English | عربی | Kurdî دواهەواڵ
ڕاستەوخۆ  
 
ئێران... دوو کەس لەسەر تاوانی ئابوری لەسێداره‌درا
2018-11-14 [11:53 AM]

ZNA - هه‌ولێر


 

ئێران ئاشكرای كرد، دوو کەس لەسەر ئەنجامدانی تاوانی ئابوری لەسێدارەدرا، ئەمەش لەم کاتەی ئابوری وڵاتەکە دووچاری گرفتی گەورە بووەتەوە هاوکاتی نوێبوونەوەی سزاکانی ئەمەریکا بەسەریدا.

 

ماڵپەڕی میزانی سەر بە دەسەڵاتی دادوەری ئێران ئەمڕۆ چوارشەممە ڕایگەیاند هەر یەک لە وەحید مەزڵومین و محەمەد ئیسماعیل قاسمی لەسێدارەدران لەسەر تاوانی " افساد فی الارض"، ئەمەش دەستەواژەیەکە لە لایەن دەسەڵاتدارانی ئێرانەوە بەکاردەهێنرێت بۆ سزادانی کەسێک بە له‌سێداره‌دان.

 

بەپـێی دادوەری ئێران مەزلومین و قاسمی تۆڕی گەندەڵیـیان پـێکهێنابوو و کۆسپیان بۆ سیستەمی ئابوری و دارایی وڵاتەکە دروستکردبوو.

 

ئاژانسی ئیسنای ئێران دەڵێت مەزڵومین دوو تۆن ئاڵتونی پـێگیراوە.

 

له‌ مانگی هەشتەوە چەندان دادگای تایبەت لەسەر کەیسی ئابوری و دارایی لە ئێران پـێکهێنراون بە ڕەزامەندی عەلی خامەنەئی ڕابەری باڵای ئێران کە گەورەترین دەسەڵاتە لە وڵاتەکەدا.

 

لەو کاتەوە هەتا ئێستا بە لایەنی کەم بڕیاری لەسێدارەدانی حه‌وت کەس دراوە لە ڕێگەی ئەو دادگایانەوە. هەندێک لەو دادگاییکردنانە ڕاستەوخۆ لە ڕێگەی تەلەفیزیۆنەوە بڵاوکرانەوە.

 

چاودێران دەڵێن ئامانجی ڕژێمی ئێران لەم سزایانە چاوترساندنی خەڵکە و هەروەها هۆکاری خراپـبوونی باری ئابوری وڵاتەکە بخرێنە ئەستۆی چەند کەسێکەوە.

 

voa





ئەم هەواڵە 2728جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad