English | عربی | Kurdî دواهەواڵ
ڕاستەوخۆ  
 
فەلاح مستەفا پێشوازى لە کونسوڵى تازەى کۆمارى میسرى عەرەبى لە هەرێمى کوردستان کرد
2018-12-11 [07:00 AM]

ZNA-هەولێر


 

بەبۆنەى دەستبەکاربوونى وەک کونسوڵى تازەى کۆمارى میسرى عەرەبى رۆژى دووشەممە باڵیۆز ئەحمەد حارس سەردانى فەرمانگەى پەیوەندیەکانى دەرەوەى کردو لەلایەن فەلاح مستەفا بەرپرسى پەیوەندیەکانى دەرەوەى حکومەتى هەرێمى کوردستان پێشوازى لێکرا.

لە دیدارەکە کە خاتوو سیهام جەبەلى یاریدەرى بەرپرسى پەیوەندیەکانى دەرەوە ئامادەبوو، فەلاح مستەفا بە ناوى فەرمانگەى پەیوەندیەکانى دەرەوە و حکومەتى هەرێمى کوردستان بەخێرهاتنى کرد و پیرۆزبایی دەستەبەکاربوونى لە باڵیۆز ئەحمەد حارس کونسوڵى تازەى میسر لە هەرێم کرد و هیواى سەرکەوتنى لە ئەرکەکەیدا بۆ خواست و ئامادەیی فەرمانگەى پەیوەندیەکانى دەرەوە و دامەزراوەکانى حکومەتى هەرێمى نیشاندا بۆ سەرخستنى کارەکانیان لە هەرێمى کوردستان.

 

هەردوولا تیشکیان خستە سەر پەیوەندى لە مێژینەى نێوان گەل و حکومەتى هەرێمى کوردستان و گەل و حکومەتى کۆمارى میسرى عەرەبى. هەر لەم سۆنگەیەوە هەردوولا کۆکبوون لەسەر چڕکردنەوەى هەوڵەکان بۆ پەرەپێدانى زیاترى ئەو پەیوەندیانە لە بوارە جیاوازەکاندا کە لە خزمەت و بەرژەوەندى هەردوولادابێت.

کونسوڵى تازەى میسر لە هەرێم خۆشحاڵى خۆى بۆ ئەو کۆبوونەوەیە دەربڕى و ویستى وڵاتەکەى دووپاتکردەوە کە دەخوازن ئاستى پەیوەندیەکانیان لەگەڵ هەرێمى کوردستان لە بوارە جیاجیاکان بەرەوپێش ببەن.

لە تەوەرێکى دیکەى دیدارەکەدا باس لە دوایین پێشهاتەکانى ناوچەکە بەگشتى و هەوڵەکان بۆ پێکهێنانى کابینەى نوێى حکومەتى هەرێم و پەیوەندیەکانى نێوان هەولێر و بەغدا تاوتوێ کران.





ئەم هەواڵە 4057جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad