English | عربی | Kurdî دواهەواڵ
ڕاستەوخۆ  
 
سودەکانی خواردنی لالەنگی
2018-11-18 [09:28 AM]

هەولێر _ ZNA


 

لالەنگی یەکێکە لە میوە وەرزیەکان چارەسەری سەرمابوون و ئەنفلۆنزا دەکات،ئەمەش بەتەنھا سود نیە کە لالەنگی ھەیەتی بەھۆی بوونی کۆمەڵێک ڕەگەزی خۆراکی گرنگ لەم میوەیەدا خواردنی سودی زۆری بۆ جەستە و پێست ھەیە،ئەمانەش کۆمەڵێک سودی دیکەی لالەنگین:

١-چارەسەری لۆچی دەمووچاو دەکات:

بەھۆی بوونی ڤیتامین "C" لە لالەنگیدا خواردنی پێست بە گەنجی دەھێڵێتەوە دەشتواندرێت لە ڕێگای گیراوەیەکەوە کە پێکدێت لە: (سێ قژ لە لالەنگی ،کەوچکێک  ماست و ھەنگوین) پێویستە تێکەڵی یەکتربکرێن لە پاشاندا ئەم گیراوەیە بۆ ماوەی ١٠ خولەک بدرێت لە دەمووچاو و مل، ئەم ماسکە یارمەتیدەرێکی باشە بۆ پاکردنەوەی و لابردنی چەوری و بەکتریای زیان بەخش لەسەر پێست.

٢- خواردنی لالەنگی بۆ ئەو کەسانە بەسودە کە بەدەست کەمی ڕێژەی ئاسن لەلەشیاندا دەناڵێنن،یارمەتی ئاسانکردنی کرداری ھەڵمژینی ئاسن لەلایەن لەشیشەوە دەدات.

٣-جوڵەی ڕیخۆڵە چالاکدەکات،لالەنگی ڕێژەیەکی زۆر لە ڕیشاڵی سروشتی تێدایە یارمەتیدەرە لە چالاکردنی جوڵەی ڕیخۆڵە ھەروەھا قەبزیش چارەسەر دەکات.

٤-ئەگەر لەو کەسانەیت بەدەست بوونی زیپکە بە دەمووچاوتەوە دەناڵێنیت وا باشە گرنگی بە خواردنی لالەنگی بدەیت،ئەمەش دەگەڕێتەوە بۆ گرنگی ڤیتامین "A" لەم میوەیەدا.

٥-ڕێژەیەکی زۆر لە ڤیتامین"A" و ڤیتامین "B16" تێدایە بۆتەندروستی قژ و پێدانی رەونەقی بە قژ  زۆر بەسودە ھەروەھا سپی بوونیشی  دوادەخات .

لەم کاتەدا پێویستە بەم شێوەیە ئامادەبکرێت:

شەربەتی لالەنگی بۆ ئەو زەیتە پێویستە زیاد بکرێت  کە دەدرێت لە قژ ،لە دوایدا بۆ ماوەی ١٠ خولەک دەبێت بە قژەوە بێت و لە پاشاندا بشۆردرێت.

٦-ڕێگری دەکات لە توشبوون بە نەخۆشیەکانی دڵ و شێرپەنجە،بەپێ توێژینەوەیەکیش خواردنی لالەنگی و پرتەقاڵ بەشێوەیەکی ڕێکوپێک سنورێک بۆ نەخۆشیەکانی دڵ و شێرپەنجە و نەخۆشیە درێژخایەنەکان دادەنێت.

٧-لالەنگی بەرزی پەستانی خوێن چارەسەردەکات،بۆیە ئەو کەسانەی بەدەست بەرزی پەستانی خوێنەوە دەناڵێنن واباشە گرنگی بە خواردنی لالەنگی بدەن .

٨-یارمەتی دابەزانی کێشی لەش دەدات،ئەو ڕیشاڵانەی کە لەلالەنگیدایە وادەکات ماوەیەکی درێژ ھەست بەبرسێتی نەکرێت.

٩-چارەسەری برینداری دەکات،بە دانانی زەیتی لالەنگی لەسەر ئەو شوێنەی کە دووچاری برینداری بووە یارمەتیدەرێکی باشە بۆ دروستکردنەوەی خانەی نوێ و زوو چاکردنەوەی برینداریەکە.

١٠-لالەنگی دەوڵەمەندە بە ڕەگەزی دژە ھەوکردن و دژە ژەھر لەلەشدا، بەرگری لەش دژی کۆمەڵێک لە نەخۆشی نموونەش ئەنفلۆنزا زیاددەکات.





ئەم هەواڵە 9052جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad