English | عربی | Kurdî دواهەواڵ
ڕاستەوخۆ  
 
نێچیرڤان بارزانی و وه‌زیری به‌رگریی ئیتالیا كۆبوونه‌وه‌
2018-10-28 [06:00 AM]

ZNA - هه‌ولێر


 

ئێواره‌ی ئه‌مڕۆ یه‌كشه‌ممه‌ نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ خاتوو ئه‌لیزابێتا ترینتا وه‌زیری به‌رگریی ئیتالیا و شاندێكى یاوه‌رى كرد كه‌ له‌ به‌ڕێزان باڵیۆزی ئیتالیا له‌ عێراق، كونسولی ئیتالیا له‌ هه‌رێمی كوردستان و ژماره‌یه‌ك له‌ پله‌دارانى سه‌ربازی پێكهاتبوو.

 

له‌ كۆبوونه‌وه‌یه‌كدا، وێڕاى خۆشحاڵى، خاتوو ترینتا سوپاسی حكوومه‌ت و پێشمه‌رگه‌ و خه‌ڵكی كوردستانی كرد كه‌ بوێرانه‌ ڕووبه‌ڕووی مه‌ترسی و داعش بوونه‌وه‌ و به‌رده‌وامیی هاوكارییه‌ مرۆیی و سه‌ربازییه‌كانی وڵاته‌كه‌ی بۆ هه‌رێمی كوردستان و په‌ره‌پێدانی په‌یوه‌ندییه‌كانی له‌ هه‌موو بواره‌كاندا دووپات كرده‌وه‌، هه‌روه‌ها سوپاسی هاوكاری و هه‌ماهه‌نگیی حكوومه‌تی هه‌رێم و ده‌زگا په‌یوه‌نداره‌كانی بۆ هێزه‌ ئیتالییه‌كان له‌ هه‌رێمی كوردستان و به‌نداوی مووسڵ كرد كه‌ له‌لایه‌ن كۆمپانیاكانى وڵاته‌كه‌یه‌وه‌ نۆژه‌ن ده‌كرێته‌وه‌.

 

لای خۆیه‌وه‌ به‌ڕێز نێچیرڤان بارزانى وێڕاى سوپاس و پێزانین بۆ هاوكارییه‌ مرۆیی و سه‌ربازییه‌كانی ئیتالیا بۆ هه‌رێمی كوردستان له‌ چوارچێوه‌ی هاوپه‌یمانیی دژی داعش و له‌ كاته‌ سه‌خته‌كاندا، ستایشى به‌ڕێز سه‌رۆك وه‌زیرانی پێشووی ئیتالیاى كرد كه‌ له‌و كاتانه‌دا سه‌ردانی هه‌رێمی كوردستانی كرد، هه‌روه‌ها سوپاسی ئیتالیای كرد بۆ ناردنی كۆمپانیاكیانیان بۆ نۆژه‌نكردنه‌وه‌ی به‌نداوی مووسڵ و پاراستنى عێراق له‌ مه‌ترسییه‌كی گه‌وره‌. به‌ڕێزیان جه‌ختی له‌ په‌ره‌پێدانی په‌یوه‌ندییه‌كانی هه‌رێمی كوردستان و ئیتالیا له‌ هه‌موو بواره‌كاندا كرده‌وه‌ و ئاماده‌ییی هه‌رێمی كوردستانی بۆ هه‌ر هاوكاری و ئاسانكارییه‌ك نیشان دا.

 

تاوتوێكردنی دوا پێشهاته‌كانی دۆخی سیاسیی عێراق و پێكهێنانی هه‌ردوو كابینه‌ی نوێی حكوومه‌تى عێراقی فیدرال و هه‌رێمی كوردستان، لایه‌نێكی دیكه‌ی دیداره‌كه‌ بوو.





ئەم هەواڵە 4027جار خوێندراوەتەوە
 
 
ڤیدیۆ گەلەری
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad