English | عربی | Kurdî دواهەواڵ
ڕاستەوخۆ  
 
بەرەی توركمانی داوای پۆستی جێگری سەرۆك وەزیران دەكات
2018-10-31 [06:56 AM]

ZNA - هەولێر


ئەندامێكی مەکتەبی سیاسیی بەرەی تورکمانی رایگەیاند، دەیانەوێت بەشداری لە پێکهێنانی کابینەی نوێی حکوومەتی هەرێمی کوردستاندا بکەن و داوای پۆستی جێگری سەرۆک وەزیران یان وەزارەتێکی تایبەت بە کاروباری تورکمانەکان دەکەن.

ئایدن مەعروف ، ئەندامی مەکتەبی سیاسیی بەرەی تورکمانی بە ئاژانسی ئانادۆڵو گوت: "ئێمە دەمانەوێت بەشداری لە پێکهێنانی حکوومەتدا بکەین و لە میانی دانوستانەکانیشدا، داوای پۆستی جێگری سەرۆک وەزیران دەکەین یان وەزارەتێک تایبەت بە کاروباری تورکمانەکان و ئەم پۆستەش بە شایستەی خۆمان دەزانین".

ئەندامەكەی مەکتەبی سیاسیی بەرەی تورکمانی، ئاماژەی بەوەشکرد، کە پێویستە لەچوارچێوەی پاراستنی مافی پێکهاتەکان، پۆستێکی باڵایان پێبدرێت و گوتیشی، داواکارییەکەیان دەبێتە بنەمای دەستپێکی دانوستانەکان و گفتوگۆکردن لەگەڵ لیستی براوە بۆ پێکهێنانی کابینەی نوێی حکوومەتی هەرێم .

"ئەو دەشڵێت: ئێمە لەماوەی رابردووشدا چەندین جار داوامان کردووە کە یەکێک لەو پۆستانەمان پێبدرێت، بەڵام تا ئێستا وەڵامێکی ئەرێنییمان وەرنەگرتووە و هیوادارین لەم کابینەیەدا، داواکەمان جێبەجێ بکەن".

لە پەرلەمانی کوردستان پێنج کورسی وەک کۆتا بۆ تورکمانەکان تەرخانکراوە و بەرەی تورکمانی عێراقی کە بەشداری هەڵبژاردنەکەی ٣٠ی ئەیلوولی کرد توانی ببێتە خاوەنی یەک کورسی لەو پێنج کورسییە.

 





ئەم هەواڵە 4273جار خوێندراوەتەوە
 
 
ڤیدیۆ گەلەری
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad