English | عربی | Kurdî دواهەواڵ
ڕاستەوخۆ  
 
چەند زانیارییەك دەربارەی پاشەكەوتكردنی مووچەی فەرمانبەران ئاشكرا دەكرێن
2018-10-30 [05:36 AM]

ZNA - هەولێر


سەرچاوەیەكی سەر بە وەزارەتی دارایی دەڵێت، تاوەكو ئێستا وەزارەتی دارایی هیچ نوسراوێكی بۆ وەزارەت و فەرمانگەكان نەكردووە بۆ یەكلایی كردنەوەی مووچە نەدراوەكانی  ساڵی 2018 .

سەرچاوەیەك لە یەكێك لە گەنجینەكانی سەر بە وەزارەتی دارایی بە باسی راگەیاند: هیچ نوسراوێكیان سەبارەت بە پاشەكەوتكردنی مووچەی چەند مانگێكی ئەمساڵ بۆ نەهاتووە و لە ناو وەزارەتی دارایش گفتوگۆی لەسەر نەكراوە.

سەرچاوەكە گوتیشی:" مانگانە لیستی مووچە وەردەگرین بۆ نمونە ئەم مانگە لیستی مانگی 10 وەردەگرین، بەڵام وەزارەتی دارایی داوای لیستی مووچەی مانگی 8ی لە ئێمە كردووە، لیستەكان ناردران و چاوەڕوانی بڕیاری خەرجكردن دەكەین".

ئەو سەرچاوە راشیگەیاند: ئەگەر مووچەی هەرمانگێك نەدرێت یان پاشەكەوت بكرێت ئەوە دەبێت نوسراوی فەرمی بۆ دەربچێت.

بەپێی رێنماییەكانی وەزارەتی دارایی مووچەی هەرمانگێك دابەش نەكرێت ئەوە دەبێت لە كاتی خەرج نەكردنی قەیدی بۆ بكرێت و لە تەرازووی پێداچوونەوەی مانگی 12 دیاری بكرێت.

لە ساڵی 2015 دا بە نوسراوێك وەزارەتی دارایی ئەوەی بۆ گشت وەزارەتەكان و گەنجینەكان و فەرمانگەكانی حكوومەت روونكرەوە مووچە نەدراوەكانی9 و 10 و 11 و 12 وەكو قەرز لای حكوومەت دەمێنێتەوە و قەیدی بۆ دەكرێت.

بە پێی زانیاریەكان حكوومەت زیاتر لە 10 تریلیۆن دیناری مووچەی پاشەكەوتكراوی فەرمانبەران قەرزارە.





ئەم هەواڵە 9163جار خوێندراوەتەوە
 
 
ڤیدیۆ گەلەری
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad