English | عربی | Kurdî دواهەواڵ
ڕاستەوخۆ  
 
‌پیاو یان ئافره‌ت كامیان ڕه‌گه‌زی منداڵ دیاری ده‌كه‌ن
2018-10-29 [08:20 AM]

هەولێر _ ZNA


 

زۆر كات پرسیاری ئه‌وه‌ ده‌كرێت ئافره‌ت یان پیاو كامیان به‌رپرسن له‌ دروستكردنی ڕه‌گه‌زی كۆرپه‌ له‌كاتێكدا نیوه‌ی سپێرمه‌كان هه‌ڵگری جینی كوڕ و نیوه‌كه‌ی تر هه‌ڵگری جینی كچن.

له‌ ڕاستیدا زانست سه‌لماندویه‌تی سپێرمی پیاو  بڕیار ده‌دات كه‌ كۆرپه‌ كوڕ ده‌بێت یان كچ، نیوه‌ی سپێرمه‌كان هه‌ڵگری جینی كوڕ و نیوه‌كه‌ی تر هه‌ڵگری جینی كچن، به‌ڵام كامیان زووتر هێلكه‌ بپیتێنێت ئه‌وا ئه‌و سپێرمه‌ ره‌گه‌زی كۆرپه‌ دیارده‌كات.

ره‌گه‌ز به‌ 2 كرۆمۆسۆم دیارده‌كرێت، كرۆمۆسۆمی X وY، كرۆمۆسۆمی XX واته‌ كچ، كرۆمۆسۆمی XY واته‌ كوڕ.

هێلكۆكه‌ی ئافره‌ت ته‌نیا كرۆمۆسۆمی Xهه‌ڵده‌گرێت، كه‌چی سپێرم هه‌ر دوو جۆری كرۆمۆسۆمی X و Y هه‌ڵده‌گرێت، بۆیه‌ ئه‌گه‌ر هێلكۆكه‌ به‌ سپێرمی هه‌ڵگری كرۆمۆسۆمی X بپیتێنرێت ئه‌وا كۆرپه‌ ده‌بێته‌ كچ، ئه‌گه‌ر به‌ سپێرمی هه‌ڵگری كرۆمۆسۆمی Y بپیتێنرێت ئه‌وا كۆرپه‌ ده‌بێته‌ كوڕ.

ئه‌گه‌رچی چانسی هه‌ردوو جۆری سپێرم بۆ گه‌شتن به‌ هێلكۆكه‌ و پیتاندن وه‌كو یه‌كه‌، به‌ڵام ئه‌مه‌ سه‌لمێنراوه‌ كه‌ ئه‌و سپێرمانه‌ی كرۆمۆسۆمی Y هه‌ڵده‌گرن بچووكتر و كێشیان سووكتره‌ و خێراتر جووڵه‌ ده‌كه‌ن به‌ به‌راورد له‌گه‌ڵ سپێرمی هه‌ڵگری كرۆمۆسۆمی X، ئه‌مه‌ش چانسی گه‌یشتن به‌ هێلكۆكه‌ و پیتاندنی زیاتر ده‌كات.

ئه‌و هۆكارانه‌ی كه‌ تا راده‌یه‌كی كه‌متر كاریگه‌رییان هه‌یه‌ له‌ دیاركردنی ره‌گه‌زی منداڵ بریتین له‌ جۆری خۆراك و باری ئابووری. ئه‌مه‌ش روونكراوه‌ته‌وه‌ كه‌ ئه‌و پیاوانه‌ی ژماره‌ی براكانیان له‌ ژماره‌ی خوشكه‌كان زیاتره‌، ئه‌وا له‌وانه‌یه‌ كه‌ زیاتر ببنه‌ خاوه‌ن منداڵی كوڕ، ئه‌گه‌ری پێچه‌وانه‌ی ئه‌مه‌ش له‌ ئارادایه‌، واته‌ بۆماوه‌ رۆڵی گرنگی هه‌یه‌.





ئەم هەواڵە 1381جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad