English | عربی | Kurdî دواهەواڵ
ڕاستەوخۆ  
 
مەسرور بارزانی و جێگری یاریدەدەری وەزیری دەرەوەی ئەمەریکا بارودۆخی ناوچەکە تاوتوێی دەکەن 
2018-11-17 [10:20 AM]

ZNA- ھەولێر 


 ئەمڕۆ ١٧/١١/٢٠١٨، مەسرور بارزانی، راوێژکاری ئەنجوومەنی ئاسایشی ھەرێمی کوردستان پێشوازی لە ئەندرۆ پیک، جێگری یاریدەدەری وەزیری دەرەوەی ئەمەریکا بۆ کاروباری ئێران و عێراق و شاندی یاوەری کرد. 

لە دیدارێکدا پەرەسەندنە سیاسییەکان و رەوشی ناوچە کوردستانییەکانی دەرەوەی ئیدارەی ھەرێمی کوردستان و دەستپێکردنی قۆناغێکی نوێی چارەسەرکردنی پرسە ھەڵواسراوەکانی نێوان بەغدا و ھەولێر تاوتوێ کران.


 لەو دیدارەدا پێشوازی لە بڕیار و رێککەوتنی ھەناردەکردنەوەی نەوتی بیرەکانی کەرکووک لەرێی بۆری نەوتی ھەرێمی کوردستان بۆ بازاڕەکانی جیھان کرایەوە و بە ھەنگاوێکی گرینگ و سمبۆڵی دانرا بۆ چارەسەرکردنی پرسە ھەڵواسراوەکان. 

مەسرور بارزانی و ئەندرۆ پیک لەبارەی ئاساییکردنەوەی رەوشی ناوچە کوردستانییەکانی دەرەوەی ئیدارەی ھەرێمی کوردستان، جەختیان لە ئاساییکردنەوە و کردنەوەی سەرجەم رێگاکان و پاککردنەوەیان لە مینە چێنراوەکان و دابینکردنی خزمەتگوزارییە سەرەتاییەکان بۆ ئەم ناوچانە کردەوە. 

تاوتوێکردنی دەستپێکردنی قۆناغێکی نوێی پێکەوە کارکردن لەگەڵ حکوومەتی نوێی عێراق بۆ چارەسەرکردنی کێشە و ناکۆکییەکان لایەنێکی دیکەی دیدارەکەی نێوان ھەردوولا بوو.





ئەم هەواڵە 2509جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad