English | عربی | Kurdî دواهەواڵ
ڕاستەوخۆ  
 
بەرپرسێك زانیاری لەسەر سێ مووچەكەی ئەمساڵی فەرمانبەران ئاشكرا دەكات
2018-12-04 [06:19 AM]

​ZNA – هەولێر


سەبارت بە چارەنوسی مووچەی سێ مانگی كۆتایی ئەمساڵ بەرپرسێكی فەرمانبەران و وەزارەتی دارایی روونكردنەوە و زانیاری تازە ئاشكرا دەكات.

یوسف عوسمان، سەرۆكی یەكێتی فەرمانبەرانی كوردستان بە باسی راگەیاند: لە وەزارەتی دارایی زانیاری وەرگرتووە تاوەكو ئێستا بە نوسراو بڕیار لەسەر سێ مووچەكەی ئەمساڵ نەدراوە، " ئەوەی كە لە وەزارەتی دارایی پێمان گەیشتووە ئەوەیە یان ئەو سێ مووچەیە لە ساڵی 2019 بەردەوامی پێ دەدرێت یان پاشەكەوت دەكرێت، بەڵام وەزیری دارایی هیچ بڕیارێكی لەسەر نەداوەو چاوەڕوان دەكرێت بڕیارەكە نزیك بوبێتەوە".

یوسف روونی كردەوە،  ئەوەی دەگوترێت و باس دەكرێت لەسەر ئەو سێ مووچەیە هیچی شتێكی فەرمی و نوسراو نیە، "ئەوەی وەكو زانیاری هەیە مووچەی ئەو سێ مانگە لە ساڵی 2019 درێژەی پێ دەدرێت راستە 31ی 12 حیساباتی ساڵانە دەوەستێت بەڵام باوەڕناكەم بودجە لەسەرەتای ساڵەوە كاری پێ بكرێت بەڵكو دوادەكەوێت".

ئەو گوتیشی، " ئەگەر پاشەكەوت هەڵنەگیرێت تاوەكو مانگی 4ی 2019 مووچە وەكو خۆی بەردەوامی پێ دەدرێت، ئەگەریش ئەو سێ مووچەیە پاشەكەوت بكرێت ئەوە لە 1ی 1ی 2019 وە پاشەكەوت هەڵدەگیرێت".

یوسف عوسمان، بە دووری دەزانێت لەگەڵ مووچەی مانگی 9 ئەمساڵ مووچەیەكی تر بدرێتە فەرمانبەران، گوتیشی:"كاتەكە بەش ناكات و حكوومەتیش بڕیاری نەداوە دوو مووچە بەیەكەوە دابەش بكات چونكە پارەكە زۆرە".

 





ئەم هەواڵە 9289جار خوێندراوەتەوە
 
 
ڤیدیۆ گەلەری
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad