English | عربی | Kurdî دواهەواڵ
ڕاستەوخۆ  
 
بەهۆی ئاگركەوتنەوەوە حەوت ئەندامی خێزانێك گیانیان لە دەستدا
2018-11-20 [06:46 AM]

ZNA-ھەولێر


راگەیاندنی بەرێوبەرایەتی پۆلیسی سلێمانی رایگەیاند، لە رووداوێكی ئاگركەوتنەوە لە شارۆچكەی چەمچەماڵ، حەوت ئەندامی خێزانێك گیانیان لەدەستدا.

 

راگەیاندنی بەرێوبەرایەتی پۆلیسی سلێمانی، بە ئاژانسی ھەواڵی زاگرۆسی رایگەیاند: شەوی ڕابردوو بەهۆی شۆڕتی كارەباوە ماڵێك لە چەمچەماڵ گڕیگرت و حەوت ئەندامی خێزانێك كە لەو ماڵەدا نیشتەجێبوون گیانیان لەدەستدا ،بەشێوەیەك ئەو خێزانە شەو هیتەریان داگیرساندوەو دواتر شۆرتی كردوەو دوكەڵێكی زۆری كردوە، بەهۆی ئەو دوكەڵەشەوە سەرجەم ئەندامانی‌ خێزانەكە خنكاون كە لەحەوت كەس پێكهاتون.

 

 پۆلیسی سلێمانی ئەوەشی خستەروو، کە دوای گەیشتنی هێزەكانی پۆلیس و تیمە فریاگوزارییەكانی تر تەرمی قوربانییەكان ڕەوانەی نەخۆشخانە كران بە مەبەستی  توێكاری و لێكۆڵینەوەی زیاتر لە ڕوداوەكە ، لە ئێستاشدا لە لایەن بنكەی پۆلیسی چەمچەماڵەوە پەڕاوی لێكۆڵینەوە بۆ ڕوداوەكە كراوەتەوە .

 

 بەرێوبەرایەتی راگەیاندنی پۆلیسی سلێمانی ئەوەشی ئاشکرا کرد ، کە ئەو خێزانە ئاوارەی عەرەبن و دانیشتووی چەمچەماڵن، ئەو حەوت كەسەی گیانیان لەدەستداوە چوار كەسیان منداڵن و سێ كەسەكەی تریش گەورەن.

 

 

رێباز یونس





ئەم هەواڵە 2017جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad