 |
|
|||
ZNA – هەولێر گوتەبێژی هێزەكانی روسیا لە سوریا ئاشكرای كرد، سوپای سوریا لە ئۆپەراسیۆنێكدا سەدان چەكداری داعشیان كوشتوە و دەستیان بەسەر چەندین جۆر چەكی ئەو چەكدارانە دا گرتووە كە لەنێوانیان دژە موشەكی تێدایە. ئەمڕۆ دووشەممە گوتەبێژی هێزەكانی روسیا لە سوریا، ئۆلیگ ماكاریفیك لە سووریا رایگەیاند: "سوپای سوریا لە ئۆپەراسیۆنێکدا 270 چەكداری داعشیان كوشتوە و بڕێکی زۆریش لە چەکی بیانی وەك مین وموشەكی دژە تانكی جۆری ( تاو) كەچەكەكان ئەمەریكین دەستیان بەسەردا گیرا". سوپای سوریاش رایگەیاند: گورزێكی كوشندەمان لەداعش داوە و رێگەی گەیاندنی چەك و تەقەمەنی و هاوكاریەكانمان لێبریون. هەروەها دوێنێ یەکشەممە 02/12/2018، میدیاکانی سەر بە حکومەتی سووریا بڵاویانکردەوە کە هێزەکانی هاوپەیمانان هێرشیان کردۆتە سەر سوپای سووریا و زیانی ماددیان بە سوپا گەیاندووە. بەڵام هێزەکانی هاوپەیمانان رەتییان کردەوە هێرشیان کردبێتە سەر سوپای سووریا بەڵکو دەڵێن ئامانجیان کوشتنی سەرکردەیەکی داعش بووە. و/جەنگاوەر س/سپوتنیك ئەم هەواڵە 658جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad