English | عربی | Kurdî دواهەواڵ
ڕاستەوخۆ  
 
بۆچى دبێژن: ده‌وله‌تمه‌دار؟
2018-11-24 [01:21 AM]

نڤیسینا : سوهه‌یب میكائیل


پشتی دەربازبوونا (۱۳) سالان بسەر ڤەدیتنا ئێکەم بیرا نەفتێ ل کێلگەیا تاوکێ رۆژ ب رۆژ سیاسەتا نەفتا حکومەتا ھەرێما کوردستانێ وەڕاڕێ دکەت و بەحسێ سەرکەفتن و سەربەخۆییا وێ دھێتە کرن .ھەرچەندە ئەڤە ماوێ چەند سالەکانە ھەرێما کوردستانێ ب قۆناغەکا دژواردا دەرباز دبیت . لێ گەشەکرنا سیاسەتا نەفتا ھەرێما کوردستانێ ئەو ئارمانجا کو پشتی رێفراندۆمێ ھەین باشتر بەستڤە دئینیت .نھا گەشەکرنا بوارێ پیشەسازی و وزێ ب شێوەیەکێ ئاشکرا ھەست پێ دھێتەکرن. ئەڤەژی بویە ئەگەرێ ھندێ کو مەزنترین کۆمپانیایێن جیھانێ مینا (روس نەفت ، گەنەل ئینێرجی، دی ئێن ئۆ ، ئیکسۆن مۆبیل ، شیفرۆن ...ھتد ) بھێنە ھەرێما کوردستانێ و بزاڤێ بکەن کو پێنگاڤەکا پۆزەتیڤ بھاڤێژن و پشتگیریا سیاسەتا ئابوریا کوردستانێ مسۆگەر بکەن .ھەلبەت ئاشکرایە سیاسەتا ئابوریا ھەرێمێ و پرسا سەربەخۆییا ئابوری ژلایێ ئەنجومەنێ وەزیرانڤە دھێتە بڕێڤەبرن، ئەندازیارێ پێشکەفتنا ئەڤێ سیاسەتێ ژی رێزدار نێچیرڤان بارزانی یە . ئانکو ئەڤ ھەمی دەستکەفت و گەشەکرن و پێشکەفتنا کەرتێ وزێ ل ھەرێما کوردستانێ ھەر ھۆسا ب ساناھی بدەسڤە نەھاتیە . 
پرسا سەربەخۆییا ئابوریا ھەرێمێ ھەر ل نافخۆیا عیراقێ و ھندەک وەلاتێن دەوروبەر گەلەک دژایەتیا وێ ھاتەکرن . ب تایبەت حکومەتا بەغدا ھەمی ب ھەمی شیانێن خۆ بزاڤ دکر و دەسھەلاتا خۆ بکار دئینا ھەتا بشێت رێگریێ ل سەربەخۆییا ئابوریا ھەرێمێ بکەت . د ئاستێ نافخۆدا حکومەتا بەغدا شایستە داراییێن ھەرێمێ د بودجەیا عیراقێدا بڕی و ژئەنجامێ ئەڤێ کارێ نا مرۆڤانە کو ل ھەمبەری گەلێ کورد ھاتیەکرن ، ھەرێما کوردستانێ توشی قەیرانەکا داراییا دژوار ھات .سەرەڕای قەیرانا دارایی بارودۆخێ سیاسیێ عیراقێ بەرەڤ ئالۆزیێ ڤە چوو، ھەرێما کوردستانێ روو ب روویێ  جەنگەکێ مەزن بوو. کوردان دگەل مەزنترین رێکخراوا تیرۆرستیا داعشێ شەڕێ مان و نەمانێ دەسپێکر .ھەلبەت ئاشکرایە د ھەر وەلاتەکیدا جەنگ ھەبیت، ئەو ولات دێ گەلەک پێدڤی ب لایەنێ دارایی بیت ، و ئابورییا وێ دێ بەرەڤ نزمبونێڤە چیت . لێ سیاسەتا حکومەتا ھەرێما کوردستانێ ب سەرکردایەتیا نێچیرڤان بارزانی خۆڕاکربوو و نەھێلا کاروانێ ئاڤەدانیێ ل ھەرێمێ ڕابوەستیت، و ب ھیمەتا سەرۆکێ ھەرێما کوردستانێ رێزدار ( مسعود بارزانی ) و پێشمەرگێن قارەمان، مەزنترین رێکخراوا تیرۆرستی لسەر دەستێ  پێشمەرگەی ھاتە تێکشکاندن . حکومەتا ھەرێمێ لسەر سەربەخۆییا ئابوریێ بەردەوام بوو .ھەر ئەڤ سیاسەتا ئابوریێ ل دوماھیێ بوو دەرگەھەک بۆ خۆ بدەستڤە نەدانا حکومەتا ھەرێمێ. و شیا ب رێکا ئەڤێ داھاتێ ئابوری، کوردستانێ ب ڕێڤە ببەت .
ل سەردەمێ حکومڕانیا نێچیرڤان بارزانی ھەرێما کوردستانێ روژ ب ڕۆژ پێش دکەڤیت. باژاڕێ ھەولێرا پایتەخت جوانترین نمونەیا پێشکەفتنێ یە لسەر دەستێ رێزدار نێچیرڤان بارزانی. ئەم بەحسێ پڕۆژەیێن بەری قەیرانا دارایی ناکەین چونکی ئاشکرایە کو خزمەتەکا بەرچاڤ ھاتیەکرن ، ئەگەر ئەم بەحسێ سەردەمێ قەیرانا دارایی بکەین ، سەرۆکێ حکومەتێ نەھێلا پڕۆژەیا بەرنیاس ب جۆت سایدا (۱۲۰) مەتری کو ب شێوەیەکێ بازنەیی ل دۆر ھەولێرێ دزڤڕیت رابوەستیت، ئەڤ جۆت سایدا (۱۲۰) مەتری شیایە تاخ و گوند و ناحیێن دەوروبەرێ ھەولێرێ ب سەنتەرێ باژاڕیڤە گرێ بدەت .
ھەلبەت ھێشتا ئەڤ پڕۆژێ جادا (۱۲۰) مەتری ب دوماھیک نەھاتبوو سەرۆکێ حکومەتێ پڕۆژەیا بەرنیاس ب جۆت سایدا (۱٥۰) مەتری کو ھەم دیسان ب شێوەیەکێ بازنەیی لێ بەرفرەھتر لدۆر ھەولێرێ دزڤریت ڕاگەھاند . ئەڤەژی دبیتە خزمەتەکێ مەزن و بۆ ھاولاتیان و سیمایێ پایتەخێ ھەرێمێ دێ جوانتر بیت . 
 ل بانگەشەیا ھەلبژاردنێن بوری (ئازاد بەرواری ) ئەندامێ مەکتەبا سیاسیا پارتی راگەھاند : ئەگەرێ پێشکەفتنا ھەولێرێ بۆ ھندێ دزڤڕیت کو ل ڕێژەیا ئەو بودجەیا بۆ ھەولێرێ ھاتیە تەرخانکرن (۸۰ ٪ ) ژێ ھاتیە مەزاختن و خزمەتگوزاری پێ ھاتینە ئەنجامدان . لێ ل پارێزگەھا سلێمانیێ ئەو بودجەیا بۆ ھاتیە تەرخانکرن تنێ (۲۰ ٪ ) ژێ ھاتیە مەزاختن و (۸۰ ٪)  دیارنینە .ھەلبەت ھەر کەسەکێ خودان ویژدان بیت ئەڤان راستیان دبینیت کو ھەر دەڤەرەک حکومەتا خۆجێییا وێ لژێر دەستێ پارتی بیت حزمەتەکا باشتر بۆ ھاتیەکرن ئەگەر بەراورد بکەین دگەل دڤەرێن دی .ب دیتنا مە ل پێشەڕۆژەکا نێزیک مێژوو نڤیسێن خودان ویژدان دێ بڤی ڕەنگی بەحسێ سەرۆکێ حکومەتا ھەرێمێ رێزدار نێچیرڤان بارزانی دناڤ بەرپەڕێن مێژویێ تۆمارکەن :

ـ نێچیرڤان بارزانی ئەو سەرۆک بوو کو شیا حکومەتەکێ لسەر پێت خۆ رابگریت ،سەرەڕای بڕینا بودجێ ژلایێ حکومەتا عیراقێ ڤە .
ـ ئەو سەرۆک وەزیران بوو یێ سەرەڕای ھەبونا شەڕەکێ مەزن دگەل دەولەتا ئیسلامیا داعشێ حکومەتا وی بوو پەناگەھەک بۆ ڤەحەواندنا زێدەتر ژ دوو ملیۆن ئاوارە و پەنابەران .
ـ ئەو سەرۆک وەزیران بوو کو شیا پتریا کچ و ژنێن کوردێن ئێزدیێن ژێر دەستێ داعشێ ب رێێکێن جودا جودا رزگار بکەت . 
ـ ئەو سەرۆک وەزیران بوو کو ئەو ھەمی قەیرانێن ئێک لدویڤ ئێک نەشیان کاروانێ سەرکەفتن و ئاڤەدانیا حکومەتا وی ڕابگرن . 
ـ ئەو سەرۆک وەزیران بوو یێ ھەرێما کوردستانێ گەھاندە سەر نەخشەیا وزەیا ئابوریا جیھانێ و کوردستان کرە ھێزەکا مەزن د ئابوریێدا. 
ـ ئەو سەرۆک وەزیران بوو یێ بوێرانە سەربەخۆییا ئابوری ڕاگەھاند. ئەو نەفتا بەری ھنگی کورد پێ دھاتە لاوازکرن ؛ نھا پێ دژین .
ـ نێچیرڤان بارزانی دەولەتمەدارێ سەرکەفتنێ یە بسەر ئاستەنگان .





ئەم هەواڵە 922جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad