English | عربی | Kurdî دواهەواڵ
ڕاستەوخۆ  
 
شاندێکی وەزارەتی دەرەوەی سوید سەردانی فراکسیۆنی پارتی دیموکراتی کوردستانیان لە پەرلەمانی کوردستان کرد
2018-11-29 [04:00 AM]

ZNA - هەولێر



بەمەبەستی ئاگاداربوون لە بارودۆخی سیاسی وئابووری و شەڕی تیرۆر شاندێکی وەزارەتی دەرەوەی سوید سەردانی فراکسیۆنی پارتی دیموکراتی کوردستانیان لە پەرلەمانی کوردستان کرد.
 ئەمڕۆ پێنج شەممەرێکەوتی ٢٩/١١/٢٠١٨ ھێمن ھەورامی سەرۆکی فراکسیۆن پارتی دیموکراتی کوردستان بە ئامادەبوونی ژمارەیەک لە ئەندامانی فراکسیۆن پێشوازیی لە ئەن مێڤ جێگری سەرۆکی بەشی رۆژھەڵاتی ناوەڕاست باکوری ئەفریقیا و خاتوو کاترێنە لە دسکی عێراق لە وەزرەتی دەرەوەی سوید و شاندی یاوەرییان کرد.
لە دیدارێکدا ھێمن ھەورامی سەرۆکی فراکسیۆنی پارتی دیموکراتی کوردستان وێرای بەخێرھێنانی شاندی میوان پوختەیەک لەبارودۆخی سیاسی و ئابووری و شەڕی تیرۆر و پەیوەندیەکانی نێوان ھەرێمی کوردستان وحکومەتی عێراق شیکردوە.
سەبارەت بە دۆخی سیاسی ھەرێمی کوردستان ھێمن ھەورامی رایگەیاند: لە ئێستادا پارتی دیموکراتی کوردستان وەک براوەی یەکەمی ھەڵبژاردنی پەرلەمانی کوردستان دەستی کردوە بە گفتوگۆ لەگەڵ لایەنەکان بەمەبەستی پێکھێنانی دەستەی سەرۆکایەتی پەرلەمان و کابینەی حکومەتی ھەرێمی کوردستان و بەشداری لایەنەکان  بەتایبەتی پێدانی  رۆلی زیاتر پێکھاتەکان  وەک تورکمان کریستیانەکان لە پەرلەمان و لە کابینەی داھاتووی حکومەتی ھەرێمی کوردستان .
دەبارەی پەیوەندیەکانی نێوان ھەولێرو بەغدا : ھێمن ھەورامی گوتی لە ئێستادا پەیوەندیەکانمان بەرەوە پێش چووە و کورد دەیەوێت ھاوبەشیەکی سەرەکی بێت لە حکومڕانی عێراق ھەروەھا جێ بەجێکردنی بڕِگە و ماددەکانی دەستووری عێراق بە تایبەتی ماددەی ١٤٠ وبابەتی بوودجە و پێشمەرگە وچاکردنی دۆخی ئێستای کەرکوک و دەوروبەری.
لەکۆتایی کۆبوونەوەکەدا شاندی وەزارەتی دەرەوەی سوید خۆشحالی خۆی دەربڕی بەم سەردانە و ھیوای خواست پەیوەندییەکانیان بەردەوام بێت ھیوای سەرکەوتن بۆ تەواوی خەڵکی کوردستان دەربڕی.





ئەم هەواڵە 4927جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad