English | عربی | Kurdî دواهەواڵ
ڕاستەوخۆ  
 
پێنجەمیا ھەولێرێ ، نیشانێ سەرکەفتنا ئەزمۆنا حکومەتا ھەرێما کوردستانێ یە
2018-10-31 [08:19 AM]

نڤیسینا : غیاس خالد زێباری


نۆمبیۆ مەزنترین داتا بەیسا وەرگرتنا بۆچوونێن گەشتیاران لسەر ئاستێ جیھانێ بۆ دیارکرنا ئێمناھی تیرین باژار ، ھەولێرا پایتەخێ ھەرێما کوردستانێ د رێزا پێنجێ دا ھاتیە ، دەست نیشانکرنا ئارامترین باژار لسەر بەرچاڤکرنا ڕەوش و ئاستێ (تاوان ، ژینگەە ، خەرجیێن ژیانێ ، ساخلەمی و رێک و پر ) یە و ب ئارامترین باژار ھاتینە دەست نیشان کرن و پشتی باژارێن، ئەبو زەبی ـ ئیمارات ، دەوحە ـ قەتە ، ئێوساکا ـ ژاپۆن ، کوبێک ـ کەنەدا ، ھەولێرا پایتەختێ کوردستانێ د رێزبەندا پێنجێ دایە ، رەنگە ئەڤ ئامارە یان ڕاپرسیە چالاکیەکا جڤاکی یان ئابووری بیت و چ پەیوەندی ب سیاسەتێ نەبیت ، لێ بۆ حکومەتا ھەرێما کوردستانێ و ھەرێمێ ب گشتی ئەڤە دەسکەفتەکێ مەزنە و چەندین ڕامانا ددەت و پسیارا درۆست دکەت ، ژوانا :- 
بۆچی دناڤ عیراقەکا وێران و ئێک ل مەترسیدارترین وەلاتێن جیھانێ ، باژارێ ھەولێرێ ، دڤێ رێزبەندێ دایە ...؟ ! 
ئەرێ عیراق لڤان وەلاتێن دیتر یێن رۆژھەتا ناڤین و عەرەبی ئارامترە ..؟ ! .
ئەڤە بەلگەە و دیدەڤانە کۆ ھەرێما کوردستانێ و حکومەتا ھەرێما ب رێبەریا پارتی دیموکراتی کوردستان پێگەھێ خۆ لسەر ئاستێ جیھانێ مەزن کریە و سازیێن وێ یێن ئێمناھی د ئاستێ ھەرە پێتڤی دانە و ل سازیێن وەلاتێن دیتر ئەکتیڤتر و شارەزاترن ، ب تایبەت کۆ پشکەکە یان دەڤەرەکە دناڤ ڤۆلکانەکا دژوار و پڕ مەترسی و ململانێن ئەتنی و مەزھەبی د بێژنێ عیراق .

ژلایێ خزمەتێن گشتی و جڤاکی ژی دیارە بەرۆڤاژی عیراقێ یە و بۆ گەشتیاران خزمەت و جھێن پێتڤی بەرھەڤ کرینە وەک پارک و باغچە و ئۆتێل و مۆزەخانە و پێشوازی و سەرەدەریەکا مرۆڤ دۆستانە و خودان پلانەکا سەرکەفتی بوویە بۆ کەرتێ گەشتیاری .

خەمل و ئاڤەدانیا ھەولێرێ جھێ سرنج راکێشانا خەلکەکێ بیانی بوویە ، ئەڤ چەندە بۆ پلان و بەرنامێ رێزدار نێچیرڤان بارزانی سەرۆکێ حکومەتا ھەرێما کوردستانێ دزڤریت کۆ لسەر دەستێ وی ھەرێما کوردستانێ ، دڤان واران دا رکەبەریێ دگەل وەلاتێن خودان سەروەری و پڕ داھات بکەت و پێش بکەڤیت .

یا ل ھەمیێ گرنگتر ، ئەڤ دەسکەفتێ ھەرێما کوردستانێ لدەمەکی دایە کو بۆدجێ ھەرێمێ ژلایێ حکومەتا ناڤەندی ھاتیە بڕین و ئەڤ پێشکەفتنە ب داھاتێن سنووردار ھاتینە ئەنجامدان . 

دیارە حکومەتا ھەرێما کوردستانێ دڤان سالان دا کارێن ھەرە باش د وارێن ئاڤەدانیێ و گەشتیاریێ و خزمەتگۆزاریێن گشتی گاڤێن باش و سەرکەفتی ھاڤێتینە و کەس و حکومەتەکا سەرکەفتی بوویە .

ئەڤ ڕەنگە ھەلسەنگاندە بۆ حکومەتا ھەرێما کوردستانێ ژلایێ داتابەیسا نۆبیۆ کۆ ل رۆژناما جیھانی یا دەلی مەیل یا بریتانی ھاتینە بەڵاڤکرن دزڤریت و دیدەڤانەکە کۆ سیاسەتا ھەرێما کوردستانێ وەک ھەرێمەکا بچوک ژلایێ قەبارێ لسەر ئاستێ جیھانێ ب رێبەریا پارتی دیموکراتی کوردستان و دەولەتداریا نێچیرڤان بارزانی سەرۆکێ حکومەتێ سیاسەت و بەرنامێن سەرکەفتی بوونە ژلایێ سیاسی و کارگێری و ئیداری و ئەڤ ھەرێما بچوک ژلایێ قەبارێ کریە ھەرێمەکا مەزن و بھێز ژلایێ سیاسی و کارگێری و گەشتیاری و ئاڤەدانی و ئێمناھی لسەر ئاستێ جیھانێ و پارتی و سەرۆکێ حکومەتا ھەرێمێ دشێن پێشڤەچوون مەزنتر ژی بۆ کوردستانێ تۆمار بکەن ، ھەر وەکی لڤان سالێن دەسھەلاتداریێ شیای ھەرێما کوردستانێ ل چەندین پلان و کارەساتا رزگار بکەن و رەئیا جیھانێ بۆ ھەرێمێ راکێشن ، ھەر وەکی شیای کونسلخانە و نوونەرایەتیێن زێدەتر سیە وەلاتان ل ھەرێما کوردستانێ ڤەکەن .

رەنگە پسیار بھێتەکرن ، ئەرێ نێچیرڤان بارزانی چ کریە ھەتا کۆ ھەرێم بگەھیتە ڤی ئاستی ..؟ 
ھەر ھیچ نەبیت ، نێچیرڤان بارزانی سەرۆکێ حکومەتا ھەرێما کوردستانێ ، ب پشتەڤانیا سەرکردایەیتا پارتی دیموکراتی کوردستان ، نە تنێ شیانە ھەرێما کوردستانێ ب پارێزن ، بەلکی ل مەزنترین پیلانێن نیڤ دەولەتی و خیانەتا نافخۆیی پاراستن و ب شیانێن کێم ھەرێم ل ھەمی لایەکی ڤە پێش پێخستن و بەری نھو ھەولێر بوویە پایتەختێ گەشتیاریێن وەلاتێن عەربی و ئەڤرۆ ژی ھەولێرا پایتەخت بوویە پێنجەم باژارێ جیھانێ ژلایێ ئێمناھیێ ، ژبلی کۆ ئەڤە شانازیەکە بۆ خەلکێ کوردستانێ بۆ عیراقێ ژی دەسکەفتە چونکی ب فەرمی و دەستووری ھەرێم پشکەکا عیراقێ و زۆر وەلاتێن دێ حیبەتی مینن ، چەوا باژارەکێ عیراقێ دناڤ دەریایێن خوینێ و دووبەرەکیێ و نەئارامیێ و خودان ئێک ل نە‌ئارامترین پایتەختێن جیھانێ دبیتە پێنجەم باژارێ ئارام ..! 
پێتڤی یە سەرکردە و دەسھەلاتدارێن عیراقێ شانازیێ پێ ببەن و مفای ل ئەزمۆنا دەولەتداریا سەرۆکێ حکومەتا ھەرێما کوردستانێ ببینن ، بۆ ڤەگۆھاستنا ئەزمۆنا سەرکەفتیا ھەرێمێ بۆ بەشێن دی یێن عیراقێ .





ئەم هەواڵە 166جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad