English | عربی | Kurdî دواهەواڵ
ڕاستەوخۆ  
 
خۆپیشاندانەكانی فەرەنسا ماكرۆنی ناچاركرد چاكسازی بكات
2018-12-11 [05:04 AM]

​ZNA – هەولێر


تادێت خۆپیشاندانەكانی فەرەنسا فراوانتر دەبێت و خۆپیشاندەران سوورن لەسەر داواكاریەكانیان، زەرەرو زیانەكان و قوربانیەكان ڕوو لەزیادبوونە، فراوان بوونی خۆپیشاندانەكە ماكرۆنی ناچار كرد بێتە دەنگ.

شەوی ڕابردوو، ئیمانیۆل ماکرۆنی سەرۆکی فەرەنسا، وتارێکی لەبارەی چارەسەرکردنی کێشەکان پێشکەشکرد و بەڵێنی بە خۆپیشاندەران دا بۆ چارەسەری كێشەكان.

سەرۆکی فەرەنسا بەڵێنی دا، کەمترین مووچەکان بەبڕی  7% زیاد بکات و لە مانگی پێنجی ساڵی داهاتووش ئەو بڕیارە جێبەجێ دەکرێت.

هەروەها بڕیاریدا باج لەسەر ئەو کەسانە هەڵبگرێت کە کاری زیاد (ئۆڤەر تایم) دەکەن و باجێکی نوێ بۆ ئەو کەسانە دابنێت کە مانگانە داهاتییان کەمتر لە 2000 یۆرۆیە.

ماکرۆن راشیگەیاند: "هیچ توندووتیژیەک لە ژێر هەر پاساوێک نابێت ئەنجام بدرێت، دەبێت ئارامی و رێکخراوەیی بەرقەرار بێت".

رۆژنامەی دۆیچە ڤێلەی ئەڵمانی نووسیویەتی، پارتە نەیارەکانی ماکرۆن، لە دوای پێشکەشکردنی وتارەکە ناڕازین و دەڵێن سەرۆکی فەرەنسا دەبوو چاکسازی زیاتر بکات و داواش دەکەن خۆپیشاندانەکان بەردەوام بن.

دەیان هەزار خۆپیشاندەر نزیكەی مانگێكە  لە فەرەنسا بۆ کەمکردنەوەی باج و نرخی سووتەمەنی رژاونەتە سەر شەقامەکان و هێزە ئەمنییەکانیش رووبەڕوویان بوونەتەوە و هەزار و 700 خۆپیشاندەریان دەستگیرکردووە.

 





ئەم هەواڵە 5356جار خوێندراوەتەوە
 
 
ڤیدیۆ گەلەری
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad