English | عربی | Kurdî دواهەواڵ
ڕاستەوخۆ  
 
گوھارتنا رەوشا ھەرێمێ و پێنگاڤێن سەرۆک وەزیران
2018-12-05 [12:49 PM]

نڤیسینا : رێژین نھێلی


سەرەدانا سەروک بارزانی ئەوا ل روژا پێنج شەمبیا ٢٢ی١١ ی ٢٠١٨ ب ھەڤالبەندیا شاندەکێ سەرکردایەتیا پارتی دیموکراتی کوردستان پێکھاتی و بەرەف بەغدا ب رێکەفتین و ل فروکخانا نێڤ دەولەتیا بەغدا ژلایێ بەرپرسێن عیراقێ پێشوازیەکا باش ژلایێ ، محەمەد حەلبوسی سەروکێ پەرلەمانێ عیراقێ و ھادی العامری سەروکێ تەحالوفا فەتح و ژمارەیەک ژ وەزیرو بەرپرسێن سیاسی و ئیداری و ئەمنی یێن عیراقێ ، ئەڤ سەرەدانا جەنابێ سەروک بارزانی پشتی سالەکا تەمام ژ تێکچونا پەیوەندیێن ھەولێر و بەغدا ھات و پشتی رویدانا ١٦ی ئوکتوبەرا ٢٠١٧ێ ئەوێن ل کەركوکێ و ھندناڤەیان ھاتینە کرن و ژبەروێ بارودوخێ ھەرێمێ گەلەک تێکچوو و پەیوەندیێن ھەرێم و بەغدا ھاتنە بڕین و وەکی ئاشکەرا زوور بەربەست حکومەتا بەغدا ئێخستنە سەر حکومەتا ھەرێما کوردستانێ ژ روویێ بودجە و موچەو گرتنا رێک و بەندەر و ھێلێن نەفتێ .. لێ سیاسەتا ئاشتیخوازانە یا جەنابی سەروکێ حکومەتا ھەرێما کوردستانێ رێزدار نێچیرڤان بارزانی شیا ب پێنگاڤێن خوەیێن ھشیارانە و ئاشتیخوازی دانوستاندنەکا تەندروست بکەت و بارودخێ ھەرێمێ راگرت و نەھێلیت بەرەف ئاقارەکێ ئالووزتر بچیت و پەیوەندی ئاسایی کرنەڤە و ژلایەکی دیتر و بەردەوامیا جەنابی سەرۆک بارزانی پشتی سالەکا تەمام ژ ھەمووو وان روویدانێن ژلایێ بەغدا کەفتینە درێکا ھەرێمێ دا ژ نێزیک دگەل بەرپرسێن بەغدا روینشت و وەکی دیار ژی کو دڤێ سەرەدانێ دا عادل عەبدوالمەھدی زوور پەسنا رولێ جەنابێ سەروکی د خەبات و شورەشگێریا وی دا کریە و ھەروەسا ئاماژە ب مێژوویا خەباتا ھەڤبەش یا ھەردوولا کریە و پەیوەندیێن خوە و سەروک بارزانی ژبلی سیاسەتێ وەک پەیوەندیەکا دوست و برایانە وەسفکریە ، پشتی جەنابێ سەروک بارزانی ٢٨ی ١١ی ٢٠١٨ێ ژ سەرەدانێن خوە ڤەگەریایەف باوەشا کوردستانێ ، پرێس کونفرانسەک سازکر و تێدا پتر بەحسا سەرەدانا خوەکر ئەوا ژبوی بەغدا ، نەجەف ، ئیمارات ، کوێت کری و گوت : مە ب وێ سەرەدانێ ڤیایە پتر نیەت پاکیاخوە ژبوی وان دیار بکەین دیسان ھەلویستێ خوەیێ ئاشتیخوازانە بۆ دووبارە بکەین ، چونکە بەری نوکەژی ھەردەم ئەڤە راوبوچونێن مەبوینە کو ھەردەم ب دانوستاندن و لێک تێگەیشتن گرفتێن ھەولێر و بەغدا بھێنە چارەکرن ، چونکی ئەو ئەم نەبوینە بەری نوکە ھەموو رێک گرتین بەلکو بەغدابو دەرگەھێ دانوستاندنێ دائیخست بو , دیسان لدوور کومبونێن خوە بەحسکر کو بێی جیاوازی دگەل ھەموو لایەنان کومبویە دگەل یێن دوست و یێن دخرابترین رەوش دا دوستایەتیاخوە پاراستی و یێن دژایەتیامەژی کری ، سەرۆک بارزانی گەشبینیاخوە دڤێ سەرەدانێ دا دیارکر ھەروەک گوتی : تاڕادایەکێ گەشبینم ، چونکی گەشبینی باشترە ژ رەشبینێ ، تشتێ لڤێرێ پتر خەلکێ ھەرێمێ چاڤەرێ ئەوە کا چەند گەرەنتی ژبوی دووبارە نەبونا وان سزایێن ، بەری نوکە بەغدا خستینە سەر ھەرێمێ دروست نەبنڤە لێ وەسا دیارە جەنابێ سەرۆک بارزانی : پێشبینیا باشتربونێ ژ عادل عەبدولمەھدی دکەت ، لەوا گوت : تەسەورناکەم عادل عەبدولمەھدی بریارەکێ بدەت وەک یا وان بیت یێن کو بەری نوکە لدژی ( کوردستانێ) داین چونکی ھەرتشتەکێ وەسا رووی بدەت دێ بیتە دوماھیا ھەموو تشتەکێ ، لەوما ئەڤێ سەرەدانەیا مێژوویی بویە و دڤێ سەرەدانێ دا و ئەف پێشوازیا ل شاندێ ھەڤالبەند دگەل بارزانی ،  گومان نیە کو کەربێن گەلەک لایەنا ڤەبوینە ژ وێ رێزا ل جەنابێ سەرۆک بارزانی و شاندێ دگەلدا ھاتیە گرتن چونکی ھەرلایەنەکێ بوچون و ھزرێن جودا و ھەڤدژ دسەریدا ھەنە و ھەبوینە ژبلی پارتی دیموکراتی کوردستان کو ھەردەم بوچونا پارتی ئێک رێزی و رێکخستنا ناڤ مالا کوردی بویە و دانوستاندن و ئاشتی بویە ژبو وەرگرتن و گەھشتنا مافێن مللەتێ کورد بگشتی و یێن کوردستانێ ب تایبەتی ، لێ یاخویایە ھەردەما جەنابێ سەرۆک بازرانی خزمەتەکێ بۆ مللەتی دکەت بێی جوداھی ھەموو لایەن پێ سود مەند دبن وھەردەستکەفتەکێ بدەستڤە بھێت ژی دەستکەفتەکە بوھەموو مللەتی ، ژبەر ڤێ نیازا پیروزا جەنابێ سەرۆک بازرانی ھەمبەر مللەتێ وی ئەو دچاڤێن ھەموو دونیایێ دا مەزن بویە ھەتا د چاڤێن دوژمنێن خوەژی دا . 





ئەم هەواڵە 5956جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad