English | عربی | Kurdî دواهەواڵ
ڕاستەوخۆ  
 
كۆتایا جێنده‌رى!
2018-11-29 [01:59 AM]

نڤیسینا : شێرزاد نایف


چونكو ده‌روونا مرۆڤان بیریا مه‌زلۆمه‌یه‌تا خوه‌ دكه‌ت، ده‌ما ئه‌و دبیته‌ كه‌سێ زال، ب زه‌حمه‌ت زولمێ و توندیێ بكه‌ت، ملله‌ته‌ك ژ خوینێ هه‌ستى و خوهێ هاتیه‌ ئاڤاكرن، هنده‌ توندوتیژى لێ هاتیه‌ كرن نه‌گه‌هشتیه‌ هزرا خوه‌ بكه‌ت د ده‌وله‌تبوونێ دا، به‌لێ پشتى قورچه‌كا ئازادیێ ب باشترین سه‌ره‌درى حوكمه‌ته‌ك هاتیه‌ دروستكرن، ئه‌ڤرۆ و سه‌ره‌راى ڤان هه‌مى كاودانێن نه‌خۆش یا ته‌حه‌دایا جیهانێ دكه‌ت د بیاڤێ شارستانى و دیمۆكراسیێ و مافێ مرۆڤى، ئه‌ڤ گۆتنه‌ نه‌ ژ ڤالاهیێ یه‌ به‌لكو گرۆڤه‌ ژى ئه‌م بخوه‌ یێن دبینین د بیاڤێ ئازادیا ژنێ و مافێ وێ دا، گه‌هشتیه‌ وى ڕاده‌ى كو پشت ل كۆتایا ژنێ هاتیه‌ شكاندن، چه‌ندین جاران ژنان ب خوه‌ هه‌وێن راستڤه‌كرنا سیسته‌مێن كۆتایێ ئه‌نجامداینه‌ و كه‌سێ ژى رێ لێ نه‌گرتیه‌، تایبه‌ت ژى د ناڤ ده‌سهه‌لاتا جێبه‌جێكار دا، ب رێژه‌یا 25% ئه‌ڤ خانمێن ئه‌و ماف ده‌سته‌به‌ر كرین ژى هه‌ر ژ هه‌مان حزبا ده‌ستهه‌لاتداره‌ یا پارتى دیمۆكراتى كوردستان و ب په‌سنینه‌، دا كو ئه‌و ژى پتر رۆلێ خوه‌ د ناڤ پێكهاته‌یا حوكمه‌تێ دا ببینن، وه‌كو ژى دبیاڤێ جڤاكى دا ژى ئه‌ڤه‌ چه‌ندین ژن و ب تایبه‌ت ژى ل پارێزگه‌ها دهۆكێ بێى كۆتا گه‌هشتینه‌ گۆوپتكا په‌رله‌مانى و هه‌روه‌سا ژى سه‌رۆكاتیا پۆستێن هه‌ستیار ژى كرینه‌ و سه‌ركێشیا زه‌لامان كریه‌، به‌رى چه‌ند رۆژه‌كان ژى مینا نێچیرڤان بارزانى سه‌رۆكێ حوكمه‌تا هه‌رێمێ ژى ئاماژه‌ پێ دای وئێدى ژن پترى زه‌لامى یا ل سه‌ر هه‌موو كاروبارێن ژیانێ زاله‌ زێده‌بارى برێڤه‌برنا مالێ و خوه‌دانكرنا زارۆیان، ئه‌ڤه‌ چه‌ندین خولێن ئه‌فسه‌رێن سه‌ربازى و پۆلیسان ده‌رچوون هه‌مى ژى كچێن ڤى وه‌لاتینه‌ ژ خوشك و دایك و هه‌ڤژینان، و سلاڤا له‌شكرى ژى لێ دهێته‌ كرن ل ده‌مه‌كێ كو ل عیراقێ نه‌دبوو سلاڤا له‌شكرى بۆ ژنێ بهێته‌ كرن ژ بلى (ئیستیعدادا) سه‌ربازى بیێ ده‌ست بلندكرن بۆ ئه‌نیێ! ئه‌و دیوار هه‌موو هاتنه‌ شكاندن و توندى ب توندى هاته‌ ژێبرن، ب دیتنا من باوه‌رناكه‌م هنده‌ حوكمه‌ته‌كێ ل جیهانێ ئه‌و رۆلێ ل كوردستانێ هه‌یى دابیته‌ ژنێ، ب به‌راوردى ل گه‌ل حوكمه‌تا عیراقێ و په‌یڤینا كاك نێچیرڤان بارزانى ل دۆر مه‌هربرینا هه‌ڤژینانێ كو ل هه‌رێمێ هه‌مى ماف دایێ كچێ كو ب ره‌زامه‌ندیا خوه‌ شوو بكه‌ت، ئه‌و ل عیراقێ یا پاشڤه‌مایه‌، ب گرۆڤه‌یا هه‌ڤاله‌كى دنیاسم بۆ مه‌هره‌برینه‌كا وه‌سا قه‌ستا ده‌ڤه‌ره‌كا سه‌رب حوكمه‌تا عیراقێ ڤه‌یه‌ كر، چونكو ل هه‌رێمێ ئه‌و مافێ كچێ هه‌یى ل عیراقێ نینه‌، ئه‌گه‌ر بچینه‌ د ناڤ فه‌لسه‌فه‌یا وێ گرنگیدانا ژى دا، كو چه‌ندى ملله‌تێ كورد ده‌روونه‌ك دلۆڤانه‌ و ده‌رده‌سه‌رى دیتینه‌، هنده‌ گرێدایى عه‌تفا دایكێ بوویه‌ و دایك بۆ خوه‌ كرینه‌ لێڤه‌گه‌ر و جهێ شانازیێ، ئه‌ڤجا هه‌كه‌ كه‌سه‌ك بێژیت ل هه‌رێما كوردستانێ ژن یا ته‌په‌سه‌ره‌ یان مافێ ژنێ پێ نه‌هاتیه‌ دان، بلا بهێته‌ سه‌ره‌دانا سازیێن هه‌رێمێ بكه‌ت و ببینیت هه‌كه‌ نه‌ مینا دبێژن دێ به‌ر لێ بارن!!.





ئەم هەواڵە 2581جار خوێندراوەتەوە
 
 
ڤیدیۆ گەلەری
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad