English | عربی | Kurdî دواهەواڵ
ڕاستەوخۆ  
 
بەرپرسێك: لەمەودا قەرزی كۆنی ئاوی ماڵان لە رێگەی چەند كۆمپانیایەك وەردەگیرێت
2018-11-06 [06:34 AM]

ZNA – هەولێر


حكوومەت كۆكردنەوەی داهاتی ئاوی سپاردووە بە چەند كۆمپانیایەكی تایبەت هەر كۆمپانیایەك لە ناوچەیەكی دیاریكراو پسولەی قەرزی كۆن بۆ ماڵان دەبات، بەشێك لەزۆری قەرزەكان هاوڵاتیانی هەولێری نیگەران كردووە، بە جۆرێك هاوڵاتی هەیە زیاتر لە 1 ملیۆن دیناری بۆ هاتۆتەوە.

بەیار تەقیەدین، بەرێوەبەری ئاوی هەولێر بە باسی راگەیاند: بەشی داهاتی ئاو لە 1ی 11ی 2018 خراوەتە سەر كۆمپانیای كەرتی تایبەت :" بۆ ئەوەی گلەییمان نەكەوێتە سەر هەستاوین بە پێدانی پسولەی قەرزی كۆنى ئاو بە ماڵان، ئەوەی قەرزار بێت قەرزەكەی بدات ئەوانەی تریش گلەییان هەبێت سەردانمان بكەن بۆ چارەسەركردنی كێشەكانیان".

روونی كردەوە زۆربەی ئەو قەرزانەی هەیە دەگەرێتەوە بۆ پێش مانگی8ی 2016 ، گوتی:" هەركەس گومانی هەیە لەسەر بڕی قەرزەكەی دەتوانێت پسولەكانی پێشوو بۆ فەرمانگەكانی ئاو بهێنێت بۆ ئەوەی چارەسەری كێشەكان بكرێت و پارەكانیان لەسەر لابدرێت".

بەرپرسەكەی ئاو جەختی كردەوە، زۆرترین قەرز كە هەبێت ملیۆنێك و 480 هەزار دیناربووە، چونكە خانووەكەی 450 مەتر بووە و لە ساڵی 2012 وە پارەی ئاوی نەداوە، دەشڵێت:" ئە قەرزەی هەیە هیچ پێوەندی بە پارەی پێوەری بەستراوی ئاو نیە، بەڵكو هەر لەسەر سیستەمی كۆنە  كە بۆ خانووی 100مەتر مانگانە 5 هەزار و بۆ 200 مەتر مانگانە 10 هەزار دینارە".

تەقیەدین، ئاماژەی بەوەشدا بۆ پێدانی قەرزەكان و هەبوونی سكاڵا هاوڵاتیان دەتوانن سەردانی بەشی داهاتی بەرێوەبەرایەتیەكانی ئاو لە نێو شار و دەرووبەری شار بكەن.

 





ئەم هەواڵە 1780جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad