English | عربی | Kurdî دواهەواڵ
ڕاستەوخۆ  
 
نێچیرڤان بارزانى هێرشه‌كه‌ى مینا سه‌ركۆنه‌ ده‌كات
2018-11-03 [05:30 AM]

ZNA-هەولێر


له‌ په‌یامێكدا به‌ڕێز نێچیرڤان بارزانى، سه‌رۆك وه‌زیرانى هه‌رێمى كوردستان، وێڕاى پرسه‌ و سه‌ره‌خۆشى، سه‌ركۆنه‌ى هێرشه‌ تیرۆرستییه‌كه‌ى دوێنێ هه‌ینى 2/11/2018ى پارێزگاى میناى له میسر كرد كه‌ تیایدا ژماره‌یه‌ك هاووڵاتیى مه‌سیحى بوونه‌ قوربانى. به‌ڕێزیان دووپاتى كرده‌وه‌ كه به‌رده‌وامیى كاره‌ تیرۆرستییه‌كانى داعش، كۆمه‌ڵگه‌ى نێوده‌وڵه‌تى ده‌خاته‌ به‌رده‌م به‌رپرسیارییه‌تییه‌كى گه‌وره‌تر.

ئه‌مه‌ ده‌قى په‌یامه‌كه‌یه‌:

به‌ توندى سه‌ركۆنه‌ى ئه‌و هێرشه‌ تیرۆرستییه‌ ده‌كه‌ین كه‌ دوێنێ هه‌ینى به‌ شێوه‌یه‌كى زۆر دڕندانه‌ كرایه سه‌ر پاسێكى مه‌ده‌نى له‌ پارێزگاى مینا له‌ میسر‌ و تیایدا ژماره‌یه‌ك هاووڵاتیى مه‌سیحى گیانیان له‌ده‌ست دا و بریندار بوون.

پرسه‌ و سه‌ره‌خۆشى له‌ كه‌سوكارى قوربانییان و گه‌ل و حكوومه‌تى میسر ده‌كه‌ین، هاوسۆز و هاوخه‌میانین. خواى گه‌وره‌ سه‌بووریى هه‌موو لایه‌ك بدات و قوربانییان بخاته‌ به‌ر به‌خشنده‌ییى خۆى، هیواى زوو چاكبوونه‌وه‌ بۆ برینداران ده‌خوازین.

وه‌ئه‌ستۆگرتنى ئه‌م تاوانه‌ له‌لایه‌ن تیرۆرستانى داعشه‌وه،‌ ئه‌و ڕاستییه‌ نیشان ده‌دات كه‌ تێكشكاندنى سه‌ربازییانه‌ى تیرۆر له‌ به‌ره‌كانى جه‌نگ و لێسه‌ندنه‌وه‌ى خاك به‌ ته‌نیا به‌س نییه‌ و به‌رده‌وامیى كاره‌ تیرۆرستییه‌كانى داعش، كۆمه‌ڵگه‌ى نێوده‌وڵه‌تى ده‌خاته‌ به‌رپرسیارییه‌تییه‌كى گه‌وره‌ى یه‌كخستنى تواناكان و هه‌ماهه‌نگیى زیاتر‌ بۆ له‌ناوبردن و نه‌هێشتنى تیرۆر.

نێچیرڤان بارزانى
سه‌رۆك وه‌زیرانى هه‌رێمى كوردستان
3/11/2018

 





ئەم هەواڵە 2143جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad