English | عربی | Kurdî دواهەواڵ
ڕاستەوخۆ  
 
بلا شەڕی ب چەکێ پترۆلێ بکەین
2018-11-24 [12:59 PM]

نڤیسینا : شێرزاد نایف


سەرەدەریکرنا پرسێن گرێدای پەترولێ، کارەکێ سەختە و مینا پەلگازکەکێ یە، کو چاوا بخەبتی و دەستێ نە سۆژی ، ھەمی چاڤدێرێن سیاسی و ئابووری دزانن کو ئەڤە دەڤەرا مە، جھێ ئاراستەیا وەلاتێن زلھێز و ئابوورخوازن و ئەو ھەموو شەر و شەماتە ل سەر وان سامانایە و یا ژ ھەمیان گرنگتر ژی پترۆلە، پشتی ھێرشێن رێکخراوا داعش یا کو کەس حەتا نھا (حاشا) کورێ حەرامێ کێ یە، ئێدی دەولەتێن مەزن و زلھێز ھاتن، ب ڤێ بھانێ و بھانا دی، ل ھەرێما کوردستانێ ژی پشتی کو سیاسەتا حوکمەتا ھەرێما کوردستانێ ب سەرکێشیا نێچیرڤان بارزانی ھەمی بەھانە ژێ بڕی، رابوون ھەر ب لایەنێ کوردی بخوە ژەھرا خوە بەردانە سەر ڤێ کێشێ ، شیان حەتا رادەکی زیانێ بگەھیننە مللەتێ مە یێ بێگونەە، خواستن چەندەکێ حوکمەتا کوردی ل بەر چاڤێن خەلکی رەش بکەن، بەلێ پشتی ڤێ حەیسوبەیسێ ژی مە دیت سەرەدەریکرنا نێچیرڤان بارزانی ئەڤ ئەرکێ ھندێ ھەستیار چەند ب شارەزای شیا پاپۆرا کوردستانێ بگەھینتە کنارێ ئێمن. بۆ میناک ژی ھەکە سەرخوەبوونا ئابووری نەبا و پەترۆل رادەستی بەغدا کربا، ئەو نیڤ مووچە ژی ب زەحمەت دا ھەبیت و خەلکێ ھەرێمێ دا کەڤیتە کارەساتەکا مرۆڤی دا. ب ڤان بزاڤان ل سالا ٢٠٠٧ قانوونا پەترۆل و غازێ ل پەرلەمانێ کوردستانێ دەرکەفت. ل ھەمبەر دژاتیکرنا بەغدا و سیاسەتا برسیکرنا خەلکێ ھەرێمێ، نێچیرڤان بارزانی رادەستنەبوو ل سالا ٢٠١٥ سەرخوەبوونا ئابووری و ئازادیا فرۆتنا پەترۆلێ راگەھاند. تشتێ ژ ھەموویان گرنگتر کو د دراماتیکا وێ سیناریۆیا تراژیدی خەمگین ب سەر مللەتێ مە دا ھاتی،  یی کو مە دیتی، ل سالا ٢٠١٧ و پشتی روودانێن شازدەی ئوکتۆبەرێ کو مەترسی ل سەر قەوارەیێ ھەرێمێ ھەبوو، نێچیرڤان بارزانی ل کۆنگرا سانپترسبۆرگ مەزنترین رێکەفتن ل گەل کۆمپانیا رۆزنەفت یا رۆسی ل دۆر کەرتێ غازا سروشتی ئیمزاکر. سەرەرای سالێن درێژێن کارکرنا دانەگاز ل کێلگەھێن پترۆلێن ھەرێمێ، ل سالا ٢٠١٣ ئاریشە د ناڤبەرا کۆمپانیا دانەگاز و حوکمەتا ھەرێمێ چێبوو، سکالایا دانە گاز ل دادگەھەکا نێڤدەولەتی بارێ حوکمەتا ھەرێمێ گرانترکر و ھەرێم ب دو ملیار دۆلاران ھاتە سزادان.
ھەلبەت گەلەک ب سەر وێ روودانێ ڤە نەچوو، جارەکا دی نێچیرڤان بارزانی رێکەفتنەکا دی ل گەل دانەگاز کر، ب وێ رێکەفتنێ دانەگاز د قەرێن مایی خوەشبوو و زڤریڤە کارکرن د ناڤا کێلگەھێن خورمۆل و چەمچەمال، ئەڤان بزاڤان کابینەیا حوکمەتا نێچیرڤان بارزانی شیا باوەریێ د ناڤبەرا دەسھەلاتێ و خەلکی دا پەیدابکەت، ب گرۆڤەیا سەرکەفتنا حزبا وی د ھەمی پرۆسێن ھەلبژارتنان دا، سەرەرای ھندێ کو ھەر گل وگازندەکا خەلک بکەت مافێ وانە و یا د جھێ خودایە، نەمازە ئەڤە پێنج سالە ئەڤ خەلکێ ھەژار وبەلنگاز ژ بەر ڤێ قەیرانا ئابووری یا دوژمنان بۆ مە ئیایی کو کارتێکرنەکا نێگەتیف کریە سەر ھەمی گەھێن گرێدای ب ژیانێ ڤە. ئەڤرۆ مە دیت کۆنگرێ بەری چەند رۆژان چەند بێھنا خەلکی فرھکرەڤە و تۆڤێ ھیڤیان بۆ پاشەرۆژێ چاندەڤە.





ئەم هەواڵە 6118جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad