English | عربی | Kurdî دواهەواڵ
ڕاستەوخۆ  
 
٢٣ توشبووی ئایدز لە ھەرێمی کوردستان رەوانەی وڵاتەکانیان کراونەتەوە
2018-12-01 [11:15 AM]

ZNA-ھەولێر


بە گوێرەی ئاماری وەزارەتی تەندروستی ئەمساڵ ٦ حاڵەتی ئایدز لە ھەرێمی کوردستان تۆمار کراوە و ٢٣ کەسی بیانیش بەھۆی ئایدزەوە رەوانەی وڵاتەکانیان کراونەتەوە.

دکتۆر خاڵس قادر، وتەبێژی وەزارەتی تەندروستی ھەرێمی کوردستان راگەیاند: "حاڵەتەکانی توشبوو لە ھەرێمی کوردستان بەراورد بە وڵاتانی دیکە زۆر کەمە، لە ساڵی ٢٠١٨ لە ھەرێمی کوردستان ٦ حاڵەتی ئایدز تۆمارکراوە، بەمەش کۆی حاڵەتەکانی ئایدز کە لە ساڵی ھەشتاکانی سەدەی رابردووەوە تائێستا گەیشتووەتە ٣٢ حاڵەت، کە ژمارەیەکی زۆر کەمە".

ئەوەشی خستەڕوو: "کەمبوونی ژمارەی توشبووان بە ئایدز لە ھەرێمی کوردستان دەرئەنجامی ئەو ھەوڵانەیە کە ھەیە و خۆشبەختانە توانراوە نەخۆشییەکە لەو ئاستە نزمە رابگیرێت".

وتەبێژی وەزارەتی تەندروستی ئاشکراشی کرد: "لە ئەمساڵدا ٢٣ حاڵەتی ئایدز ھەبووە کە خەڵکی بیانی بوونە لە دوای پشکنین رەوانەی وڵاتانی خۆیان کراونەتەوە".

راشیگەیاند: "ئێستا لە ھەموو شارەکانی کوردستان ئامێری پشکنینی ڤایرۆسی ئایدز ھەیە، بۆ ئەوەی لە ھەر ناوچەیەک حاڵەت ھەبێت ئاشکرا بکرێت".

K24





ئەم هەواڵە 8740جار خوێندراوەتەوە
 
 
ڤیدیۆ گەلەری
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad