English | عربی | Kurdî دواهەواڵ
ڕاستەوخۆ  
 
عێراق و توركيا پرسی ئاو و گومرگ وباجیان تاوتوێ كرد
2018-11-12 [06:48 AM]

ZNA - هه‌ولێر


 

ئەمڕۆ فوئاد حوسێن جێگری سەرۆك وەزیران و وەزیری دارایی لە بەغدا پێشوازی له‌ فاتیح یڵدز باڵیۆزی كۆماری توركیا لە بەغدا و شاندی یاوەری كرد و هه‌ردوولا پرسی پرۆژەكانی ئاو و ئاودێری و په‌يوه‌ندييه‌ ئابوورييه‌كانى نێوان به‌غدا و ئه‌نقه‌ره‌يان تاوتوێكرد.

نووسينگه‌ى جێگرى سه‌رۆك وه‌زيران و وه‌زيرى دارايی له‌ راگه‌يه‌ندراوێكدا ده‌ڵێت، باڵیۆزی توركیا لە عێراق ئاماژەی بۆ ئەوە كرد كە كۆمپانیاكانی توركیا بەوپەڕی چالاكیەوە لە عێراق كار دەكەن و هەمیشە گرنگیان بە جۆر و كواڵیتی بەرهەمەكانیان داوە و بازاڕی عێراقیش متمانەیەكی زۆری بە كاڵای توركی هەیە، و هەر دوولا پێویستی هەبوونی ئاسانكاری ئاڵوگۆڕی بازرگانی و گواستنەوەی كاڵا و بەرهەمی جۆراوجۆر و سوككردنەوەی رێ و شوێنە گومرگیيەكان و باج لە نێوان عێراق و توركیادا كردەوە ئەمە جگە لە فراوانكردنی بواری بازرگانی وئابووری لە نێوان هەردوو وڵات دا.

باس له‌وه‌ش كراوه‌، هەر لەو كۆبوونەوەیەدا هەردوولا جەختیان لەسەر پەلەكردن لە ئیمزاكردنی رێككەوتن لەبارەی نەمانی جیاوازی لە باج لە نێوان هەردوو وڵات دا كردەوە دوای هەمواركردنی چەندین خاڵ تێيدا.

راگه‌یه‌نراوه‌كه‌ روونی كرده‌وه‌، له‌و كۆبوونه‌وه‌يه‌دا فوئاد حوسێن، دووپاتیكردووه‌تەوە حكومەتی عێراق پرسی پرۆژەكانی ئاو و ئاودێری وبونیادنانی بەنداوی بچووكی جیاواز لە نێو خاكی خۆی دا بە گرنگ دەزانێ بەو پێیەی پرسی گرنگیدان بە سامانی ئاو خاڵێكی گرنگی پرۆگرامی حكومەتی عێراقە بەتایبەتی لە رووی هەڵگرتن و پاراستنی ئاو و بەهەدەر نەدانی ئەم سامانە ئەمە جگە لە بەرهەمهێنانی وزەی كارەبا و پەرەپێدانی سامانی ماسی و گەشت و گوزار و ژینگە و كشتوكاڵ.





ئەم هەواڵە 9199جار خوێندراوەتەوە
 
 
ڤیدیۆ گەلەری
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad