English | عربی | Kurdî دواهەواڵ
ڕاستەوخۆ  
 
چار سالێن نوو، چار سالێن خزمەت
2018-12-10 [02:59 AM]

نڤیسینا : ئاواز نهێلی


د سیستەمێ رێڤەبرنا هەڕ دەستهەلاتەکێ دابیت دڤێت کەسێن هەژی بهێنە هەلبژاڕتن بو سەرکەتنا وی جهی گوتنەک جڤاکی هەیە دبێژیت کەسێ هەژی بدانە جهێ هەژی دا ڕێڤەبرنەکا هەژی بینی لەورا ژی نوکە باشترین بریارە ژ لایێ سەرکردایەتیا پارتی دیمکراتی کوردستان دەرکەتی بو بەر بژێرکرنا بەرێز نێچیرڤان بارزانی بو ب رێڤه‌برنا بلندترین پۆستێ هه‌رێمێ كو سه‌رۆكاتیا هه‌رێمێ یه، ژلایێ دیبلوماتكار و سیاسه‌تڤانڤە زورا گرنگە د ڤێ قوناغێ دا چونکی هەرێما کوردستانێ یا قوناغەکا هەستیاڕدا دەربازدبیت نەخاسمە ژی ژ لایێ نیڤدەولەتی ڤە .

وەک یا دیار نێچیرڤان بارزانى كو پێشتر د سه‌رۆكاتیا جڤاتا وه‌زیران دا خودان په‌یوه‌ندیێن دبلۆماسیێن باش و بهێز بویه ل سه‌ر ئاستێ ناڤخوه و ناڤده‌وله‌تى، ئه‌ڤه ژى ئه‌گه‌ره‌كێ ب هێز یێ سه‌ركه‌فتنا وى یه د پۆستێ نوو دا یێ بو هاتیە بەڕبژێرکرن لەوراژی یا ڤەرە هەمی لایەن وان خالێن گرنگ و بهێز یێت سەرئێخستنا پەیوەندیێن نیڤدەولەتی دا گرنگ ببین دگەل وێ ئەزمونا سەرکەتیا هەی د پەیداکرنا دەلیڤەیێن زێرینترین هەین یێن دیڤدەولەتی .

یافەرە د رێڤەبرنا دەستهەلاتا پری فیکنەکرن و هەڤرکی و پلانێن دووژمنان بو نەهێلانا سەربەخویا هەرێمێ و دڤی دەمی دا هه‌بوونا كه‌سه‌كێ قه‌بولكرى ل سه‌ر ئاستتێ ناڤخوه و ده‌رڤه د پۆستێ سه‌رۆكاتییا هه‌رێمێ، دێ بیته ئه‌گه‌رێ دروستكرنا كوردستانه‌كا ب هێز كو دروشمێ پارتیه و ئەڤە مەزنترین پێنگاڤە کو پارتی د ڤێ قوناغێ دا دروشمەکێ راست و درست د بەرژەوەندیا کوردستانەکا ب هێزا هاڤێتی .

ئەگەر د ئاستی دەرڤەدا ژی لێ نێرینەکا هیر بو بکەین د ماوێ حکومرانیا خودا هه‌ماهنگى و هه‌ڤالینیا نێچیرڤان بارزانى ل گه‌ل سه‌ركرده و سه‌رۆكێن وه‌لاتێن زلهێزێن جیهانێ، دێ بیته ئه‌گه‌رێ پاراستن و بهێزكرنا كوردستانێ ل هه‌مبه‌ر هه‌ر گه‌فه‌كى، هه‌روه‌كو پشتى 16 ئكتۆبه‌رێ مه ئه‌ڤه دیتى و ئەو پێنگاڤێن دیروکی هاڤێتین و وێ پێشوازیا مەزن یا جیهانی بو وان سەرەدانا و چەندین دەستکەفتین هەرەمەزن ب دەست خستین د وان سەرەدانان دا .

لەورا د بینین د ماوێ ڤان چار سالێن نوو یێن هه‌ماهه‌نگى و هه‌ڤكاریا نێچیرڤان بارزانى و مه‌سرور بارزانى د هه‌ردوو پۆستێن دن، هه‌روه‌كو چه‌وا پێشتر هاریكار و هه‌ماهه‌نگ بوون ل گه‌ل هه‌ڤ، دێ ره‌وشا خه‌لكى و كوردستانێ گه‌هینن ئاستەک مەزنتر کا چاوا شیان هەولێرا پایتەخت بو ئاڕامیێ بگەهینە رێزبەندیا باژێریێن جیهانی ب هەڤرا دێ کوردستانەکا ب هێز ژلایێ پەیوەندیان و گەشەپێدانا ئابوری ب هێز ئێخن و ژلایێ ئاڕامیێ هێتە بهێزکرن ، کو هەمی لایەک بێ جیاوازی ژ هەمی ئاین و نەتەوە ب هەڤرا بژین .

ل داویێ ژی ئەڤ نمونا سەرکەتنا هەنێ یا سه‌رۆكێ هه‌رێمێ دێ نوونه‌راتیا خه‌لكێ هه‌رێمێ ل سه‌ر ئاستێ سیاسى و ناڤده‌وله‌تى كه‌ت، نوونه‌راتیا هه‌رێما كوردستانێ كه‌ت د هه‌ماهه‌نگى و چاره‌كرنا ئاریشه‌یان ل گه‌ل به‌غدا و وه‌لاتێن بیانى چارەکرن وەها دێ بیتە ستینا ئاڤەدانی و ب هێزکرنا کوردستانەکا پری خێر و بێر و دووماهیک ئینانا هەمی ئاستەنگان و دێ بیتە کلیلا چاڕەسەریا هەمی ئاستەنگێن هەڕێما کوردستانێ چونکی کەساتیا بەڕێز نێچیرڤان بارزانی کەساتیەکا بهێز و خودان سەربور و پری بێهن فرەهی یە .

كاراكرنا پۆستێ سه‌رۆكاتیا هه‌رێمێ د ڤى ده‌مى دا دێ ژ لایێ نێچیرڤان بارزانى ڤه هێته وه‌رگرتن، قۆناغه‌كا نوو دێ ده‌ست پێ كه‌ت ودێ هه‌می قه‌یران و ره‌نج و ماندى بوونا گه‌لێ كوردستانێ یێن چار سالێن بۆرى ب داوى هێتن چونکی نێچیرڤان بارزانى د نه‌خۆشترین كاودان دا كابینا هه‌شتێ یا حكومه‌تێ ب رێڤه‌بر و كوردستان ب هێز هێلا، د چار سالێن بهێت ل سه‌ر ئاستێ ناڤخوه و ناڤده‌وله‌تى دێ شێت ب پەیوەندین خو یێن بهێز سەرنجا وەلاتێن زلهێز یێت جیهانی راکێشیت و ب پلانێن سەربەخویا ئابوری گەشەپێدانا ئاستێ ئابورێ هەرێما کوڕدستانێ بەرەڤ باشتر بەتن و پەیوەندێن ناڤخوی و دەرڤە دێ باشتر کەت ب وی دبلوماسیا پەیرەوکی د دەربازکرنا قەیرانان دا دێ کوردستانەکا بهیز پەیداکەت .





ئەم هەواڵە 268جار خوێندراوەتەوە
 
 
ڤیدیۆ گەلەری
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad