English | عربی | Kurdî دواهەواڵ
ڕاستەوخۆ  
 
وەزارەتى خوێندنى باڵا: کەناڵى ڕوداو وەک بڵێى شانە هەنگى لە کونەدار دۆزیوەتەوە
2018-10-31 [03:14 AM]

ZNA - هه‌ولێر


 

وەزارەتى خوێندنى باڵا و توێژینەوەى زانستى له‌ راگه‌یه‌نراوێكدا رایگه‌یاند، لە ڕێکەوتى (١٣/١٠/٢٠١٨) ڕایگەیاند: (٨٦٠)دەرچو سه‌رباری ئه‌وه‌ی‌ (50) شوێنیان له‌ فۆرمه‌كانی پێشكه‌شكردن له‌ سیستمه‌كانی وه‌رگرتن بەتەواوەتى پڕكردۆته‌وه‌، به‌ڵام به‌هۆی ئه‌وه‌ی لیستی شوێنه‌كانیان ڕه‌وانه‌ نه‌كردوه واتە (‌ Submit)یان نەکردوە، بۆیه‌ ناویان له‌ هیچ شوێنێك نه‌هاتۆته‌وە، بەڵام کەناڵى ڕوداو وەک بڵێى (شانە هەنگى لە کونەدار دۆزیوەتەوە) و بەدەر لە کارى ڕۆژنامەوانى سەرقاڵى شێواندنى ڕاستیەکانە.

 

زەینەب موئەید حوسێن کامل محمد کە دووەمى سەر ئاستى هەرێمى کوردستانە لە بەشى زانستى، یەکێکە لەو  (٨٦٠) دەرچوەى کە (٥٠) هەڵبژاردەى بەتەواوەتى پڕکردۆتەوە، بەڵام لیستی شوێنه‌كانی ڕه‌وانه‌ نه‌كردوه واتە (‌ Submit) نەکردوە، هەربۆیە ناوى ئەو بەڕێزەش بەڕیزبەندى (٤٠) لەو لیستە هەیە، کە پێشتر بڵاومان کردۆتەوە و، سکاڵاشى تۆمارکردوە و، وەک خۆى سکاڵاکەى وەرگیراوە و، بەڕونى کێشەکەى بەخۆى و خانەوادەکەشى وتراوە، کە هۆکارى نەهاتنەوەى ناوەکەى پەیوەندى تەنها بەوەوە هەبوە کە لیستى هەڵبژاردەکانى ڕەوانە نەکردوە.

 

بۆیە هاوشێوەى دەرچوانى دیکە، لە کاتى ڕاگەیاندنى ئەنجامى سکاڵاى دەرچوانى پۆلى دوانزە، ئەنجامى سکاڵاى (زەینەب موئەید حوسێن کامل محمد) وەک هەر دەرچوەیەکى دیکە ڕادەگەێندرێ و لە شوێنى شایستەى خۆى وەردەگیرێ و، بەهیچ شێوەیەک مافى نافەوتێ.

 

لەبەرئەوە، ئەگەر کەناڵى ڕوداو خۆى بەخەمخۆرى ئەو قوتابیە و هاوڵاتیان دەزانێ، وەک چۆن قسەى ئەو دەرچوەى وەرگرتوە باشتر بو بەدوداچونى بۆ کێشەى بکردایە و لێدوانى وەزارەتیشى لەوبارەیەوە وەربگرتایە و، بۆ بینەرانى ڕونبکردایەوەتەوە کە ئایا وەزارەت سکاڵاکەى بەهەند وەرگرتوە یاخود بەپێچەوانەوە، بۆیە داوا لەسەرجەم دامەزراوەکانى ڕاگەیاندن دەکەین وردبن لە بڵاوکردنەوە و گەیاندنى ڕاستیەکان بەبینەران و خوێنەران و بیسەران.

 





ئەم هەواڵە 1705جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad