English | عربی | Kurdî دواهەواڵ
ڕاستەوخۆ  
 
بڕیارە ساڵی داهاتوو بەشەخۆراکی مانگانە گۆڕانكاری بەسەر دابێت
2018-11-27 [05:24 AM]

​ZNA - هەولێر


بەرپرسێکی پەیوەندار بە دابەشکردنی خۆراک چەند زانیاریەک لە بارەی دەستکاریکردنی خۆراکی مانگانە ئاشکرا دەکات و دەڵێت، بڕیارە لە ساڵی داهاتوو کوالێتی خۆراکەکان باشتر بکرێن و ماددەکانیش زیادبکرێن.

نەوزاد ئەدھەم  بەڕێوەبەری گشتی بازرگانی لە وەزارەتی بازرگانی و پیشەسازیی حکوومەتی ھەرێمی کوردستان، بە باسی راگەیاند: وەزارەتی بازرگانی عێراق بڕیاریداوە بەشەخۆراک دەستکاری بکرێت، گوتی:" وەزیری بازرگانی عێراق بڕیاریداوە پارە دابین بکرێت بۆ باشترکردن و زیادکردنی بەشەخۆراکی مانگانە".

ئەو روونیشی کردەوە، لیژنە پێکهێندراوە بۆ ئەوەی لە بڕی 6 مانگ بودجەی ساڵێک بۆ دابینکردنی خۆراک هەبێت هەروەها " بڕیار هەیە بۆ ئەوەی لە ساڵی داهاتوو کوالێتی جۆری خۆراکەکان باشتر بکرێن و ماددەکانیش زیادبکرێن".

نەوزاد، ئاماژەی بەوەشدا قانونێک هەیە لە پەرلەمانی عێراق، ئەگەر دەربکرێت زۆرکێشەی بەشەخۆراکی مانگانە چارەسەر دەبێت، گوتیشی:" وەزیری تازەی بازرگانی عێراق دەیەوێت لە رێگەی دەرکردنی ئەو یاسایە پێداچوونەوە بە خۆراکی مانگانە بکرێت و رێنماییی تازە دەربکرێت بۆ باشترکردنی خۆراک و ئێمەش پێشووتر پێشنیارمان بۆ ئەو بابەتە ناردووە کە بڕی خۆراکەکان باش بکرێن و جۆرەکانیشیان زیادبکرێن دەشڵێت:"50%ی ئەوانەی بەشەخۆراک وەردەگرن دەیفرۆشنەوە، خۆراکەکە بەهای نەماوە، ئەگەر باشتر بکرێت و مانگانە بدرێت ئەوە بەهای بۆ دەگەرێتەوە و خەڵکێکی زیاتر سودی لێوەردەگرن".

بەرپرسەکەی بازرگانی گوتیشی، سالی 2013 4  تریلیۆن دینار تەرخان دەکرا بۆ بەشەخۆراک، ئێستا بۆتە تریلیۆنێک و 700 ملیار دینار،

بە بڕیاری986ی نەتەوە یەکگرتووەکان لە ساڵی 1997 وە لە رێگەی بریکارەکان مانگانە خۆراك دابەشی سەر هاوڵاتیان دەکرێت.

سەرەتا بەشە خۆراکی مانگانە 14 ماددە بوو بەڵام ئێستا بۆتە 4 ماددەی خۆراک کەبریتین لە برنج و ئارد و رون و شەکر.

 





ئەم هەواڵە 6529جار خوێندراوەتەوە
 
 
ڤیدیۆ گەلەری
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad