English | عربی | Kurdî دواهەواڵ
ڕاستەوخۆ  
 
سارۆخان: ئه‌گه‌ر توركیا هێرش بکاته‌ سه‌ر خاکی کوردستانی سووریا، ده‌دۆڕێت
2018-12-15 [10:31 AM]

ZNA - هه‌ولێر


 

سه‌رۆک وه‌زیرانی کانتۆنی جزیره‌ رایگه‌یاند، ئه‌گه‌ر بێتوو ئه‌ردۆغان هێرش بکاته‌ سه‌ر خاکی کوردستانی سووریا ده‌دۆڕێت له‌به‌ر ئه‌وه‌ی ئێمه‌ شکستمان به‌ گرووپێکی تیرۆریستیی جیهانی هێنا که‌ داعش بوو بۆیه‌ شکست به‌ تورکیاش ده‌هێنین.

عه‌بدولکه‌ریم سارۆخان وتی، هه‌ڕه‌شه‌کانی ئه‌ردۆغان له‌باره‌ی کوردستانی سووریاوه‌ جیدین و ئێمه‌ به‌ مه‌ترسیی ده‌زانین چوونکه‌ ئه‌و هه‌ڕه‌شانه‌ تازه‌ نیین و له‌ ماوه‌ی حه‌وت ساڵی ڕابردوودا ناوچه‌که‌ی ئێمه‌ به‌رده‌وام هه‌ڕه‌شه‌ی له‌سه‌ر بوووه‌ و تورکیا ده‌ستدرێژیی کردۆته‌ سه‌ر خاکمان، هه‌رکات هه‌ڕه‌شه‌ی هێرشکردنی کردبێت هێرشه‌که‌شی کردوووه‌ دوایین نموونه‌شی عه‌فرین بوو و ئه‌و به‌شه‌ی خاکی سووریای جیا کرده‌وه‌.

عه‌بدولکه‌ریم سارۆخان ئاماژه‌ی به‌وه‌دا، ئێمه‌ ته‌واو ئاماده‌ین و وه‌ڵامی هه‌موو هه‌ڕه‌شه‌یێک ده‌ده‌ینه‌وه‌ و بێده‌نگ نابین. هێزه‌کانی ئێمه‌ له‌ بواری سه‌ربازی و سیاسی و کۆمه‌ڵایه‌تی و پێكهاته‌ییدا خۆیان ئاماده‌ کردوووه‌، ئه‌گه‌ر بێتوو ئه‌ردۆغان هێرش بکاته‌ سه‌ر خاکی کوردستانی سووریا ده‌دۆڕێت له‌به‌ر ئه‌وه‌ی ئێمه‌ شکستمان به‌ گرووپێکی تیرۆریستیی جیهانی هێنا که‌ داعش بوو بۆیه‌ شکست به‌ تورکیاش ده‌هێنین.

سارۆخان باسی له‌وه‌ كرد، ئه‌مه‌ریکا له‌ باکوور و ڕۆژهه‌ڵاتی سووریا بوونی هه‌یه‌، ئێمه‌ له‌و قه‌ناعه‌ته‌دا نیین که‌ ئه‌مه‌ریکا بیهه‌وێت خزمه‌تی ئێمه‌ بکات یان یارمه‌تیمان بدات به‌ڵام بڕوا ناکه‌ین هێرشه‌که‌ی تورکیا بۆ سه‌ر کوردستانی سووریا به‌ قازانجی داهاتووی ئه‌مه‌ریکاش و هاوپه‌یمانیی ڕۆژئاوایش بێت.

ئه‌وه‌شی خسته‌روو، ئه‌گه‌ر ته‌نانه‌ت ئه‌مه‌ریکا و وڵاتانی ڕۆژئاوا مامه‌ڵه‌ بکه‌ن و ڕێگه‌ به‌ هێرشه‌که‌ی تورکیا بده‌ن هه‌موو شتێک به‌ستراوه‌ به‌ ئاستی به‌رخۆدان و خۆڕاگریی ئێمه‌ له‌ به‌رانبه‌ر ده‌ستدرێژییه‌کانی تورکیا.

رۆژی 12ی ئه‌م مانگه‌ رەجەب تەیب ئەردۆغان سه‌رۆك كۆماری توركیا، بەشداری لە لووتکەی پیشەسازیی بەرگریی تورکیا كرد کە لە ئەنقەرە بەڕێوەچوو و له‌م لووتكه‌یه‌ گوتارێکی پێشکەشکرد و رایگه‌یاند، گوزارشتمان لەوەکرد کە لە میانی چەند رۆژێکدا، ئۆپەراسیۆنەکەمان بۆسەر رێکخراوی تیرۆریستیی جوداخواز لە خۆرهەڵاتی فورات دەست پێ دەکەین و گوزارشتی لێدەکەینەوە.

 

كوردپرێس





ئەم هەواڵە 3619جار خوێندراوەتەوە
 
 
ڤیدیۆ گەلەری
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad