English | عربی | Kurdî دواهەواڵ
ڕاستەوخۆ  
 
پەیوه‌ندیێن قورتالكرنێ‌!
2018-12-14 [12:59 PM]

نڤیسینا : شێرزاد نایف


په‌یوه‌ندی چاوا دبنه‌ به‌له‌ما قورتالكرنێ‌ ژ قه‌یران و ئاریشه‌یان؟ پسیاره‌كه‌ و به‌رسڤا وێ‌ یا ئاشكرا و نێزیكه‌ بۆ هه‌ر هه‌ڤوه‌لاتیه‌كێ‌ كورد، كا چاوا ئه‌م گه‌هشتینه‌ كنارێ‌ ئێمن، هه‌مووان زانی و دیتن و تێدا ژیان، به‌ری ساله‌كێ‌ دۆخێ‌ مه‌ د هه‌لویسته‌كی دابوو، نه‌ شه‌ڤا مه‌ شه‌ڤ بوو نه‌ رۆژا مه‌ رۆژبوو، ئه‌م هه‌موو پۆسیده‌ و بێزار بووین، ئه‌ڤ وه‌لات و دۆستێن مه‌زن یێن مه‌ هزر ژێ‌ دكرن كو دێ‌ بۆ مه‌ كوردان وملله‌تێ‌ هه‌رێما كوردستانێ‌ مینن دلسۆز و پشته‌ڤان و پێشه‌نگ، ب مخابنی ڤه‌، په‌سنا وێ‌ سه‌ركرده‌یێ‌ دكرن یێن هه‌یبه‌ت و كیانێ‌ مه‌ و حوكمه‌تا مه‌ یا كوردی ب سڤكی و ئه‌رزانی دادنا، كی ل هه‌مبه‌ری وێ‌ هێرشا هۆڤ دراوه‌ستا و هه‌داره‌كا دژوار دكێشا و ته‌حه‌مولا كه‌سانێن نه‌ژهه‌ژی و داخۆیانیێن وان یێن دوور ژ په‌روه‌رده‌ و رێزگرتنایێ‌ یێ‌ دن دكر، دانوستاندن ل گه‌ل وان كه‌سان دكر یێن نه‌گه‌هنه‌ گۆزه‌كا وی بۆ خزمه‌تێ‌ و خه‌باتێ‌، د پۆستێن نوو یێن عیراقێ‌ دا، پێخه‌مه‌ت بۆراندنا ده‌می و ل گه‌ل هندێ‌ ژی به‌رسڤا هه‌موو ره‌فتارێن هه‌ڤدوژ ددا ب رێیه‌كا نه‌رم و بێمنه‌ت و راسته‌قینه‌، چونكو ده‌مێ‌ مرۆڤی دۆزه‌كا ره‌وا هه‌بیت، یێ‌ مه‌زلۆم و مه‌غدۆر بیت، مه‌زنترین چه‌ك دده‌ست مرۆڤی دا هه‌یه‌، ئه‌و ژی چه‌كێ‌ حه‌قێ‌ مرۆڤی یه‌ و نه‌زاهه‌ت و ره‌وابوونا كێشه‌یا مرۆڤی، ئه‌ڤجا نێچیرڤان هه‌موو جیهان حێبه‌تی كر ب سیاسه‌تا خوه‌ یا زانا و ملله‌ت ژی گه‌هانده‌ كنارێ‌ ئێمن، ئه‌و بێزاری و پۆسیده‌یی هه‌موو ڤه‌گه‌رانده‌ڤه‌ و یێ ڤه‌دگرێیت، ئه‌نجامێن پرۆسا گشتپرسیێ‌ ژی بۆ مه‌ بوویه‌ وه‌كو باوه‌رنامه‌كا ب هێز، رۆژا وێ‌ دێ‌ هێت كو بكاربینین و نها ژی جاره‌كا دی، پشتی كو نێچیرڤان بارزانیێ‌ گه‌نج هه‌موو بهانه‌ و بیاڤێن مایتێكرنێ‌ بنبربكه‌ت و وه‌سا ب هووری و زانین زانی كه‌نگی دربێ‌ خوه‌ بدانیت و به‌رسڤا خوه‌ بده‌ت!. ب راستی رۆلێ‌ ده‌سكه‌فتێ‌ په‌یوه‌ندیێن سیاسی یێن نێچیرڤان بارزانی باشتر بۆ دو دۆخێن هه‌ستیار دیاربوون، رۆله‌كێ‌ كاریگه‌ر و گرنگ گێرا، ئه‌وژی ل ده‌مێ‌ ده‌سپێكا هاتنا تیرۆرستێن داعش و ئه‌و دۆخێ‌ مه‌ترسیدار و بێسه‌روبه‌ر یێن هێزێن مه‌ یێن سه‌ربازی كو ب وان په‌یوه‌ندیێن خوه‌ یێن دوبلۆماسی شیا هه‌ڤپه‌یمانان بینته‌ هاوارا مه‌ پشته‌ڤانیا پێشمه‌رگێ‌ كوردستانێ‌ كرینن ب هه‌می رێیان، ب تایبه‌ت ژی په‌یداكرنا به‌رگریا ئه‌سمانی و هنارتنا فرۆكه‌یێن شه‌ری بۆ شه‌رێ‌ ل دژی تیرۆرستێن داعش، كو شه‌ڤ و رۆژان نه‌ دنڤست تنێ‌ هێز و شیانێن خوه‌ یێن په‌یوه‌ندیێن نێڤده‌ولی دانه‌ كاری، ئه‌و ماندیبوون یا پێشچاڤه‌ و نا هێته‌ ژبیركرن، كا چه‌ند خه‌مێن ڤی وه‌لاتی دخوارن، چو جاران ناهێته‌ ژبیركرن، ئه‌ڤه‌ ژ لایه‌كی ڤه‌، به‌لێ‌ ژ لایه‌كێ‌ ڤه‌ ژی، ئه‌ڤ قه‌یرانا دژوان ژشیا به‌ره‌ به‌ره‌ به‌ره‌ ب كێمبوونێ‌ ڤه‌ ببه‌ت و شیا ب سه‌ره‌ده‌ریا خوه‌ یا دیبلۆماسی مه‌ بگه‌هینه‌ كنارێ‌ ئارام، هنگی ده‌لیڤه‌ێت باش بۆ هاته‌ رۆخسین كو ده‌سهه‌لاتێن سه‌رۆكێ‌ هه‌رێمێ‌ ژی كه‌فتنه‌ ده‌ستان، ل ده‌مێ‌ سه‌رۆك مسعود بارزانی ده‌ست ژێ‌ ڤه‌كێشایی، له‌ورا نها یێ‌ به‌رهه‌ڤه‌ و مه‌زنترین سه‌ربۆر ئاڤاكرینه‌ بۆ برێڤه‌برنا پۆستێ‌ سه‌رۆكاتیا هه‌رێما كوردستانێ .





ئەم هەواڵە 5914جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad