English | عربی | Kurdî دواهەواڵ
ڕاستەوخۆ  
 
نێچیرڤان بارزانی و باڵیۆزی ڕووسیا له‌ عێراق كۆبوونه‌وه‌
2018-10-28 [10:53 AM]

ZNA-هەولێر


نیوه‌ڕۆی ئه‌مڕۆ یه‌كشه‌ممه‌ 28/10/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ به‌ڕێز ماكسیم ما‌كسیمۆڤ باڵیۆزی ڕووسیا له‌ عێراق و شاندێكى یاوه‌رى كرد كه‌ له‌ به‌ڕێز ڤیكتۆر سیماكۆڤ كونسولی ڕووسیا و ژماره‌یه‌ك له‌ دیپلۆماتكاران و به‌رپرسانى دیكه، پێكهاتبوون.

له‌ دیدارێكدا به‌ڕێز ماكسیمۆڤ باسى له‌ دۆخی هه‌رێمى كوردستان دوای ڕووداوه‌كانی ساڵی ڕابردوو و ئه‌و پێشكه‌وتنانه‌ كرد كه‌ تا ئێستا له‌ هه‌رێم هه‌ن و توانیویه‌تی به‌ دیالۆگ له‌گه‌ڵ به‌غدا به‌شێك له‌ گرفته‌كانی نێوانیان چاره‌سه‌ر بكات.

لای خۆیه‌وه‌ به‌ڕێز سه‌رۆك وه‌زیرانی هه‌رێمی كوردستان پوخته‌یه‌كی ده‌رباره‌ی‌ پرۆسه‌ی دیالۆگی هه‌ولێر ـ به‌غدا بۆ چاره‌سه‌ركردنی كێشه‌كان خسته‌ ڕوو و پشتگیریی هه‌رێمی كوردستانی بۆ به‌ڕێز عادل عه‌بدولمه‌هدی سه‌رۆك وه‌زیرانی نوێی عێراق، نیشان دا.

له‌ به‌شێكی دیكه‌ی دیداره‌كه‌دا باس له‌ پێكهێنانی كابینه‌ی نوێی حكوومه‌تی عێراق و به‌شداریی به‌هێزی لایه‌نه‌ كوردستانییه‌كان تیایدا و سه‌ركه‌وتنی هه‌ڵبژاردنه‌كانی په‌رله‌مانی كوردستان كرا و په‌یوه‌ندییه‌كانى هه‌رێمى كوردستان و ڕووسیایان به‌رز نرخاند به‌تایبه‌تی له‌ بواری ئابووریدا كه‌ كۆمپانیاكانی وزه‌ی ڕووسیا له‌ هه‌رێمی كردستان به‌ جددی كار ده‌كه‌ن و چاوه‌ڕوانی ئه‌وه‌ش ده‌كه‌ن له‌ بواره‌كانی كشتوكاڵ، پیشه‌سازی، ڕۆشنبیری و بازرگانیدا په‌یوه‌ندییه‌كان زیاتر به‌ره‌وپێش‌ ببرێن.

تاوتوێكردنی دۆخی ناوچه‌كه‌ به‌گشتی و هه‌ڵسه‌نگاندنی پێشهاته‌كان، لایه‌نێكی دیكه‌ی دیداره‌كه‌ بوو.





ئەم هەواڵە 3775جار خوێندراوەتەوە
 
 
ڤیدیۆ گەلەری
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad