English | عربی | Kurdî دواهەواڵ
ڕاستەوخۆ  
 
سێ گۆشەیا بەرمۆدا یا کوردستانی
2018-12-05 [02:19 AM]

نڤیسینا : غیاس خالد زێباری


سێ گۆشەیا بەرمۆدا دکەڤیتە پشکا رۆژئاڤا ل ئۆقیانووسێ ئەتلەسیێ باکۆری ، سەرەدەریێن ڤێ چار گۆشێ جھێ حیبەتیێ نە چونکی فرۆکە و گەمیێن دھنداڤ و دناڤ سنوورێ وێ دا دەرباز دبن ب شێوەیەکێ ئەنتیکە دھێنە وونداکرن ..!  ب کورتی ئەڤ سێ گۆشەیە سنوورێن خۆ و گیاندارێن دناڤ دا ل مایتێکرنێن دەرەکی و مەترسیان د پارێزیت . 
ھەرێما کوردستانێ ژی سێ گۆشەیەکا مینا سێ گۆشەیا بەرمۆدا ھەیە و سنوورێن وێ و خەلکێ کوردستانێ ل مەترسی و مایتێکرنێن دەرەکی دپارێزیت . 
سێ گۆشەیا پارێزەرێن کوردستانێ برەنگەکێ (ھەڕەمی ) ھاتیە دانان و ھەردوو گۆشە گۆھداریا گۆشا مەزنتر و بلندتر دکەن و فەرمانا لێ وەردگرن ، ئانکۆ دبن سیبەرا کۆپیتکێ دانە .
سێ گۆشەیا بەرمۆدا یا کوردستانی ل سەرۆک مەسعود بارزانی رێبەر و لێڤەگەرێ گەلێ کورد ، دارێژەرێ ستراتیژیەتا پاراستن و پێِشڤەبرن و ئازادیا کورد و کوردستانێ و دەولەتمەدار نێچیرڤان بارزانی سەرۆک وەزیرێن ھەرێما کوردستانێ و سەرۆکێ داھاتیێ ھەرێما کوردستانێ ، ئەندازیارێ ئاڤەدانیێ و چارەسەریا قەیرانێن سیاسی و ئابووری و دبلۆماسیەتەکا لسەر بنەمایێ پاراستنا بەرژەوەندێن خەلکێ کوردستانێ و ژناڤبرنا پیلانێن نافخۆیی و دەرەکی یێن دژی ھەرێما کوردستانێ و برا گەورە مەسرور بارزانی ، فاکتەرێ بەرقراربوونا ئێمناھیا کوردستانێ ، کۆ ب پلان و ئەندازیاریا وی ھەرێما کوردستانێ دناڤ ڤولکانەکا ئاگرین دا بوویە ئێک ژ پێنج دەڤەرێن ھەرە تەنا لسەر ئاستێ جیھانێ .
بڤێ سێ گۆشەیا ھەرەمی یا کوردستانی ، گەلێ کورد فێری پەروەردەیا نەتەوایەتی و خەباتکرنێ ژ پێخەمەت ئازادی و رزگاریێ بوویە ، چونکی ئەڤ سێ گۆشەیەژی دکەڤیتە بن سیبەرا رێبازا کوردایەتیێ و ئازادی و رزگاریێ کۆ رێبازا پیرۆزا بارزانی نەمرە .
بلا دوور نەچین و سەربۆر و سەرھاتیێن دیرۆکی ڤەنەگێرین ، چونکی زۆر ھاتیە دووبارەکرن و ھەمی خەلکێ ڕاستگۆ و نشتیمان پەروەر دزانیت و تێدگەھیت ، ل دەسپێکا داڕشتنا پیلانێن حکومەتا عیراقێ ژبۆ ناڤبرنا قەوارێ ھەرێما کوردستانێ ، بەری پێنج سالا ب پێک ئینانا ھێزا دیجلە و ھەولێن ھێرشکرنە سەر ھەرێما کوردستانێ دەستپێکر و پاشان بڕینا بۆدجە و مۆچێ ھەرێمێ و شایستەیێن پێشمەرگەھێن ھەرێما کوردستانێ ، لدیفرا ھێرشێن مەزنترین گرۆپێ تیرۆرستیێ جیھانی ب چەکێ حکومەتا عیراقێ رادەستێ وان کری بۆ سەر ھەرێما کوردستانێ . 
بڤێ چەندێ ژی مەرەما وان بجە نەھات ، چونکی سیاسەتا دەولەتمەدار نێچیرڤان بارزانی سەرۆکێ حکومەتا ھەرێما کوردستانێ ب سیاسەتەکا سەرکەفتی یا ئابووری ، ڕەوشا ئابووری و دارایی یا ھەرێما کوردستانێ ڕاگرت ، ئەڤەژی ژ ئەنجامێ بریار و بەرنامێ جەنابێ وی بوو ، یێ سەرخۆبوونا نەفت و گازا کوردستانێ ، چونکی ب داھاتێ وێ نەفتێ پێتڤیێن پێشمەرگەھێن کوردستانێ دابین کرن و ب نەچاری لسەر بنەمایێ پاشکەفتنێ بەردەوامی دا مۆچێ فەرمانبەران و خەلکێ کوردستانێ ژی د رەوشێ گەھشت . 
پێشمەرگەھێن کوردستانێ ژی ب فەرمان و رێنمایی و پشکداریا راستەوخۆ یا جەنابێ سەرۆک مەسعود بارزانی بەرامبەر تیرۆرستێن داعش نە تنێ خۆ راگرت ، بەلکی مەزنترین سەرکەفتن بدەستڤە ئینا ، بڤان سەرکەفتنا پێشمەرگەھێن کوردستانێ بوونە پەھلەوانێن جیھانێ لڤی سەردەمی ، ئەڤه‌ژی ب پلان و بەرنامێ سەرۆک بارزانی بوو . 
جھێ حکومەتا عیراقێ دەستخۆشی و پیرۆزباھیان ئاراستەی سەرۆک بارزانی و خەلکێ کوردستانێ بکەت لسەر ڤان سەرکەفتنا ، ب پشتەڤانیا خیانەتکارێن ئێکەتیا نشتیمانی کوردستانی ل ١٦ ئکتۆبەرا سالا ٢٠١٧ پیلانێن مەزنتر بۆ داگیرکرنا کوردستانێ و ناڤبرنا قەوارێ ھەرێمێ داڕشتن و پراکتیزە کرن ، ھەمی ھێزا خۆ یا چەکداری و سیاسی بکار ئینا و کەرکوک و دەڤەرێن کوردستانی داگیر کرن ، لێ پێشمەرگەھێن کوردستانێ ب سەرپەرشتیا سەرۆک بارزانی ، ئەو ھەول ژی ژناڤ برن و تووشی مەزنتر شکەستن کرن . 
ژ ئالیێ خۆڤە د وان کاودانا دا دەولەتمەدار نێچیرڤان بارزانی ، گەماروویێن وان یێن ئابووری و سیاسی و ئاسمانی شکاندن و پشتەڤانیا نیڤ دەولەتی بۆ ھەرێما کوردستانێ دووپات کرەڤە . 
لسەر ئاستێ ئێمناھی ژی داگیرکار و خیانەتکاران ھەمی ھەۆل بکارئینان بۆ بۆ تێکدانا ئاسایش و ئێمناھیا کوردستانێ ، لێ برا گەورە مەسروور بارزانی ئەندازیارێ پاراستنا ئاسایشا کوردستانێ ب سیاسەتەکا کڕ و ستراتیژیەکا ھەرە سەرکەفتی ، ھەمی پیلانێن تیرۆرست و داگیرکارا ھەلوەشاندن و بەختەوەریا جڤاکێ کوردستانێ راگرت .
ئەگەر وێ پشکا ئوقیانووسێ ئەتلەسی بۆ پاراستنا خۆ سێ گۆشەیا بەرمۆدا ھەبیت ، ھەرێما کوردستانێ سێ گۆشەیه‌کا بھێزتر و مەزنتر ھەیە بۆ پاراستنا کورد و کوردستانێ ، ئەوژی سەرۆک مەسعود بارزانی و دەولەتمەدار نێچیرڤان بارزانی و برا گەورە مەسرور بارزانی نە .





ئەم هەواڵە 3790جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad