English | عربی | Kurdî دواهەواڵ
ڕاستەوخۆ  
 
ب حکومەتا زۆرینە ، نێچیرڤان بارزانی دێ شێت مەزنترین چاکسازی کەت
2018-11-12 [12:52 PM]

نڤیسینا : غیاس خالد زێباری


دڤان بیست و شەش سالێن حوکمڕانیا ھەرێما کوردستانێ ، ھەرێما کوردستانێ گەشەبوونەکا ئێجگار زۆر بخۆڤە دیتی یە ، لێ مەزنترین ئاستەنگ لھەمبەر حکومەتا ھەرێما کوردستانێ ب سەرۆکاتیا رێزدار نێچیرڤان بارزانی ، ئەنجامدانا چاکسازیێن بنەرەتی بوویە و ھیڤیا خەلکێ کوردستانێ ژی چاکسازی بوونە ، گەھشتیە وی رادەی زۆربەی خەلکێ کوردستانێ باوەری ب ئەنجامدانا چاکسازیا نەمایە ..! 
ئەز باوەرم نێچیرڤان بارزانی زۆر ھەول داینە چاکسازیێن بنەرەتی بھێنە کرن ، دووماھی پرۆژێ وی بەری چەندەکێ ئاراستەی گەرا چارێ یا پەرلەمانێ کوردستانێ کربوو ، چونکی سەرۆکێ حکومەتێ گەھشتیە وێ باوەریێ ، ئەگەر چاکسازی نەھێتە کرن ، دێ کاریگەریەکا نەرێنی لسەر ڕەوشا ئابووری و جڤاکی و کارگێری و ئێمناھی هەبیت ،  لێ ژبەر ململانێن حزبایەتی و موزایدێن سیاسی ، ئەڤ پرۆژە ژلایێ پەرلەمانی نەھاتە پەسندکرن و پرانیا پارتیێن دیتر ل پەرلەمانی پشتەڤانیا ڤی پرۆژێ سەرۆکێ حکومەتێ و پارتی نەکر ،  ئەگەر ھاتبا پەسندکرن رەوشا کوردستانێ یا کارگێری و ئابووری دا بەرەڤ قۆناغەکا گەشتر چیت .
ھەر ئەڤ ململانێ یە و موزایدێن سیاسی ئەگەرێن سەرھەلدان و بەرفرەھبوونا دیاردێن گەندەلیێن ھەمەلایەنن ل ھەرێما کوردستانێ و ئارمانجێن سەرۆکێ حکومەتێ ژی بجهـ نەھات و بێ بەرھەم مان .
پشتی ھەلبژاردنێن ( ٣٠ / ئیلۆنا / ٢٠١٨ ) کورسیێن پارتی دیموکراتی کوردستان نێزیکی پرانیێ بوون ل پەرلەمانی ، ئەو پارتیا ھەردەم ھەولێن چاکسازیێ و نەھێلانا گەندەلیێ ددا ، خۆشبەختانە جارەکادی پارتی دیموکراتی کوردستان رێزدار نێچیرڤان بارزانی دێ راسپێریت بۆ پێکئینانا کابینا نوو یا حکومەتا کوردستانێ ، ئەڤە دەلیڤەیەکا زێرینە لھەمبەر پارتی و سەرۆکێ حکومەتێ بۆ پێکئینانا حکومەتەکا زۆرینە ، داکۆ بشێت بەرنامێن خۆ یێن چاکسازیێن دارایی و کارگێری لدەمەکێ زوو ئەنجام بدەت و ڤان دەسکەفت و سەروەریان بێخیتە سەر وان دەسکەفت و سەروەریێن لەشکری و ئاڤەدانی و ئێمناھی یێن دڤان سالان دا لسەر دەستێ وی بەرجەستە بووی . 
ڕەنگە ڕەوشا کوردستانێ و دەڤەرێ حکومەتەکا بنگەەـ فراوان یان نیڤ بنگەهـ فراوان بخوازیت ، لێ ب دیتنا من حکومەتا زۆرینە یا پارتی دێ زێدەتر خزمەتا جڤاکێ کوردستانێ و دەڤەرێ کەت و ھیڤیا خەلکێ کوردستانێ یا چاکسازیێن گشتی و نەھێلانا گەندەلیێ لسەر دەستێ نێچیرڤان بارزانی دێ بجهـ ھێت . 
ب بوورینا دەمەکێ کورت ژی ئەو وەلات و لایەنێن دگەل حکومەتا بنگەهـ فراوان دێ پەشێمان بن و پشتەڤانیا وێ حکومەتێ کەن ، چونکی پارتی و سەرۆکێ حکومەتا داھاتی ب چاکسازی و دبلۆماسیەکا بەرفرەهـ لسەر پاراستنا بەرژەوەندێن ھەڤپشک و پرۆژێن ئابووری و ئاڤەدانی و ئێمناھی و جڤاکی و کلتووری و سەروەریکرنا یاسایێ و پاراستنا مافێن ئازادیا و دیموکراسیەتێ و ئاشتیا جڤاکی دێ وان حیبەتی کەت و نەجار کەت ، ئەڤ گاڤە دەرفەتن کۆ ژلایێ نەتەوی و نشتیمانی ژی پشتەڤانێن زێدەتر ھەبن و دەسکەفت مەزنتر ببن ، چونکی پرۆژە و درۆشمێ پارتی بھێزکرنا کوردستانێ یە ، بھێزکرنا کوردستانێ ژی بڤێ چەندا مە دیار کری دێ بیتە پراکتیک . 
ژلایێ پشتەڤانیا خەلکێ کوردستانێ ژی بۆ لایەنێن سیاسی و ھەلبژاردنێن داھاتی ، خەلکی ئێمناھی و ئەرزانی و چاکسازی دڤێن ، حکومەتا ھەرێما کوردستانێ ب چاکسازیەکا زوو و چارەسەرکرنا قەیرانا دارایی کۆ بەرەڤ چارەسەریێ دچیت ، دێ جەماوەرێ پارتی زۆر زێدەتر کەت ، ب کورتی ھەر حزبەک یان حکومەتەکا کوردستانێ گاڤێن پراکتیک بۆ بەرھنگاربوونا پرسێن گەندەلیێ و چارەسەرکرنا قەیرانا دارایی دھاڤێت دێ بیتە پارتیەکا بێ رکابەر و زۆرینە ل پەرلەمانی ، ئەز باوەرم گاڤێن دەسپێکێ یێن نێچیرڤان بارزانی سەرۆکێ حکومەتا داھاتی یا ھەرێما کوردستانێ ، دێ چاکسازی و چارەسەرکرنا قەیرانا ئابووری و دارایی بیت و ئەڤە مەزنترین خزمەتە بۆ جڤاکێ کوردستانێ و پارتی دیموکراتی کوردستان دڤان کاودانان دا .





ئەم هەواڵە 6073جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad