English | عربی | Kurdî دواهەواڵ
ڕاستەوخۆ  
 
ئەرێ کوردان پێدڤی ب کۆنگرا نەتەوەیی ھەیە؟
2018-11-11 [03:54 AM]

نڤیسینا : سوھەیب میکائیل


د نووترین چاڤپێکەفتنا خوەدا (ئالدار خەلیل) ھەڤسەرۆکێ دەستەیا جێبەجێکار یا تەڤدەمێ دبێژیت:  کوردا پێدڤی ب ئەنجامدانا کۆنگرێ نەتەوەیی ھەیە، ئەگەر ئەم لڤێ گۆتنێ بنێڕین و بەراورد بکەین دگەل ئایدۆلۆژیا تەڤدەمێ کو لژێر سێبەرا پەکەکێ یە، بێگومان ھەڤدووناگرن؛ چونکی د ئایدۆلۆژیا پەکەکێ دا ،ئەوان باوەڕی ب دروست کرنا دەولەتا نەتەوەی نینە .. لێ وەک ئەم دبینین ئەڤڕۆ  ڕژئاڤایێ پتر ژ روژێن دی کەفتیە ژێرگەفا تورکیا .ئەڤ رەوشا نھا ل رۆژئاڤایێ کوردستانێ ژلایێ سیاسەت مەدارێن ب ئەزموون ژمێژە ھاتبوو پێشبینی کر. ڕێزدار نێچیرڤان بارزانی سەرۆکێ حکومەتا ھەرێما کوردسانێ، سێ سالان بەری نھا د پانێلەکێ دا ل زانکۆیا ئەمریکی ل دھۆکێ ڕاگەھاندبوو: ئەگەر دەسھەلاتا رۆژئاڤایێ کوردستانێ خۆ ژ سیاسەت ئایدۆلۆژیا پەکەکێ قورتال نەکەت ، تورکیا دێ ڤێ یەکێ کەتە بەھانەیەک و دێ ھێرشی رۆژئاڤا کەت . 
ھەلبەت ئەڤ دووربینیا جەنابێ نێچیرڤان بارزانی و خواندنا وی بۆ دۆخێ رۆژئاڤایێ کوردستانێ ، ببورینا دەمی ئەڤ پێشبینیە دوروست دەرکەفتن ، وەک ئاشکرایە تورکیا پەکەکێ بمەترسی لسەر سنورێن خۆ دبینیت ، و چەندین جاران ڕاگەھاندییە کو ئەم چ جوداھیا دناڤبەرا پەکەکێ و پەیەدێ نابینین و ھەردووک ئێکن ، ھێرشا تورکیا بۆ سەر عەفرینێ و داگیرکرنا وێ ھەر لژێر وێ بەھانەیێ بوو کو دێ مەترسیێ لسەر سورێن خۆ دویر ئێخن . 
ئەرێ ئازرندنا پرسا ئەنجامدانا کۆنگرا نەتەوەی ل ڤی دەمی چ ڕامان دگەھینیت ؟  
ب دیتنا مە ھەر دەمێ پەکەکە و بالێن وێ دکەڤنە ژێر گڤاشتنا و دۆخێ وان بەرتەنگ دبیت، ھنگی پرسا نەتەوەیی و ئیکگرتنا نیشتیمانی دھێتە بیرا وان ، پرسیار ئەوە چما بەری چەند سالان ھوون بونە ئەگەرێ ئەنجام نەدانا کۆنگر نەتەوەی و نھا جارەکادی داخوازا ئەنجامدانا وێ دکەن ؟ ل سالا ۲۰۱۳ ێ ھێزێن سیاسیێن ھەر چار پارچێن کوردستانێ ب دەستپێشخەریا رێزدار مەسعود بارزانی سەرۆکێ ھەرێما کوردستانێ ، بزاڤا ئەنجامدانا کۆنگرێ نەتەوەیی ھاتە کرن،  مەبەست ژ ئەنجامدانا وێ کۆنگرێ  دانانا ئۆرگانێن سەرتاسەری بوو بۆ نەتەوەیێن کورد و رێکخستنا دەنگ و خواستێ گەلێ کورد دپرسێن نەتەوەیی دا ل جیھانێ ، ھەلبەت ئەڤ ھەولدانە بو جھێ خۆشحالیا ھەرکوردەکی. بۆ ڤێ مەبەستێ  ھەیڤا نەھـ ل  سالا ۲۰۱۳ ێ ھەمی ھێزێن سیاسی ل ھەولێرێ کۆمبون، لێ د دامەزراندنا وێ کۆنگرەیێ سەرنەکەفتن و پێک ئینانا کۆنگرا نەتەوەیی بۆ دەمەکێ نەدیار ھاتە پاش ئێخستن ، بۆ ئەنجومەنێ رێڤەبەریا کۆنگرێ (٦٥۰) ئەندام بەرچاڤ ھاتبونە وەرگرتن ، ل ڤێ رێژا دەست نیشانکری پەکەکێ دڤیا ( ۳٥۰ ) ئەندام ژ وان و رێکخراوێن سەر ب وانڤە بن، و سیستەمێ سەرۆکاتیا کۆنگرێ ژی ھەڤسەرکایەتی بیت . 
ھەلبەت ئەگەر بڤی رەنگی ھاتبا قەبولکرن کۆنگرا نەتەوەیی دا کەڤیتە ژێر کاریگەریا پەکەکێ ، و ژبلی وان کەسێ دی نەدشیا بڕیارا زۆرینە بدەت. ئەڤەژی بوو ئەگەرێ نەرازیبوونا لەیەنێن دی . 
د ئەنجامدا دەستەیا دامەزرێنەرێ کۆنگرێ پێخەمەت دروست نەبونا کێشەیان دناڤبەرا حزبێن سیاسی ، ڕاگەھاند: وەک پێدڤی ئامادەکاری نەھاتیە کرن و ھەروەسا کێشەیێن حزبێن رۆژئاڤا و رۆژھەلاتێ کوردستانێ بەشەکێ دی ژ ئاریشەیێن پاش ئێخستنا کۆنگرەیێ بوون، ئانکو پەکەکێ دڤیا دەست بسەر کۆنگرێ نەتەوەییدا بگریت و ئەگەر نەشیا ببیتە ڕێگر بۆ ئەنجامدانا کۆنگرێ. پشتی کۆنگرە ھاتیە پاش ئێخستن، (سەلاحەددین دەمیرتاش) کو ھنگی ھەڤسەرۆکێ ھەدەپێ بوو ، کو ژ لایەنگرێ سیاسەتا ئۆجەلان و پەکەکێ یە، راگەھاند: مە  وەک پارتا دیموکراتا گەلێن تورکیا، باوەڕی ب دەولەتا تاک نەتەوە نینە و مە دەولەت تنێ بۆ کوردا نەڤێت ،  د ھەمان دەمدا سەرکردایەتیا پەکەکێ گۆت (د فەلسەفەیا ئۆجەلاندا سەربخۆیی بۆ کودستانێ نینە)
ئەڤە ئەو راستی بوون کو  مە دڤیا دیاربکەین ، چما دەسھەلاتداریا رۆژئاڤا نھا ڤێ داخوازیێ دکەت ؟ و پێشتر دگەل پەکەکێ بونە ئەگەرێ تێکچونا بزاڤێن بەستنا کۆنگرێ نەتەوەیێ کورد ل ھەولێرێ؟!! بۆچی وی دەمی ئەو کۆنگرە بۆ وان گرنگ نەبوو نھا بۆ وان گرنگە؟  ب دیتنا مە ئەڤ ئالۆزیا د سیاسەتا پەیەدێ و پەکەکێ دا ھەی ،باوەریێ دناڤبەرا ھێزێن کوردی لاواز دکەت ، و بانکەوازیا رێزدار ( ئالدار خەلیل ) بۆ بەستنا کۆنگرا نەتەوەیی ب تنێ بۆ ڕاکێشانا سەرنجا لایەنێن سیاسیێن کوردە ، ئەگەرنە ھەر ئەو دووبارە دێبنە بەربەستێ ئەنجامنەدانا کۆنگرەیێ .





ئەم هەواڵە 6244جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad