English | عربی | Kurdî دواهەواڵ
ڕاستەوخۆ  
 
رایتس وۆچ: ئەمریکا تۆمەتبارانی داعشی لە سووریا گواستووەتەوه‌ عێراق
2018-11-01 [01:00 AM]

ZNA - هه‌ولێر


 

رێکخراوی ھیومان رایتس وۆچ رایگەیاند، ئەمریکا ئەو بیانیانەی کە تۆمەتباران بە ئەندامبوون لە رێکخراوی تیرۆریستی داعش لە سووریاوە گواستووەتەوە عێراق، بێ ئەوەی رەچاوەی ئەوە بکات کە لەوانەیە ئەو تۆمەتبارانە رووبەڕووی مەترسی ئەشکەنجەدان یان دادگاییکردنێکی نا دادپەروەر ببنەوە.

 

لەو راپۆرتەدا کە رێکخراوی ھیومان رایتس وۆچ لەسەر ماڵپەڕی خۆی بڵاویکردووەیەوە و ئاژانسی ئانادۆڵو ئاگاداری بووە ئاماژە بەوەدراوە، چوار سەرچاوەی عێراقی کە کەسانی سەربەخۆن و لە چوار دادگاییکردن تایبەت بە پرسەکانی تیرۆر لە شاری بەغدا ئامادەبوون رایانگەیاندووە کە ژمارەیەک لە تۆمەتبارە بیانییەکان بە تایبەتیش ئەوانەی ھەڵگری رەگەزنامەی فەڕەنسی، ئوستڕاڵی و لوبنان-یین، پشتبەستن بە بەڵگەیەکی کەم بەتۆمەتی ئەندامبوونی لە داعش لە عێراق دادگاییکراون.

 

بە گوتەی ئەو سەرچاوانە "لە میانی دادگاییکردنەکاندا، ئەو تۆمەتبارانە گووتیانە کە بەر لەوەی بگوازرێنەوە بۆ عێراق لە سووریا دەستگیرکرابوون".

 

ھەر ئەو سەرچاوانە ئاشکرایان کردووە کە ژمارەیەک لەو تۆمەتبارانە ئەوەشیان گوتووە: "لە میانی دادگاییکردنیاندا، مافەکانیان پێشێلکراوە، جگە لەوەش دوو تۆمەتباری دیکە گووتیانە کە لە عێراق ئەشکەنجە دراون".

 

راشیگەیاندووە "تۆمەتبارێکی دیکە کە ھەڵگری رەگەزنامەی فەڵەستینی-یەوە و دانیشتوی کەرتی غەززەیە لە باکووری رۆژئاوای سووریا گواستراوەتە بۆ عێراق، بەڵام ھێشتا نازاندرێت ئایە ھیچ تۆمەتێکی خراوەتە پاڵ یان نا".

 

لای خۆیەوە بەڕێوەبەری بەڕەنگاربوونەوەی تیرۆر لە رێکخراوی ھیومان رایتس وۆچ، نەدیم حوری رایگەیاندووە "گرنگە تۆمەتبارانی ئەندامبوون لە داعش دادگایی بکرێن، بەڵام بە گواستنەوەی دەستگیرکراواکان بۆ وڵاتانی دیکە دادپەروەریی لە دادگاییکردنی ئەو تۆمەتبارانە بەدی ناھێنێت".

 

نەدیم حوری ئەوەشی گوتووە "پێویستە ئەمریکا تۆمەتبارانی ئەندامبوون لە داعش لە سووریاوە بۆ عێراق یان ھیچ وڵاتێکی دیکە نەگوازێتەوە، چونکە لەوانەیە ئەو تۆمەتبارانە رووبەڕووی ئەشکەنجەدان ببنەوە و یان بە شێوەیەکی نادادپەروەرانە دادگایی بکرێن".

 

لە کۆتاییدا، ھیومان رایتس وۆچ ئەوەی خستووەتەڕوو کە لە ١٠ی مانگی ئەیلوولی رابردوو، ژمارەیەک نامەی ئاراستەی ئەمریکا کردووە و تیایدا داوای لێکردووە کە سیاسەتی واشنتۆن لە بارەی گواستنەوەی دەستبەسەرکراوەکان روون بکاتەوە، بەڵام ھێشتا ئەمریکا وەڵامی بەشێک لەو نامانەی نەداوەتەوە.





ئەم هەواڵە 1696جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad