English | عربی | Kurdî دواهەواڵ
ڕاستەوخۆ  
 
ئەنجومەنی دادوەریی لێكۆڵینەوە له‌و كه‌سانه‌ ده‌كرێت كه‌ بوونه‌ته‌ هۆی نوقومبوونی حەوت ملیار دینار
2018-11-15 [01:23 AM]

​ZNA - هەولێر


ئەنجومەنی باڵای دادوەریی عیراق لێكۆڵینەوە سه‌باره‌ت به‌ نوقومبوونی حه‌وت ملیار دیناره‌كه‌ دەكات.

عەبدولستار بەیرەقدار، وتەبێژی ئەنجومەنی باڵای دادوەریی عیراق لە بەیاننامەیەكدا رایگەیاند: دادگای لێكۆڵینەوەی رەسافە، دەستیكردووە بە لێكۆڵینەوە لە پرسی نوقومبوونی حەوت ملیار دینارەكە و رێوشوێنی یاسایی لە دژی هەموو ئەوانە دەگیرێتەبەر كە بوونەتە مایەی بەهەدەردانی پارەی نێو بانكی ناوەندی و لێپرسینەوەش لەگەڵ هەموو ئەوانەدا دەكرێت كە هاوبەش بوون لەو تاوانەدا.

چه‌ند رۆژێك له‌مه‌وبه‌ر عه‌لی عه‌لاق، پارێزگاری بانكی ناوه‌ندی عێراق له‌به‌رده‌م ئه‌ندامانی ئه‌نجومه‌نی نوێنه‌رانی عێراق ئاشكرای كرد كه‌ له‌ساڵی 2013 به‌هۆی بارانه‌وه‌ ئاو چۆته‌ نێو ژوورێكی بانكی رافیدێن و به‌و هۆیه‌وه‌ 7 ملیار دیناری عێراقی له‌ناوچوون.

هه‌روه‌ها موقته‌دا سه‌در سه‌رۆكى ره‌وتى سه‌در، په‌یامێكى له‌سه‌ر ته‌ڕبوونى حه‌وت ملیار دیناره‌كه‌ى بانكى ناوه‌ندى بڵاوكرده‌وه‌ و داوا ده‌كات لێپرسینه‌وه‌ له‌ به‌رپرسان بكرێت و ده‌ستگیربكرێن.

سه‌در له‌ په‌یامێكدا له‌ تویته‌رى خۆى نوسیویه‌تى، حەوت ملیار دینار تەنیا خاڵێکە، لە دەریای گەندەڵی و گەندەڵکاران، بیانووەکانیان رەوا نییە و مانەوەشیان تەنیا ژمارەیە.

هه‌روه‌ها داوایكردووه‌ لێپرسینه‌وه‌ له‌ به‌رپرسانى بانكه‌كه‌ بكرێت و ده‌ستگیر بكرێن و لێپرسینه‌وه‌ له‌ هاوشێوه‌و خێزانه‌كانیشیان بكرێت كه‌ به‌ گه‌نده‌ڵى به‌ناوبانگ بوون.





ئەم هەواڵە 10465جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad