English | عربی | Kurdî دواهەواڵ
ڕاستەوخۆ  
 
لەم شارەی کوردستان.... سەرۆکی باندێکی فێڵکردن دەستگیرکرا
2018-11-27 [07:16 AM]

ZNA-هەولێر


 

پۆلیسی سلێمانی باندێکی فێڵکردن و دزینی پارە دەستگیر دەکەن کە هەزارەها دۆلاریان لە هاووڵاتیان بە فێڵ وەرگرتووە و دواتر لە قوماردا دۆڕاندوویانە.

له‌راگه‌یاندراوێكدا، به‌ڕێوه‌به‌رایه‌تى پۆلیسی پارێزگای سلێمانى ڕایده‌گه‌ێنێت ،  به‌رده‌وامن به‌دوای ئه‌و كه‌سانه‌ى فەرمانی دەستگیرکردنیان هەیە  ، هێزەکانمان توانیویانه‌ سەرۆکی باندێکی فێڵکردن له‌هاوڵاتیان دەستگیر بكه‌ن.

ڕاشیده‌گه‌یه‌نن ، تۆمەتبار (ب. ح. ا) دانیشتوی قەزایەکی سەر بەشاری سلێمانیەو چەن جارێک فەرمانی دەستگیرکردنی بۆ دەرچوە لەسەر ئەوەی بەچەند فێڵێکی جیاجیا دەستی خاوەنکارو بەڵێندەرەکانی بڕیوە لەبواری کڕینی نەوت و سوتەمەنی و خۆراک ، وە بەبڕی جیاواز پارەی ئەو خاوەنکارو بەڵێندەرانەی خواردوە کەهەرجارێک کەمتر نەبوە لە ۳۰ - ٥۰ هەزار دۆلار، خۆی وەک سەرۆکی باندەکە کاری کردوەو چەند تۆمەتبارێکی لەدەور بون کە کاریان بۆ کردوە، وە لە پێشتردا توانراوە باندەکەی کە لە ٦ شەش تۆمەتبار پێکهاتبوو دەستگیر بکرێن، کە بۆ وەرگرتنی پارەو حەواڵەکان پێناسی تەزویرو ناوی جیاجیایان بەکارهێناوە.

پۆلیسى سلێمانى ڕاشیده‌گه‌ێنێت ، جێی ئاماژەیە تۆمەتباری ناوبراو زیاتر لە ۳۰ فەرمانی دەستگیرکردنی هەبوەو خۆی لەهێزەکانی پۆلیس شاردبۆوە، بۆیە بەڕێوەبەری پۆلیسی پارێزگای سلێمانی بنکەی پۆلیسی سەرچنارو کوردسات و نەهێشتنی تاوانی بەکرەجۆی ڕاسپارد هەستن بە کۆکردنەوەی زانیاری وردو بەدواداچون بۆ تۆمەتباری ناوبراو، وە توانرا لە بەرواری ۲۳ - ۱۱ - ۲۰۱۸ لەسنوری قەزای دوکان دەستگیربکرێ لەگەڵ برایەکیدا بەناوی (ن. ح. ا) کە ئەویش فەرمانی دەستگیرکردنی هەبووە.

له‌كۆتادا پۆلیس ئاماژەی بەوەش کردوە، هەردوو تۆمەتبار بە فەرمانی دادوەر بەندن، شایەنی باسە لە زۆربەی بنکەو بەشەکانی پۆلیسی سلێمانی فەرمانی دەستگیرکردنی هەبوە بە شارەکانی تری هەرێمی کوردستانەوە، وە بەوتەی تۆمەتباری لای سەرەوە سەرجەم ئەو پارانەی لە قومارکردندا دۆڕاندوە، کە مەزەندەی دەکات بە زیاتر لە ۱٥۰ هەزار دۆلار.





ئەم هەواڵە 4207جار خوێندراوەتەوە
 
 
ڤیدیۆ گەلەری
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad