.

تا سەرەتای ئەم هەفتەیەش خاوەنی دوو شوناسنامەی ئەمریکی و سعودیی لەلایەن حکومەتی عەرەبستانی سعودییەوە سەفریان لێ قەدەغەکراوە.

جێی ئاماژەیە سعودیە ڕووبەڕووی فشارێکی نێودەوڵەتی زۆر بۆتەوە بەهۆی کوشتنی خاشقچییەوە.

 

voa





ئەم هەواڵە 3754جار خوێندراوەتەوە
 
 
ڤیدیۆ گەلەری
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad