English | عربی | Kurdî دواهەواڵ
ڕاستەوخۆ  
 
ژبەرکۆ پارتی ، ئێک بەرنامە و ئێک رێباز و ئێک ئارمانج ھەیە
2018-12-11 [02:21 AM]

نڤیسینا : غیاس خالد زێباری


د زانستێ بیرکاریێ دا چ جاران (١ + ١ ) نابینە ( ١ ) ، بەلکی ھەردەم دبیتە ( ٢ ) ، لێ د زانستێ سیاسی یێ پارتی دا ، چەند كۆ چەند بکەن یان جاران و کێم و دابەش بکەن ، ھەردەم ئەنجام دێ بیتە ( ئێک ) .

ژبەرکۆ پارتی ، ئێک بەرنامە و ئێک رێباز و ئێک ئارمانج ھەیە ، چەند پارتی مەزن و بەرفرەە ببیت ، چەند رێبەر و سەرکردە ھەبن ، ئارمانج ناھێتە گۆڕین و ئێکگرتنا پارتی ژی ھەر ئەو ئێکگرتنە ئەوا لسەر دەستێ رێبەر و بابێ دیرۆکی و کنیاتیێ نەتەوا کورد بارزانی نەمر ھاتیە دانان ، ئارمانجا پارتی ژی ئازادی و رزگاری و خزمەتکرنا گەل و وەڵاتی یە .

د زۆر قوناغانێن ژیانا حەفتێ و دوو ساڵیا پارتی دا روودان و گۆرانکاری درۆست بوونە و دڤان سالان دا زۆر جاران ھەولێن پارچەبوونا پارتی لسەر چەند بەرەیان ھاتینە کرن ، لێ ھەمی پیلان ھاتینە ھەلوەشان و ئێکگرنا پارتی زیندی ھاتیە پاراستن .

ئەڤ ئێک رێزی و ئێک گۆتاری و ئێک باوەری و ئێکگرتی بوونا پارتی ، ب پابەندبوون ب رێبازا پیرۆزا بارزانی نەمر ڤە ھاتیە دابینکرن و کەفتیە د خزمەتا کورد و کوردستانێ و فاکتەرێ نووبوونەڤە و بھێزبوونا پارتی یە .

ئەڤرۆ ژی دەمێ پارتی دیموکراتی کوردستان نێچیرڤان بارزانی بۆ پۆستێ سەرۆکێ ھەرێما کوردستانێ و مەسرور بارزانی بۆ پۆستێ سەرۆکێ حکومەتێ کاندید کرین ، گاڤەکەر ژبۆ بھێزکرنا کوردستانێ و ژلایێ سیاسی و کارگێری .

چونکی ھەبوونا پەیوەندیێن خۆرت یێن رێزدار نێچیرڤان بارزانی ل گەل سەرۆک و سەرکردێن وەلاتێن زلھێز و یێن ھەرێمی ، فاکتەرن بۆ بھێزکرنا ھەرێما کوردستانێ وەک قەوارە و وەکی حکومەت ، ئەڤەژی دەسکەفتن بۆ کوردستانێ وەکی ھەرێم و بۆ وەکی حکومەت ژی .

ھەر وەکی پشتی خیانەتا ئێکەتیا نشتیمانی کوردستان و حکومەتا عیراقێ ل شازدێ ئکتۆبەرێ و گەمارۆدانا ھەرێما کوردستانێ ژلایێ ئابووری و سیاسی .

نێچیرڤان بارزانی سەرۆکێ حکومەتا ھەرێما کوردستانێ ، ب پەیوەندیێن خۆ یێن موکۆم و تایبەت دگەل سەرۆک و سەرکردێن وەلاتێن مەزنێن جیھانێ ، لدەمەکێ کورت دا ئەو ھەمی گەماروو شکاندن و پیلان ژناڤ برن ، لسەر ڤێ چەندێ را رەوشا ھەرێما کوردستانێ ژلایێ ئابووری و دارایی بەرەڤ چارەسەریێ بر .

ھەرێما کوردستانێ ب سەرۆکاتیا نێچیرڤان بارزانی وەک سیاسیەکێ خۆدان ئەزمۆنێن سەرکەفتی و کەسایەتیەکێ باوەر پێکری لسەر ئاستێ جیھانی و ھەرێمێ و نافخۆیی ، لدەمەکێ کورت دا ھەرێم دێ بەرەڤ گۆرانکارێت ئێگجار مەزن چیت نەخاسمە ژلایێ دبلۆماسی و سیاسی ، چونکی سەرۆکێ ھەرێمێ نوونەرایەتیا ھەرێما کوردستانێ دکەت و ئەز باوەرم مینا سەرۆک وەلاتەک ژلایێ سەرۆک وەلاتێن جیھانێ و سازیێن نیڤ دەولەتێ دێ ھێتە پێشوازیکرن و بەشداریکرن ل چالاکیێن ئابووری و سیاسی یێن نیڤ دەولەتی .

ئەڤ پەیوەندیێن رێزدار نێچیرڤان بارزانی لگەل جیھانێ دێ بنە فاکتەرێ بھێزبوونا کوردستانێ و پاراستنا قەوارە و دەسکەفتێن نەتەوی و نشتیمانی یێن ھەرێمێ .

دڤان چار سالان دا نێچیرڤان بارزانی و مەسرور بارزانی زێدەتر ل جاران دێ ھەڤکار و ھەماھەنگ بن بۆ چەسپاندنا درۆشمێ پارتی کۆ بھێزکرنا کوردستانێ یە و وەک ئێک ژێدەرێن بریار و بەرنامە و پلانا بۆ خزمەتا کورد و کوردستانێ دێ کارکەن ، ھەما ھەنگی و ھەڤکاریا وان دێ زێدەتر بیت ل جاران .

وەک سەرۆکێ ھەرێما کوردستانێ ژی رێزدار نێچیرڤان ، دێ سەرۆکەکێ ھەرە سەرکەفتی بیت ، چەوا حکومەتا ھەرێما کوردستانێ پشتی د کاودانێن دژوار دا ھژمارەکا حزبێن دیتر خۆ لبەر بەرپرسیاریێ نەگرتی و بۆ ھەلوەشاند و لاوازکرنا ھەرێمێ خۆ ل حکومەتا ھەرێما کوردستانێ دا ڤەکێشای ، لسەر دەستێ نێچیرڤان بارزانی نە تنێ حکومەت ھاتە راگرتن ، بەلکی قەیران ژی چارەسەرکرن ، ل پۆستێ سەرۆکاتیا ھەرێمێ ژی ل بەرتەنگترین رەوش و کاودان دا ، ل مەزنترین پیلانێن خیانەتکاری ، دێ ھەرێما کوردستانێ پارێزیت و بھێزتر کەت ، ب کورت و کرمانجی چار سالێن بھێت دێ چار سالێن زێرین بن یێن خورتبوونا پەیوەندیێن دبلۆماسی یێن ھەرێما کوردستانێ و ھەماھەنگیا دناڤبەرا سەرۆکێ ھەرێمێ و سەرۆکێ حکومەتا ھەرێما و دێ خۆیا کەن کۆ د زانستێ و بیرکاریا سیاسی یا پارتی دا ( ١ + ١ ) دێ بیتە ( ١ ) و ئەڤ ئەنجامە ئێک بوون و ئێک رێزی و ئێک گۆتاریێ بۆ ھێزدارکرنا کوردستانێ کەتە دیاری بۆ خەلکێ کوردستانێ .





ئەم هەواڵە 250جار خوێندراوەتەوە
 
 
ڤیدیۆ گەلەری
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad