English | عربی | Kurdî دواهەواڵ
ڕاستەوخۆ  
 
گاڤ و گرنژینێن نێچیرڤان بارزانی ، ئاسۆیێن گەش بەرامبەر داھاتی ڤەدکەن
2018-11-10 [12:49 PM]

نڤیسینا : غیاس خالد زێباری


دەما مرۆڤ  گاڤ و دیمەنێن پڕ گرنژین و باوەری یێن رێزدار نێچیرڤان بارزنی دخوینیت و دبینیت ، مرۆڤ ھەست گەشبینێ و بەختەوەریێ بۆ کوردستانێ دکەت ب گەل و وەلات ڤە . 
مرۆڤ ھزر دکەت بۆ دڤان کاودانێن پشتی خیانەتا مەزنا شازدێ ئکتۆبەرا سالا ٢٠١٧ کۆ مەترسیێن جددی یێن سیاسی ،  ئابووری و ئەمنی لسەر ئاستێ تنافخۆیی و ھەرێمی و نیڤ دەولەتی لسەر ھەرێما کوردستانێ  درۆستکرن ، ژلایێ سیاسی ژبەر ئەنجامدانا راپرسیا سەرخۆبوونا کوردستانێ کۆ پرۆسەیەکا نۆرمال و مافەکێ ڕەوایێ خەلکێ کوردستانێ ، حکومەتا عیراقێ پەیوەندیێن خۆ دگەل ھەرێما کوردستانێ بڕین و ھەمی رێکەفتنێن دناڤبەرا ھەردوو ئالیان فەرامۆشکرن و سەرپێچیێن دەستووری ژی کرن ،  دگەل وەلاتێن ھەرێمی ھەمی ھەول دان پەیوەندیێن خۆ دگەل کوردستانێ ببڕن و ھەمی سەرەدەریێن وان دگەل ھەرێمێ درێکا بەغدا بیت .
ژلایەکێ دی دوورپێچێن ئابووری لسەر ھەرێما کوردستانێ سەپاند و گەشتێن ئاسمانی ژی ھاتنە راگرتن ، لسەرڤێ ھەمیێ را حکومەتا عیراقێ ب ڕەزامەندی و ھاریکاریا بالێ خیانەتکارێ ئێکەتێ و پاسدارێن ئیرانێ ھەمی ھێزا خۆ یا لەشکری بکارئینا بۆ داگیرکرنا کوردستانێ و ژناڤبرنا قەوارێ ھەرێما کوردستانێ کۆ ھەرێمەکا دەستووری و یاسایی یە .
بڕەنگەکێ گشتی ئەو رەوشا لدەمێ خیانەتا شازدێ ئکتۆبەرا سالا ٢٠١٧ و رۆژێن پشتی وێ بسەر مللەتێ کورد ھاتی ، ئەگەر ل ئەنفالێن ساڵێن ھەشتێیان زێدەتر نەبیت ، کێمتر نەبوو ئەگەر ب درۆستی سەرگرتبا ..
چونکی مەرەما وان زۆر لڤێ چەندێ مەزنتر بوو ئەوا ھاتیە کرن . 
چونکی ھندەک ئالیێن سیاسی یێن کوردستانی ل بەغدا دسرایێ دابوون و بۆ هاریکاریكرنا عەبادی و حکومەتا وی داکۆ دوورپێچێن وان حکومەتا ھەرێما کوردستانێ دناڤ ببەن ، دوان کاوداناندا زۆر حزبێن کوردستانێ یێن پشکدار دحکومەتێ دا ، خۆ لبەر ڤێ ڕەوشێ نەگرت و گەھشتنە وێ باوەریێ کۆ ئیدی حکومەتا ھەرێمێ یا بسەرۆکاتیا نێچیرڤان بارزانی ، داوی پێھات ، بلەز بریارا خۆ ڤەکێشانێ لحکومەتا ھەرێمێ دا . 
لێ پارتی دیموکراتی کوردستان ، مینا ھەر جار ھەڤرکی و خۆراگری کرەڤ درۆشمێ خۆ بۆ پاراستنا کوردستانێ و ژلایێ شەکری مەزنترین شکەستن کرە بەھرا داگیرکارا و سەرۆکێ حکومەتا ھەرێما کوردستانێ ژی ھەر لرۆژێن دەسپێکی ب پلان و بەرنامەکێ نوو ، و ب گرنژین و باوەری بخۆ ھەبوون ، ئەو دلتەنگی و پێلێن رەش و دژوار کرنە ئۆمێد و سەرکەفتن ، پشتی سەرەدانا ژمارەکا وەلاتێن ھەرێمی کری ، پیلان خاڤکرەڤە و لدەمەکێ کورت دا ب ئێکجاری ژناڤبرن . 
چونکی حکومەتا ھەرێما کوردستانێ بسەرۆکاتیا نێچیرڤان بارزانی لدەمەکێ ھەری کێمدا د چەندین بوواران دا بسەر کەفت ،
ئێک : قەوارێ ھەرێما کوردستانێ ژلایێ سیاسی و ئیداری پاراستن و بەرژەنگێن بھێترکرنەڤا وێ لدەمێ بەری راپرسیێ دیاربوونە ، چونکی ئەڤرۆ پەیوەندیێن ھەریما کوردستانێ دئاستەکێ ھەری بلند دانە و جارەکا وی ھەولێرا پایتەخ بوویە قیبلەیا سەرەدانێن دبلۆماسی و رۆژانە پێشوازی ل چەندین بەرپرسێن بلند و نوونەرێن وەلاتێن مەزن دھێتە کرن .
دوو : حکومەتا بەغدا نەچار کر دەست ب دانۆستاندنا بکەت و کێشە ب دیالۆكێ بھێنە چارەکرن .
سێ : فرۆکەخانە و دەریێن سنووری داھاتێ نەفتێ نەھاتنە رادەستکرن .
چار : بەغدا نەچار کر مەھانە ٣١٧ ملیار دیناران بۆ ھەرێما کوردستانێ بھێنریت و ھەتا نھو یێ بەردەوامە .
پێنج : بڤی داھاتێ کێم گۆھرین د پاشکەفتێ مۆچەی داکرن و ھەیڤانە دھێنە دابەشکرن و ل گۆرەی زانیاریان د پرۆژێ بۆدجەیێ سالا ٢٠١٩ پاشکەفتێ مۆچەی نامینیت . 
شەش : تا راددەیەکێ باش دڤان کاودانان دا پرۆژێن خزمەتگۆزای ھاتینە دەستپێکرن ، کۆ دەمێ چار سالایە ھاتینە راگرتن .
برەنگەکێ گشتی سەرۆکێ حکومەتا ھەرێما دڤێ سالێ دا دیرۆکەکا نوو بۆ خۆ و حکومەتا ھەرێما کوردستانێ تۆمارکرن و خۆیابۆ کۆ نێچیرڤان بارزانی ، مرۆڤێ دەلیڤێن بەرتەنگە و کلیلا جارەسەریا قەیرانایە و بەختەوەریا مللەتێ خۆیە ، بەری جەنابێ وی ڤان گاڤێن ئەرێنی بھاڤێژیت و سەرکەفتنا تۆمار بکەن ، دیمەنێن وی یێن پڕگرنژین ، ئەڤ چەندە لێ دھاتە دیتن و ئەڤ گاڤێن وی یێن سەرکەفتی دیار دکەت کوردستانێ پێتڤی ب سەرۆک حکومەتەکێ وەھا ھەیە ، بۆ سالێن داھاتی کۆ گەلەک گۆھرینێن مەزنتر بکەت و سەرکەفتنێن مەزنتر تۆمار بکەت بۆ بھێزترکرنا ھەرێما کوردستانێ و بەختەوەریا خەلکێ کوردستانێ ،  دبیت پێشبینی بکەن لسەر ئاستێ دەڤەرێ گۆرانکاریێن مەزن بھێنە کرن و نێچیرڤان بارزانی دێ شێت دگەل گۆرانکاریێن داھاتی بگۆنجیت بۆ پاراستنا بەرژەوەندێن کوردستانێ یێن نەتەوی و نشتیمانی و جڤاکی .





ئەم هەواڵە 6367جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad