English | عربی | Kurdî دواهەواڵ
ڕاستەوخۆ  
 
هەر بریكارێك غاز گران بفرۆشێت سزای دەدرێت
2018-12-04 [06:31 AM]

ZNA – هەولێر


بەڕێوەبەری كارگەی غازی هەولێر  ئاشكرای دەكات رێگەنادەن غاز لەسەر هاوڵاتیان گران بكرێت و بەهۆی گرانفرشیەوەش چەند بریكارێك سزا دراون و هەندێكیشیان بریكاریان لێوەرگیراوەتەوە .

بەپێی هەندێك زانیاری لە هەندێك شوێنی هەولێر بریكارەكانی دابەشكردنی غاز گرانتر لە نرخی فەرمی خۆی غاز دەفرۆشنەوە، بە جۆرێك لە بڕی 7 هەزار و 500 دینار، 10 هەزار دینار وەردەگرن.

بەختیار پشدەری ،بەڕێوەبەری كارگەی غازی هەولێر بە باسی راگەیاند: " وەرزی سەرمایە، وەرزی بەكارهێنانی غازە، ئێستا كیَڵگەكانی پەلەوەر كاردەكەن و غاز بەكاردەهێنن بۆیە خواست لەسەر غاز زیادی كردووە".

بەختیار گوتیشی:" بەهۆی زیاد بوونی خواستەوە هەندێك بریكار غاز گرانتر دەفرۆشن، بۆ نمونە بریكاری غاز هەیە بۆ ئەوەی شتێكی زیاتر قازانج بكات لەگەڵ خاوەنی كێڵگەیەكی بەخێوكردنی پەلەوەر رێكدەكەوێت و غازەكەی پێ دەفرۆشێت، بەڵام بۆ هاوڵاتی یەك دینار زیاتر رێگەی پێ نادرێت گرانتر بفرۆشرێت".

بەڕێوەبەرەكەی كارگەی غاز روننی كردەوە، لەسەر تاسەری هەولێر بوتڵێك غاز بە 7 هەزار و500  دینارە و یەك دینار گرانتر بفرۆشرێت بریكار سزا دەدرێ".

جەختی كردەوە ئەگەر ئەو بریكارانەی ئەوان مۆڵەتیان پێداون گرانتر غاز بفرۆشن سزا دەدرێن، گوتیشی:" ئەوەی بریكاری ئێمە بێت ئەوە ئیجراتی بەرامبەر دەكەین، بەڵام هەندێك كەسی تر كاری فرۆشتنی غاز دەكەن وەكو بازاڕی ئازاد ئێمە لێیان بەرپرسیار نین".

ئەو دەشڵێت: بەهۆی گرانفرۆشی چەندين بریكاری غازیان سزاداوە" نەوەكو تەنها سزادان بەڵكو بەهۆی گرانفرۆشی بریكاریمان لە چەندین غازفرۆش وەرگرتۆتەوە و دەرمان كردوون، چونكە بریكار پابەندە بوتڵی غاز بە 7 هەزار و 500 دینار بگەیەنێتە دەستی هاوڵاتیان.

دووپاتی كردەوە هەولێر رۆژانە پێویستی بە 350 تەن غاز هەیە، ئێستا 200 تەنی بە نرخی پشتگیریكراوی حكوومی و زیاتر لە 100 تەنی تریش بە شێوەی بازرگانی دابین دەكرێت.





ئەم هەواڵە 5305جار خوێندراوەتەوە
 
 
ڤیدیۆ گەلەری
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad