English | عربی | Kurdî دواهەواڵ
ڕاستەوخۆ  
 
مه‌سرور بارزانی: قۆناغی نوێی په‌یوه‌ندی نێوان هه‌ولێر و به‌غدا، هەڵدانەوەی لاپەڕەیەکی تازەیه‌
2018-12-09 [02:08 AM]

ZNA - هه‌ولێر


ئه‌مڕۆ یەکشەممە ٩/١٢/٢٠١٨ مه‌سرور بارزانی راوێژكاری ئه‌نجوومه‌نی ئاسایشی هه‌رێمی كوردستان پێشوازی له‌ جۆن وێڵكس باڵیۆزی به‌ریتانیا له‌ عێراق و شاندی یاوه‌ری كرد. له‌ دیدارێكدا، كه‌ مارتن وار كونسوڵی گشتی به‌ریتانیا له‌ هه‌رێمی كوردستان ئاماده‌ی بوو، دوا په‌ره‌سه‌ندنەکانی ناوچه‌كه‌ و هەوڵ و هەنگاوەکانی  پێكهێنانی حكوومه‌تی هەرێمی کوردستان و هاتنە ئارای قۆناغی نوێی په‌یوه‌ندی نێوان هه‌ولێر و به‌غدا تاوتوكرا.

مه‌سرور بارزانی، قۆناغی نوێی په‌یوه‌ندی نێوان هه‌ولێر و به‌غدای بە هەڵدانەوەی لاپەڕەیەکی تازە لەقەلەم دا و هیوای خواست لە ئایندەیەکی نزیکدا بە گرتنەبەری دیالۆگ و گفتوگۆی بنیاتنەر پرسە هەڵواسراوەکان چارەسەر بکرێن و زەمینە بۆ چەسپاندنی ئاشتی و پێشخستنی وڵات و دابینکردنی خزمەتگوزارییە بنەڕەتییەکان برەخسێنێت.

باڵیۆزی بەریتانیا، وێڕای پیرۆزبایی کردن لە مەسرور بارزانی بەبۆنەی کاندیدکردنی بۆ سەرۆکایەتی حکوومەتی هەرێمی کوردستان، هیوای سەرکەوتنی بۆ خواست و جەختی لەوە کردەوە، کە وڵاتەکەیان هاوکار دەبێت بۆ ئەوەی هەرێمی كوردستان ئاوەدانی و پێشکەوتنی زیاتر بە خۆیەوە ببینێت.

 





ئەم هەواڵە 3676جار خوێندراوەتەوە
 
 
ڤیدیۆ گەلەری
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad