English | عربی | Kurdî دواهەواڵ
ڕاستەوخۆ  
 
دەستپاکی عێراق: وەزیرێكی پـێشووی بڕیاری زیندانیکردنی بۆ دەرچووە
2018-11-29 [12:22 PM]

ZNA - هه‌ولێر


 

دەزگای دەستپاکی عێراق  ئاشکرایکرد، بە تۆمەتی زیانگەیاندن بە سامانی گشتی و سەرپـێچیکردن لە دوو گرێبەستی وەزارەتەکە، بڕیاری زیندانیکردن بۆ وەزیری بازرگانی پـێشوو و دوو بەڕێوبەری پـێشووی وەزارەتی بازرگانی دەرچووه‌.

 

ئەمڕۆ پـێنجشەممە دەزگای ده‌ستپاكی رایگەیاند، هەرسێ تاوانبار هەڵهاتوون و دادگا بەبێ ئامادەبوونیان بەپـێی ماددەی 340 لە یاساکانی سزادانی عێراق بڕیارەکەی داوە کە هەریەکەیان بۆ حه‌وت ساڵ زیندانی و سەروەت و سامانه‌كانیان ده‌ستی به‌سه‌ردا بگیرێت.

 

بەپـێی دەزگای دەستپاکی بە بەهای 14 ملیۆن و 300 هەزار دۆلار زیانیان بە دەوڵەت گەیاندووە لە ڕێگەی دوو گرێبەستەوە کە یەکێکیان بۆ دابینکردنی برنج بووە.

 

ئاژانسی دەنگ‌وباسی فڕانس پـرێس دەڵێت سەرچاوەیەک لە دەزگای دەستپاکی گوتویەتی وەزیرەکە مەلاس عەبدولکەریم کەسنەزانە، كه‌ له‌ كابینه‌ی حەیدەر عەبادی سەرۆکی وەزیرانی پـێشوو لە کۆتایی ساڵی 2015 لە پـۆستەکەی لایدا و پاشان بەرەو سلێمانی ڕۆیشتبوو و لەوێشەوە بەرەو ئوردن هەڵهاتووە کە لەوێ بنەماڵەکەی کاری بازرگانی دەکەن.

 

جێی ئاماژەیە ئەمە دووەم وەزیری بازرگانی عێراقە بە تاوانی گەندەڵی بڕیاری زیندانیکردنی بۆ دەربچێت. پـێشتر فەلاح ئەلسودانی سەر بە پارتی دەعوە حوکمی 21 ساڵ زیندانی درا. دواتر لەسەر داوای عێراق پـۆلیسی نێودەوڵەتی (ئنتەرپـول) لە مانگی نۆ لە بەیرووت دەسـتگیریکرد و ڕادەستی عێراقی کردەوە.

 

 

voa





ئەم هەواڵە 8929جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad