English | عربی | Kurdî دواهەواڵ
ڕاستەوخۆ  
 
هەفتەى داهاتو وەزارەتى خوێندنى باڵا باشترین توێژەرانى ساڵ دیاری دەکات
2018-12-06 [10:38 AM]

ZNA - هه‌ولێر


وتەبێژى وەزارەتى خوێندنى باڵا و توێژینەوەى زانستى لە لێدوانێکدا ڕایگەیاند: وابڕیارە ڕۆژى سێشەممەى داهاتو، لە مەراسیمێکدا وەزارەتى خوێندنى باڵا و توێژینەوەى زانستى، باشترین (١٠) توێژەرى ساڵ دیاری بکات و ڕێزیان لێ بگرێت.

 

عەباس ئەکرەم وتەبێژى وەزارەتى خوێندنى باڵا و توێژینەوەى زانستى وتى: لە ئێستادا تیمەکانى ڕیزبەندى نیشتیمانى زانکۆکانى کوردستان، سەرقاڵى دیاریکردنى باشترین ئەو توێژەرانەن کە توێژینەوەکانیان لە گۆڤارە زانستیە ئاست بەرزەکانى دونیا بڵاوکردۆتەوە، وتیشى لەم هەڵبژاردنەدا پشت بەو داتایانە دەبەسترێت کە زانکۆکان لەڕێگەى ڕیزبەندى نیشتیمانی زانکۆکانەوە پێشکەشیان کردوە.

 

وتەبێژى وەزارەتى خوێندنى باڵا و توێژینەوەى زانستى ئاشكرایكرد: پێوەرەکان لەسەر بنەماى ئەو گۆڤارانە دیاری دەکرێـت، کە ئاستیان بەرزە و فاکتەرى کاریگەریان هەیە، دواتریش ئەو توێژەرانەى کە زۆرترین فاکتەرى کاریگەر کۆدەکەنەوە دەبنە (١٠) باشترین توێژەرانى ساڵ بۆ ساڵى (٢٠١٨).

 

عەباس ئەکرەم زیاتر وتى: وابڕیارە ڕۆژى سێشەممەى داهاتو کە دەکاتە ڕێکەوتى (١١/١٢/٢٠١٨) وەزارەتى خوێندنى باڵا و توێژینەوەى زانستى لە مەراسیمێکى شایستەدا لە شارى هەولێر، رێز لە (١٠) باشترین توێژەرى ساڵى ٢٠١٨ بگرێت.





ئەم هەواڵە 649جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad