English | عربی | Kurdî دواهەواڵ
ڕاستەوخۆ  
 
مەزارێکی پیرۆز لە خانەقین تەقێنرایەوە
2018-11-01 [06:05 AM]

ZNA- ھەولێر


وێنەیەکی مەزارە تەقێندراوەکەی شاری خانەقین لە تۆڕە کۆمەڵایەتییەکان بڵاو دەبێتەوە.

 

لە ماوەی کەمتر لە هەفتەیەک، چەکدارانی رێکخراوی تیرۆریستی داعش بە سێ تەقینەوە، مەزاری باوە مەحمودیان لە خانەقین کردە ئامانج، کە ژمارەیەک قوربانییان لێ کەوتەوە.

 

دوای تەقینەوەکەی شەوی رابردوو، هاووڵاتییانی خانەقین لە تۆڕە کۆمەڵایەتییەکان وێنەی مەزارە تەقێندراوەکەی شارەکەین بڵاو کردووەتەوە، کە تێیدا دیارە، تەنیا دیواری لایەکی رووخاوە، بەڵام زەرەر و زیان بە هەموو مەزارەکە کەوتووە.

 

پێشتر سەمیر محەمەد، سەرۆکی ئەنجوومەنی قەزای خانەقین  ڕاگەیاندبوو، مەزارەکە هی کاکەییەکانە، بەڵام شیعەمەزهەبەکان ئەوانەی نەیانتوانیوە بچن بۆ کەربەلا، ئەمساڵ بۆ زیارەت چوونەتە باوە مەحمود.

 

دوای داگیرکرانی شارە کوردستانییەکانی خانەقین، کەرکووک و ئەوانی دیکە لە ئەنجامی خیانەتی 16ـی ئۆکتۆبەر، چەکدارانی هێز و میلیشیا عێراقییەکان پاراستنی ئاسایشی ئەو ناوچانەیان گرتە دەست، بەڵام بەهۆی ناکارایی ئەو هێزانە و بڵاوبوونەوەی دەیان میلیشیا و گرووپی چەکداریی تیرۆریستی و تاوانکاری، رۆژانە کردەی تیرۆریستی، رفاندن و کوشتنی هاووڵاتییان روو دەدا.

 

ڕۆژی 16ی ئۆكتۆبه‌ری 2017، کەرکووک، خورماتوو و ناوچەکانی دەوروبەری كه‌وتنە ژێر ده‌ستی میلیشیاكانی حه‌شدی شه‌عبی و هێزه‌كانی عێراق، دواتر هه‌ریه‌ك له‌ كۆسره‌ت ڕه‌سوڵ عه‌لی، جێگری یه‌كه‌می سكرتێری گشتیی یه‌كێتی و شێخ جه‌عفه‌ر مسته‌فا، ئه‌ندامی مه‌كته‌بی سیاسی و فه‌رمانده‌ی یه‌كه‌ی 70ی هێزی پێشمه‌رگه‌ی كوردستان، ئاشكرایان كرد كه‌ گرووپێكی نێو یه‌كێتیی نیشتمانیی كوردستان له‌مه‌دا به‌رپرسیارن و ڕێككه‌وتنی ژێربه‌ژێریان له‌گه‌ڵ میلیشیاكانی حه‌شدی شه‌عبی و هێزه‌كانی عێراق كردووه‌ و به‌و هۆیه‌وه‌ سه‌دان پێشمه‌رگه‌ و هاووڵاتی شه‌هید و بریندار بوون و نزیكه‌ی 200 هه‌زار كه‌سیش ئاواره‌ بوون.





ئەم هەواڵە 2173جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad