English | عربی | Kurdî دواهەواڵ
ڕاستەوخۆ  
 
سەرۆک بارزانی پێشوازی لە باڵیۆزی بریتانیا لە عێراق دەکات
2018-12-09 [11:40 AM]

ZNA- ھەولێر 



 ڕۆژی یەکشەممە ٩ـی ١٢ـی ٢٠١٨ لە سەلاحەددین سەرۆک مەسعود بارزانی پێشوازی لە جۆن ویلیکس باڵیۆزی بریتانیا لە عێراق و شاندێکی یاوەری کرد.

لە دیدارەکەدا بارودۆخی سیاسیی عێراق و ناوچەکە و دوا ھەنگاوەکانی پێکھێنانی حکوومەتی تازەی عێراق و تەحەددیاتی بەردەم پڕۆسەی سیاسی تاوتوێ کرا و باڵیۆزی بریتانیا لە عێراق ڕۆشنایی خستە سەر بایەخ و ڕەنگدانەوەکانی سەردانەکەی ئەم دواییەی سەرۆک بارزانی بۆ بەغدا و ئەو سەردانەی بە گرنگ و کاریگەر وەسف کرد. 

ھەر لەو کۆبوونەویەدا جەخت لەوە کرایەوە کە حکوومەتی تازەی عێراق و پڕۆسەی سیاسیی دوای ھەڵبژاردنەکانی ئەنجوومەنی نوێنەرانی عێراق دەرفەت و کەشوھەوایەکی تازەی بۆ پەیوەندییەکانی نێوان ھەولێر و بەغدا و چارەسەرکردنی کێشەکان و جێبەجێکردنی ماددەی ١٤٠ـی دەستووری عێراق ھێناوەتە ئاراوە. 

پەیوەست بە بارودۆخی کەرکووکیش ئەوە دووپاتکرایەوە کە پێویستە ھەموو پێکھاتەکان لە بەڕێوەبردنی ئەو شارە بەشدار بن. 

لە بەشێکی دیکەی کۆبوونەوەکە باڵیۆزی بریتانیا لە عێراق تەئکیدی لە بەردەوامی و توندوتۆڵترکردنی پەیوەندییەکانی وڵاتەکەی لەگەڵ ھەرێمی کوردستان و ھەروەھا ھاوکاریکردنی وەزارەتی پێشمەرگە و ڕێکخستنەوەی کردەوە. 

بارودۆخی پارێزگای نەینەوا و کێشەکانی دانیشتوانی موسڵ و ئاوارەکان تەوەرێکی تری ئەو دانیشتنە بوو.

ی.ا
 





ئەم هەواڵە 3571جار خوێندراوەتەوە
 
 
ڤیدیۆ گەلەری
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad