English | عربی | Kurdî دواهەواڵ
ڕاستەوخۆ  
 
د رۆژگارێن سەخت دا، چۆک نەدانا
2018-11-29 [01:19 AM]

نڤیسینا : زێرەڤان تەمۆ


ئاشکرایە ل سالێن رابوری پارتی ب پشتەڤانیا دلسوز و ئەمەکدار و نیشتیمان پەروەران ب ئیرادەک بھێز لبەرامبەر نەھجێ دەستۆر شکێنێ بەغدا راوەستا، کو ب راستی بنەمایێ تەوافق و شەراکەت و ھەڤسەنگیێ ئالوز و شێلاند و شایستەیێن دارایی و بۆجە و مافێن دەستۆریێن خەلکێ کوردستانێ ھاتبوونە زەبتکرن ، دیارە ژی ب ھاریکاریا دلسوزێن مللەتی و ب خوراگریا پێشمەرگێن قارەمان و ب خوینا ھزاران شەھیدان ، سەرکردایەتیا پارتی دیموکراتی کوردستان شەرێ پاراستنا کوردستانێ کر و ئەفسانەیا داعش تێکشکاند و ل ھەرێمێ بنەمایێن سەربخۆیا ئابۆری رووبرووی شەرێ برسیکرنێ بوو، زێدەباری دابەزینا بھایێ پترولێ و ھاتنا پێلێن ئاواران و مەزختیێن بەرەیێ ھزار کیلومەتری یێ شەرێ داعش ، حکومەتێ کاری کارەکێ وەھا بکەت کو کوردستان خوە ل بەر سیاسەتا نانبرینێ بگریت و نەشکێت .
ژڤی ئالی رول و بزاڤێن رێزدار نێچیرڤان بارزانی سەروکێ حکومەتا ھەرێما کوردستانێ و تەسلیم نەبوونا وی لسەر ڤان بن پێکاریێن مروڤایەتی نەراوەستا تاکو لسالا ٢٠١٥ سەربخووبوونا ئابۆری و سەرخوبوونا فرووتنا پترولێ راگەھاندی ب دیتنا من گەر ئەڤ گاڤ و دەست پێشخەریە نەھاتبا ھەلاندن و پترول بەردەوام ھاتبا رادەستکرن بۆ بەغدا ل وی دەمی و دوان دەلیفەیێن سەخت و دوژوار دا ئەو نیف مووچەیێ دھاتنە دان ژی بۆ فەرمانبەر و ھەڤوەلاتیێن مە ئەو ژی نەدما وی دەمی دا ھەرێما کوردستانێ کەڤیتە دناڤ کارەساتەکا مروڤی دا .
خویایە لڤان چەند سالێن پری قەیران پارتی دیموکراتی کوردستان سەرباری ھەموو ئاستەنگ و گرفتان ، وەکو ساخلەتا وێ یا بەردەوام ملێ خۆ دا بەر بەرپرسیاریێ و رووبرووی قەیرانان بوو و ب ھەموو شیانێن خۆ ئەرکێ خۆ دحکومەتێ دا برێڤەبر و بەرگریا رۆژگارێن سەخت کر و چوک نەدانا.
پارتی شیا ب رێبەریا سەروک بارزانی بۆ جارا ئێکێ د دیروکێ دا د ریفراندۆمەکا سەرانسەری دا ھەموو گەلێ کوردستانێ لسەر ئێک ئامانج کۆمفە بکەت سەرباری ھەرەشە و رێگریان کاری بریار و خاستا سەربخویا کوردی سەربێخیت ، پشتی سەرکەفتنا ریفراندومێ ژی شیا کوردستانێ ژ ھێرشێن سەربازی و سیاسی و ئابوری ب پارێزیت .
ددەمەکی دا کو لەشکرکێشی بەرەف کوردستانێ دھات پارتی ب گیانێ عەزیزێن خۆ بەرگری ژ شەرەف و شکۆیا کورد و کوردستانێ کر، و خەونا وانا ژناڤبر کو دڤیا ب چاڤشۆریا خاکفروشان کوردستانێ داگیربکەن و داویێ ب قەوارێ وێ یێ سیاسی بینن .
د وەختەکێ پیڤانەیی دا شیا ھاڤکێشا دژی کوردستانێ ب قازانجا کوردستانێ ڤاژی بکەت ھەروەھا دۆرپێج و سزایان ھەلوەشینیت ھەڤدەم تێکەلیێن کوردستانێ لگەل جیھانێ گرێدەتەڤە وەکو ل سالا ٢٠١٧ کو ھەڤدەمی بوون لگەل پشتی ریدانێن شانزدەی ئوکتوبەرێ کو ئاشکرایە مەترسی لسەر قەوارێ ھەرێمێ ھەبوو لێ رێزدار نێچیرڤان بارزانی ل کونگرا سانپتروسبۆرگ مەزنترین رێکەفتن دگەل کومپانیا رۆزنەفت یاروسی لدۆر کەرتێ غازا سروشتی ئیمزاکر و دگەلدا ژی کاری دورپێج و سزایێن لسەر ھەرێمێ ھەلوەشینیت و تێکەلیێن لگەل کوردستانێ و جیھانێ گرێدەتەڤە و ب دیبلوماسیەت و حیکمەتا سیاسی پێگەە و ئیعتبارێ ل دەڤەرێ و جیھانێ بۆ کوردستانێ ڤەگەرێنیت.
خویایە ل ١٩ / ١١ /٢٠١٨  ل ھەولێرا پایتەخت یادا دەهـ سالیا بەرھەم ئینانا گازێ بریڤەچوو کو ب راستی ژی گاڤا بەرھەم ئینانا گازێ ل ھەرێما کوردستانێ رولەکێ بەرچاڤ گێرایە ل موکمکرنا پەیوەندیان دگەل ولاتان و گرێدانا گرێبەستان دگەل مەزنە کومپانیێن بەرھەم ئینانا گازێ مینا کومپانیێن روسی و ئەمریکی ، ڤێ ئێکێ ژی رۆلێ خۆ ھەبوویە ل ڤەژاندن و پێشخستنا کوردستانێ د ھەموو وار و سەکتەراندا بەراورد دگەل ناڤەراست و باشوورێ عیراقێ و رۆژ بۆ رۆژێ ژێ پلان و گاڤ ئەون کو ھەمی دەردەسەری و بەخت رەشیێن ددەرحەقا گەلێ کوردا ھاتین ببنە خێر و بەختەک سپی و خوشی و ئارامی و ئاڤەدانکرنا ولاتی.





ئەم هەواڵە 6058جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad