English | عربی | Kurdî دواهەواڵ
ڕاستەوخۆ  
 
مه‌سرور بارزانی و ئه‌حمه‌د جه‌ربا كۆبوونه‌وه‌
2018-12-05 [01:59 AM]

ZNA - هه‌ولێر


ئه‌مڕۆ چوارشه‌ممه‌ 5/12/2018 مه‌سرور بارزانی راوێژكاری ئه‌نجوومه‌نی ئاسایشی هه‌رێمی كوردستان پێشوازی له‌ شێخ ئه‌حمه‌د جه‌ربا، سه‌رۆكی ره‌وتی ئه‌لغه‌دی سوری كرد.

له‌دیدارێكدا بارودۆخ و په‌ره‌سه‌ندنه‌ سیاسییه‌كانی ناوچه‌كه‌ و شه‌ڕوپێكدانانه‌كانی نێوان گرووپه‌ جیاجیاكانی سوریا و رژێمی سوریا له‌لایه‌ك و تیرۆریستانی داعش و مه‌ینه‌تییه‌كانی مرۆیی و ده‌ستێوه‌ردانه‌ ده‌ره‌كیه‌كان له‌ لایه‌كی دیكه‌وه‌ گفتوگۆكرا.

شێخ ئه‌حمه‌د جه‌ربا به‌ناوی خۆی و ره‌وته‌كه‌یه‌وه‌ پیرۆزبایی له‌ مه‌سرور بارزانی كرد بۆ كاندیدكردنی وه‌ك سه‌رۆكی حكوومه‌تی هه‌رێمی كوردستان و هیوای سه‌ركه‌وتنی له‌و ئه‌ركه‌یدا بۆ خواست و دووپاتی له‌ پته‌وكردنی په‌یوه‌ندییه‌كان كرده‌وه‌.

له‌و دیداره‌دا راوێژكاری ئه‌نجوومه‌نی ئاسایشی هه‌رێمی كوردستان بیروبۆچوونی خۆی له‌مه‌ڕ پێشهات و رووداوه‌كانی ناوچه‌كه‌ به‌تایبه‌تی سوریای دراوسێ خسته‌ڕوو و هانی گشت لایه‌نه‌ په‌یوه‌ندیداره‌كانی دا تواناكانی خۆیان بخه‌نه‌گه‌ڕ بۆ دۆزینه‌وه‌ی چاره‌سه‌رێكی سیاسی بۆ دۆخه‌كه،‌ كه‌ هه‌موو لایه‌ك هه‌ست به‌ بوون و رۆڵی خۆی له‌ به‌ڕێوه‌بردنی وڵات و بڕیاره‌ سیاسیه‌كاندا بكات.

 

 





ئەم هەواڵە 547جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad