English | عربی | Kurdî دواهەواڵ
ڕاستەوخۆ  
 
کێ گەنجەکانی تووڕە کرد ؟!..
2018-12-11 [07:23 AM]

نووسینی: دکتۆر ساڵار عوسمان


 ⁃ بەشێک لە گەنجەکانی کوردستان تووڕەن، دڕدۆنگن و ھەموو شتێک ڕەت دەکەنەوە، کوێگر نین ھێندەی قسەکەرن، لە قسەکردنیشدا تەنێ مەبەستیانە جامی تووڕەییەکانیان ھەڵڕێژن و ھیچیتر، نایانەێت دیالۆگ بکەن، ئەگەر دیالۆگیش بکەن، ھەر بە تووڕەیی دەیکەن و ئاکام، تووڕە و دڕدۆنگ و ڕەتکەرەوە ڕایەڵێک ناھێڵنەوە لە نێوان خۆیان و ئەوانیتردا !..
 ⁃ نازانم قەت ئەو پرسیارەمان لە خۆمان کردووە: کێ گەنجەکانی تووڕە کرد؟!.. پرسیارێکە و دەبێ لە خۆمانی بکەین، تایبەت ئۆرگانە ڕەسمی و بەرپرسەکان، دەبێ لە دۆزینەوەی وەڵامیشدا بێلایەن بین، مەبەستم لە بێلایەنی ئەوەیە، کە دەبێ زانستییانە بەدواداچوون بۆ پرسیارەکە بکەین و بەڵگە و پاساوەکانیشمان لەبەر دەست بن، بە واتایاکیتر دەبێ گەنج و تووڕەیەکانیان بە خەم و پرسی وڵات بزانین و ھەوڵ بدەین ئاشتیان بکەینەوە، چونکە گەنجەکان ھەرچی بڵێن، دواجار نەوەی ئەمڕۆ و کوڕی سبەی و بنیاتنەری دواڕۆژن !..
 ⁃ دەی، کێ گەنجەکانی کوردستانی تووڕە کرد ؟!.. زۆر بە کورتی و ڕاشکاو  و بە زمانێکی سادە دەمەوێت دەخزمەتتاندا ئاوا وەڵام بدەمەوە: ئۆپۆزیسیۆن و گەندەڵی و بەشێک لە مەلا سیاسییە تووندڕۆکانی کوردستان گەنجەکانیان تووڕە کرد، بۆیە، دوای ئەم وەڵامە، دەکرێ ناو لە تووڕەی دژە گەندەڵی بنێین تووڕەیی سپی و دووانەکەیتریش تووڕەیی ڕەش!..
 ⁃ تووڕەیی سپی، واتە ئەو تووڕەییەی دژ بەگەندەڵییە، تووڕەییەکی مەشروعە و بە نیازی چاکەوە دەیەوێت بەشدار بێت لە چاکترکردنی ڕەوشی وڵات، واتە  نیشتمان ڕەت ناکاتەوە و بگرە لە خەمی چاکترکردنی وڵات و دامەزراوەکانیەتی، بۆیە تێکڕای ئەو ھەوڵە ڕیفۆرمییانەی ھەن و دەستیان پێکردووە، ھێدی ھێدی ئەو تووڕەییە خاو دەکاتەوە و چەندە ھەوڵەکانیش زێتر بن، زیتر و زووتر تووڕەییەکان کەمتر و کەمتر دەبنەوە .
 ⁃ تووڕەیی ڕەش، بریتیە لەو تووڕەییەی، کە ئۆپۆزیسیۆن و مەلا تووندڕۆکانی کوردستان دروستیان کردووە، ئەم تووڕەییە نیازمەندیی سیاسیی شکێنەر ئاراستەیان دەکات، واتە نامەشروعی زۆری تێدایە و بەقەد ڕێژەی نامەشروعیەکەیشی نیشتیمان ڕەت دەکاتەوە، بە واتایەکیتر لە خەمی نیشتیمان و چاکترکردنی وڵات و دامەزراوەکانی وڵات نییە، بگرە لە خەمی ئەو نیازمەندییە سیاسییە شکێنەرە نیشتیمان نەبینەدایە، کە وەک کارگەیەکی دژ، ھەر گەنجی تووڕە بەرھەم دێنێت، وەک دیاریشە ئەم تووڕەییە خاڵییە لە ئەقڵانییەت، بنیاتنان و بەرھەم و ئاکامەکەیشی ئەوەیە، کە ھەم نیشتیمان و ھەم خودی گەنجەکەیش زەرەری لێدەکەن و سەرباری ئەمانەیش، دەگەڵ  خۆیدا دڕدۆنگی کۆمەڵایەتی دەھێنێ و بە کورتی پڕە لە ئازار و ھیچ چارەسەرێکی پێ نییە !..
 ⁃ چی بکەین باشە ؟... پێش ھەر شت دەبێ دیالۆگ بکەین و ماندوو نەبین، دیالۆگ لەگەڵ گەنجە تووڕەکان، بۆ ئەم مەبەست و ئامانجەیش، ژینگەی دیالۆگ، جۆری دیالۆگ، کێن ئەوانەی دیالۆگ دەگەڵ گەنجەکان دەکەن گرنگن،  دەبێ وورد و زانستییانە و سەردەمیانە  ئەم پرۆسە کلتوورییە سیاسییە کۆمەڵایەتییە نیشتیمانییە بەڕێوە بچێت، ھەمدیس دەبێ دەرفەتی بەشداریپێکردن، ھەلی کار و بەرھەم بۆ گەنجەکان فەراھەم بکرێت و بە کورتی ھەستی (بوون) و (ھاوبەشی) و ( ھاوچارەنووسی) یان بۆ دروست بکرێت و ئەم چارەسەرانەیش بە کردەیی بخرێتە بواری جێبەجێکردنەوە!..





ئەم هەواڵە 5185جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad