English | عربی | Kurdî دواهەواڵ
ڕاستەوخۆ  
 
نێچیرڤان بارزانی پێشوازی له‌ وه‌زیری كاروباری مرۆییی پۆڵه‌ندا ده‌كات
2018-12-12 [08:26 AM]

ZNA-هەولێر



سه‌رله‌به‌یانیی ئه‌مڕۆ چوارشه‌ممه‌ 12/12/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ خاتوو به‌یاتا كامپا وه‌زیری كاروباری مرۆییی پۆڵه‌ندا و شاندێكی یاوه‌ری كرد.

له‌ دیدارێكدا خاتوو كامپا سوپاسی خه‌ڵك و حكوومه‌تی هه‌رێمی كوردستانی كرد بۆ پێشوازیكردن و حه‌واندنه‌وه‌ی ئاواره‌ و په‌نابه‌رانی ده‌ستی تیرۆر  و هاوكاریكردنیان هه‌وڵه‌كانی كۆمه‌ڵگه‌ی نێوده‌وڵه‌تی بۆ هاوكاریكردنی زیاتری ئاواره‌كان به‌ پێویست زانی و ئاماده‌ییی وڵاته‌كه‌یشی له‌مباره‌یه‌وه‌ نیشان دا، هه‌روه‌ها پێكه‌وه‌ژیانی ئاینی و نه‌ته‌وه‌یی له‌ هه‌رێمی كوردستانی به‌رز نرخاند و هه‌وڵه‌كانی حكوومه‌تی هه‌رێمی بۆ چاره‌سه‌ركردنی كێشه‌كان به‌ جێگه‌ی ڕێز و پێزانین وه‌سف كرد.

لای خۆیه‌وه‌ به‌ڕێز سه‌رۆك وه‌زیرانی هه‌رێمی كوردستان سوپاسی ئه‌و سه‌ردانه‌ی كرد و هیوای خواست شاندی میوان له‌ میانی سه‌ردانه‌كه‌یاندا‌ وێنه‌یه‌كی ڕوونیان له‌سه‌ر دۆخی هه‌رێم و  ئاواره‌كان ده‌ستكه‌وتبێت و دووپاتی كرده‌وه‌ كه‌ هه‌رێمی كوردستان له‌ ڕابردوو و ئێستا و داهاتووشدا له‌سه‌ر پره‌نسیپی پێكه‌وه‌ژیانی ئاینی و نه‌ته‌وه‌یی به‌رده‌وام ده‌بێت و زیاتر جێگیری ده‌كات، هه‌روه‌ها ستایشی ڕۆڵی لایه‌نی نێوده‌وڵه‌تی کرد له‌ دروستكردنی متمانه‌ بۆ ئاواره‌كان تا له‌ وڵاتی خۆیان بمێننه‌وه‌.

له‌ به‌شێكی دیكه‌ی قسه‌كانیدا به‌ڕێزیان پوخته‌یه‌كی ده‌رباره‌ی ڕووبه‌ڕووبوونه‌وه‌ی داعش و پاراستنی پێكهاته‌ جیاوازه‌كان له‌لایه‌ن خه‌ڵك و حكوومه‌ت و پێشمه‌رگه‌ی كوردستانه‌وه‌،‌ خسته‌ ڕوو و سوپاسی ڕێكخراوه‌ ناحكوومییه‌كانی نێوده‌وڵه‌تی و ناوخۆیی كرد بۆ هاوكاریكردنی ئاواره‌ و په‌نابه‌ران و هیوای خواست پۆڵه‌ندا له‌ یه‌كێتیی ئه‌ورووپا هه‌وڵی زیاتر گه‌یاندنی دۆخی ئاواره‌ و په‌نابه‌ران بدات تا  به‌ هه‌موو لایه‌ك ڕه‌وشی ژیانیان باشتر بكرێت.





ئەم هەواڵە 3910جار خوێندراوەتەوە
 
 
ڤیدیۆ گەلەری
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad