English | عربی | Kurdî دواهەواڵ
ڕاستەوخۆ  
 
ئێران لەسەرەتای ئەمساڵەوە زیاتر لە 2 سەد كەسی كوشتووە
2018-12-10 [05:52 AM]

​ZNA – هەولێر


رێکخراوی هەنگاو بۆ مافەکانی مرۆڤ ڕاپۆرتێكی بڵاوكردەوە، كە لە سەرەتای ئەمساڵەوە تا ئێستا ٢١٣ کۆڵبەر لە سنورەکانی هەرێم و رۆژهەڵاتی کوردستان کوژراون و بریندار بوون ، هەروەها  ٦٨ هاووڵاتی کوردیش لە ئێران لەسیدارەدراون .

لەڕاپۆرتەكەی رێکخراوەکەدا هاتووە ، لەماوەی ١١ مانگی رابردوودا لانیکەم ٦٨ هاووڵاتی کورد لە زیندانەکانی ئێران لەسێدارەدراون کە سزای یەکێکیان لە پێش چاوی خەڵک جێبەجێ کراوە.

لەڕاپۆرتەكەدا نوسراوە، لەو ژمارەیە ٢٨ کەسیان خەڵکی پارێزگای ورمێ و ٢٢یان خەڵکی پارێزگای کرماشان و شەشیان خەڵکی پارێزگای سنە و شەشی دیکەیان خەڵکی پارێزگای لوڕستان و پێنجیان خەڵکی پارێزگای ئیلام و کەسێکیشیان خەڵکی پارێزگای خوراسانی باکوور بووە.

ڕێكخراوەكە راشی گەیاند، شەش کەسیان بە تۆمەتی چالاکی سیاسی و نۆیان بە تۆمەتی چالاکی ئاینیی و ٤٦یان  بە تۆمەتی کوشتنی بەئەنقەست و پێنجیان بە تۆمەتی  بازرگانیکردن بە ماددە هۆشبەرەکان و دوو کەسیشیان بە تۆمەتی دەستدڕێژی سزای لەسێدارەدانیان بەسەردا سەپێنراوە و سزاکەیان جێبەجێکراوە.

رێکخراوی هەنگاو بۆ مافەکانی مرۆڤ ئاشكراشیكرد، لە سەرەتای ئەمساڵەوە تا ئێستا زیاترین ڕیژەی قوربانی بوونی کۆڵبەران لە پارێزگای ورمێ تۆمارکراوە کە لەو ماوەیەدا ١٤١ کۆڵبەر لە سنورەکانی ئەو پارێزگایە کوژراون و بریندار بوون، لە سنوری پارێزگای سنە  ٥٥ کۆڵبەر و لە پارێزگای کرماشانیش ١٤ کۆلبەر  کوژراون و بریندار بوون.

 





ئەم هەواڵە 5620جار خوێندراوەتەوە
 
 
ڤیدیۆ گەلەری
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad